Hechos 26:9 - Porciones del Nuevo Testamento

⁹ Wãrãnebai mʉãrã ne jõma oita krĩchasia Jesús Nazaredꞌebemane ĩjã bꞌera kiaweita.

Hechos 26:9 Referans Kwoze

Hechos 22:8

Mawũãĩ mʉãrã panaʉ̃ mawũãsia: ¿Bʉra kꞌaipe Nokꞌó? Mʉã mawũãĩ mawũãsia: Mʉrã Jesús Nazaredꞌebema, maʉ̃ta bʉa pẽwã bꞌʉa.

Romanos 10:2

Mʉã kꞌawuaidꞌera Daizezeba krĩñane nʉma krĩña bꞌea, mawũãmina wãrĩnu sãwũãta kꞌawua duanu ẽã.

Hechos 24:5

Daibara kꞌawuasidꞌa ũmakĩrã naʉ̃ ne kꞌazhiruata, ẽjũã jõmaʉ̃ maẽ judíorã jõma kĩrũbiga bꞌʉa, Nazaredꞌebema ũrãgꞌadꞌe bꞌe nokꞌoa.

Hechos 21:13

Mawũãmina Pablobara panaʉ̃ mawũãsia: ¿Kꞌãrẽta odꞌaipe jẽgabʉdaba mʉ sopuabi kꞌobꞌebara? Mʉrã bari zhi jʉ̃bigaidꞌe bꞌʉ ẽã, awuarabʉrʉ Jerusalénne beuisidꞌa bꞌʉa Nokꞌo Jesús kꞌarea.

Hechos 9:16

Mʉã izhaa kꞌawuabiya izhi sãwũã zuburiai barata mʉnebemata jara bꞌʉdꞌera.

Hechos 3:6

Mawũãmina Pedrobara mawũãsia: Mʉrã plata ne ẽã, miã oro ne ẽã. Mawũãmina mʉã erubꞌʉta diaya: ¡Jesucristo Nazaredꞌebema trʉ̃neba piradrʉpe nimibarua!

Juan 15:21

Marã mʉ kꞌarea mawũã zuburia odꞌaya, ũdukꞌawadꞌa ẽãba mʉ zokꞌadꞌata.

Hechos 3:17

Mawũãmina mʉãrã kꞌawua bꞌʉa marã mʉ ʉreta bꞌebara Jesús zhãrã Ẽdrʉbita kꞌawuadꞌa ẽãba beabisidꞌa mazhi nokꞌorã bawarauba.

Hechos 9:1

Saulobara Jesús pẽwã bꞌera beakuaita waragꞌa nʉmʉba zesia sacerdote wagꞌauma.

Hechos 22:3

Wãrãnebai mʉrã judíota tosia Tarso pʉwʉrʉdꞌe, maʉ̃ pʉwʉrʉra Cilicia druadꞌebema. Mawũãmina mʉrã warisia nama Jerusalén pʉwʉrʉdꞌe. Mʉãrã ũrãgꞌara kꞌawasia Gamalieldꞌeba, sãwũã kꞌawai bꞌʉdꞌe kꞌawasia Moisé ũrãgꞌa dazhirã zhibarirã bꞌeadꞌadꞌeta. Aramaʉ̃ne Daizezedꞌebema aribꞌae bꞌasia idꞌi ewade jõma marã bꞌe kĩrãkꞌa.

Hechos 22:4

Mʉãrã pẽwã bꞌasia Jesúsdꞌebema ĩjã bꞌera beaita, jidakuape cárceldꞌe chãbꞌariita zhũmakĩrãrãta wũẽrãrãta.