Hechos 26:20 - Porciones del Nuevo Testamento

²⁰ Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.

Hechos 26:20 Referans Kwoze

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Mateo 3:8

Mawũẽ dajada kꞌazhiruara ãmape bꞌeta Daizezeta pẽwã bꞌeaudua.

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Mateo 9:13

Mawũẽ wãũdua, mobe sãwũãta kꞌawaudua Daizezeba mawũãnata: Mʉãrã krĩña bꞌʉa zhãrã sozuburia bꞌeaita mʉĩta nendʉwʉrʉta babue bꞌeai kꞌãñabara. Daizezeba mawũãnaneba mʉãrã jʉrʉdꞌe ze ẽbasia ãzhikusa biata bꞌeta, awuarabʉrʉ ẽdrʉbigaita jʉrʉdꞌe zesia kꞌazhirua omiãrãta, kꞌazhiruara ãmape Daizezeta pẽwãnamarẽã.

Romanos 2:4

¿O bʉma seri ẽka izha kꞌãbãẽã sozuburia nʉmʉba zrogꞌa bꞌʉra, bʉara kꞌawua ẽã nʉmʉ ẽka izhara sozuburia bꞌʉta kꞌazhiruara ãmape izhita pẽwãmarẽã?

Hechos 26:17

Mʉã bʉra ẽdrʉbi bꞌaya bʉzhirã juwuadꞌeba, judíorã ẽã juwuadꞌeba. Kꞌõbebʉrʉ mʉã bʉra maʉ̃rãma zokꞌaya.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 17:30

Mawũãmina Daizezebara nawedꞌara idaribisia izhidꞌebema kꞌawuadꞌa ẽãba kꞌãwũã bꞌera, idꞌibai baridu maẽ zhãrã jõmaʉ̃ã jara bꞌʉa kꞌazhiruara ãmape izhita pẽwãnamarẽã.

Hechos 15:19

Maʉ̃neba mʉã jaraya, judíorã ẽãta idu bꞌʉ ẽã jirpanarãũdua Daizezedꞌebema ĩjãbʉdata.

Hechos 11:18

Maʉ̃ta ũrĩbʉdadꞌera chupeadꞌape Daizeze ibia jara mawũãsidꞌa: ¡Mawũẽ Daizezebara idaribibʉrʉa judío ẽãta bꞌebidꞌa kꞌazhiruara ãmape izhita pẽwãnamarẽã, aramaʉ̃ne jidadꞌamarẽã izhi ũme bꞌai jõ ẽãta!

Hechos 9:35

Maʉ̃ta jõmaʉ̃ba ũdusidꞌa Lida pʉwʉrʉdꞌe bꞌeba, Sarón pʉwʉrʉdꞌe bꞌeba, mawũẽ maʉ̃rãbara ĩjãsidꞌa Jesúsdꞌebema.

Hechos 9:15

Mawũãĩ Nokꞌobara mawũãsia: Wãrũã, maʉ̃ mʉã jʉrʉsia mʉnebemata jarakꞌa wãmarẽã judío ẽãta bꞌea, reyrãta bꞌea, Israel bꞌea.

Lucas 15:10

Mʉã marãã jaraya, aramaʉ̃ kĩrãkꞌa ángelerã Daizezedꞌera sobiadꞌaya kꞌazhirua omiã abꞌaʉba kꞌazhiruara ãmape Daizezeta pẽwãbʉrʉ kꞌarea.

Lucas 15:7

Mʉã marãã jaraya, aramaʉ̃ kĩrãkꞌa ʉ̃trera audre sobiadꞌaya kꞌazhirua omiã abꞌaʉba kꞌazhiruara ãmabʉrʉta Daizezeta pẽwãbʉrʉ kꞌarea. Noventa y nueve biarãta Daizeze pẽwã bꞌe kꞌãñabara.

Lucas 13:5

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 13:3

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 1:16

Israel bꞌedꞌebema bioa wakusa pẽwãbigaya ãzhi Zhibari Daizezeta.

Marcos 6:12

Jesúsba jʉrʉkuadꞌara wãnape zhãrã bꞌea jara jʉ̃drʉsidꞌa kꞌazhiruara ãmape Daizezeta pẽwãnamarẽã.

Mateo 4:17

Maʉ̃ ewaridꞌeba Jesús miã ũrãgꞌa jʉ̃drʉbʉrʉta mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Hechos 26:19

Mawũẽ rey Agripa, mʉãrã aribꞌae ẽã nʉma ẽbasia mʉãã jarabʉrʉra Ʉ̃trebemaba.