Hechos 24:25 - Porciones del Nuevo Testamento

²⁵ Maʉ̃nerã Pablobara jarasia bia ẽãta o ẽbaidꞌebemata kĩrãẽpa bꞌaidꞌebemata, dewara jarasia Daizezeba zhãrã kꞌawua oita ewarita zeita, nokꞌo Félix maʉ̃ba perape mawũãsia: Namabaia wãrũã. Mʉã trʉ̃ bꞌeidꞌe mʉã bʉra trʉ̃ña.

Hechos 24:25 Referans Kwoze

Juan 16:8

Izhi zebʉrʉdꞌera ẽjũãne bꞌea kꞌawuabigaya kꞌazhiruadꞌe bꞌeta, waya mʉrã bedꞌea ne ẽã bꞌʉta, kꞌawuabigaya zhãrã Daizezebara kꞌawua oita.

Hechos 10:42

Daira zokꞌakuasia zhãrãã jaradꞌamarẽã izhira Daizezebara bedꞌea araa obarita bꞌidꞌapʉta zokꞌai bꞌerãĩta beudꞌarãĩta.

Hechos 24:15

Mʉãrã ãzhidꞌe kĩrãkꞌa ĩjã bꞌʉa Daizezebara beudꞌapeadꞌara piradrʉbigaita biata bꞌeta bia ẽãta bꞌeta.

Hechos 17:32

Mawũã beudꞌata piradrʉdꞌata ũrĩbʉdadꞌera ʉ̃kʉrʉbara sewakꞌau bꞌʉa asidꞌa, waya dewaraurãbara mawũãsidꞌa: Daibara bʉ bedꞌeara tẽãne ũrĩnaña maʉ̃nebemata wakusa.

Hechos 17:2

Pablora izhi kꞌawa bꞌʉdꞌe maʉ̃rãma wã bꞌʉta ewari ẽnaʉ̃bada ũbea bedꞌeasia ãzhi bawara.

Hechos 2:37

Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?

Romanos 14:12

Aramaʉ̃ne dazhara abꞌa abꞌaʉba Daizezea jaradꞌaya dazhidꞌebemata.

Romanos 12:1

Mawũẽ mebẽrã, Daizezeba sozuburiadꞌaba mʉã marãã jaraya, marã kꞌakuara izhaa chãbꞌaribʉdata Daizezeba krĩñane bꞌeaudua, marã mawũãrã wãrãne izha krĩñane nʉmeãña.

Romanos 2:16

Daizezeba kꞌawua obʉrʉ ewadera zhãrãnebema kꞌawuadꞌa ẽãrã Jesucristodꞌeba kꞌawua oya bedꞌea biata mʉã jara bꞌʉdꞌe.

Hechos 26:28

Mawũãĩ Agripabara Pabloa mawũãsia: Bʉa mʉrã Cristodꞌebema babidea.

Hechos 17:13

Judíorã Tesalónica pʉwʉrʉdꞌebemabara kꞌawuasidꞌa mawũã Berea pʉwʉrʉdꞌebidꞌa Daizeze bedꞌea jara nʉmʉta Pablobara, mawũẽ wãnape maĩnubidꞌa bĩ ẽãbisidꞌa kꞌabanata.

Hechos 9:6

Mawũãĩ Saulobara peraba ure mawũãsia: Nokꞌó, ¿bʉara mʉã kꞌãrẽta oita krĩñape? Mawũãĩ Nokꞌobara mawũãsia: Piradrʉpe pʉwʉrʉedꞌa wãrũã, mama jaradꞌaya bʉa kꞌãrẽ oita.

Mateo 22:5

Mawũãmina trʉ̃kuadꞌapeadꞌara wãna ẽãbʉrʉ ʉ̃kʉrʉ wãsidꞌa ãzhi trabajoedꞌa, ʉ̃kʉrʉ ãzha kꞌãrẽ oi bꞌʉta oedꞌa.

Hechos 24:26

Aramaʉ̃ne Pabloba plata diamarẽã bꞌasia izha enaĩbari, maʉ̃ kꞌarea zema bio zebi bꞌʉta bedꞌea bꞌasia izhi ũme.