Hechos 24:14 - Porciones del Nuevo Testamento

¹⁴ Mawũãmina mʉã naʉ̃ta bʉaa jaraya: Mʉãrã pẽwã bꞌʉa Jesúsdꞌebema ota ãzha jãpe bꞌʉa abꞌeta, mʉãrã aramaʉ̃ne bedꞌeata aribꞌae bꞌʉa mʉ zhibarirã bꞌeadꞌa Zhibaridꞌeta. Mʉãrã jõma ĩjã bꞌʉa Moisé ũrãgꞌadꞌe bꞌʉ tabꞌeta, Daizezeba bedꞌeata jarabibarirãne bꞌʉ tabꞌeta.

Hechos 24:14 Referans Kwoze

Hechos 9:2

Mobe kꞌarta widꞌisia de zhi jʉrebadata Damasco pʉwʉrʉdꞌe nʉmeza wãĩta, aramaʉ̃ne zhũmakĩrãrãta, wũẽrãrãta, Jesús pẽwã bꞌeta ũdura jidakua weita Jerusalénʉẽna.

Romanos 3:21

Mawũãmina idꞌira Moisé ũrãgꞌa aribꞌaedꞌa ẽãne sãwũã bedꞌea ne ẽã bꞌʉira kꞌawuabisia Daizezebara, maʉ̃ zhi jarama Moisé ũrãgꞌaba, Daizezeba bedꞌeata jarabibarirã bꞌeadꞌaba.

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.

Hechos 3:13

Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã.

Hechos 26:22

Mawũãmina Daizezeba kꞌareba nʉmʉba idꞌi basiidꞌu jara nʉmʉã zhi zroma ẽãta bꞌea, zhi zromata bꞌea, aramaʉ̃ne mʉãrã jãpe jara nʉmʉ ẽã Daizezeba bedꞌeata jarabibarirãba dewara Moiséba sãwũã berabꞌariita jaradꞌapeadꞌara:

Hechos 24:5

Daibara kꞌawuasidꞌa ũmakĩrã naʉ̃ ne kꞌazhiruata, ẽjũã jõmaʉ̃ maẽ judíorã jõma kĩrũbiga bꞌʉa, Nazaredꞌebema ũrãgꞌadꞌe bꞌe nokꞌoa.

Hechos 26:27

¿Rey Agripa, bʉara ĩjã bꞌʉka Daizezeba bedꞌeata jarabibarirãba jaradꞌapeadꞌara? Mʉãrã kꞌawua bꞌʉa bʉara ĩjã bꞌʉta.

Hechos 26:6

Idꞌibaira Daizezeba dazhirã zhibarirã bꞌeadꞌaa jaradꞌara izhara aribꞌaeita mʉã ĩjã bꞌʉ kꞌarea mʉrã trʉ̃sidꞌa kꞌawua odꞌaita.

Hechos 24:22

Nokꞌo Félixba maʉ̃ta ũrĩbʉrʉdꞌera Jesúsdꞌebema ora bia kꞌawua bꞌʉba mawũãsia: Soldaorã nokꞌo wagꞌau Lisia naĩnu eidꞌu zebʉrʉdꞌe mʉãrã ma kꞌawuaya marãnebema.

Hechos 22:14

Mawũẽ izhara mawũãsia: Dazhirã zhibarirã bꞌeadꞌa Zhibariba bʉra jʉrʉsia izha kꞌãrẽ krĩñata bʉa kꞌawuamarẽã, aramaʉ̃ne akʉmarẽã Jesús biata, izhi nemita ũrĩmarẽã izhi idꞌeba.

Hechos 19:9

Mawũãmina ʉ̃kʉrʉbara ĩjãna ẽãba Jesús pẽwã bꞌera bĩ ẽã jara jirpanesia kꞌabana kĩrãbita. Mawũẽ Pablora ãzhi maẽbara wãbʉrʉta Jesúsdꞌebema ĩjã bꞌera jʉre edepe ewariza bedꞌea bꞌasia escuelata Tiranno abadadꞌe maẽ.

Hechos 13:15

Moisé ũrãgꞌata ledꞌape, Daizezeba bedꞌeata jarabibarirã bedꞌeata ledꞌape, de zhi jʉrebada maẽ nokꞌorãbara zhãrãta zokꞌasidꞌa mawũãnamarẽã: Mebẽrã, marãba zhãrã ũrãgꞌai bedꞌeata erupanʉbʉrʉ bedꞌeaudua.

Hechos 10:43

Maʉ̃ Jesúsdꞌebemata jarasidꞌa Daizezeba bedꞌeata jarabibarirã jõmaʉ̃ba, jarasidꞌa jõma izhidꞌebemata ĩjãbʉdara kꞌazhiruata biodꞌebara bedꞌea ne ẽã duaneĩta izhidꞌeba.

Hechos 7:32

Mʉrã bʉ zhibarirã bꞌeadꞌa Zhibaria, Abraham Zhibaria, Isaac Zhibaria, Jacobo Zhibaria. Mawũãĩ Moiséra ure kꞌobꞌʉba akʉ ẽbasia.

Hechos 5:30

Dazhirã zhibarirã bꞌeadꞌa Zhibariba Jesús piradrʉbisia marãba beadꞌapeadꞌata cruzdꞌe ʉ̃tʉ kꞌachi.

Juan 1:45

Felipebara Natanael jʉrʉ wãpe ũdui mawũãsia: Daibara ũdusidꞌa jari Moiséba ũrãgꞌadꞌe bꞌʉdꞌara, jari Daizezeba bedꞌeata jarabibarirãba jara bꞌʉdꞌapeadꞌara. Izhira Jesúa, José warra Nazaredꞌebema.

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Lucas 24:27

Mobebʉrʉ Moiséba bꞌʉdꞌadꞌeba, Daizezeba bedꞌeata jarabibarirãba bꞌʉdꞌapeadꞌadꞌeba sãwũãta bia jarakꞌasia. Maʉ̃nerã zhi bꞌʉma jõmaʉ̃neba jarasia izhidꞌebemata jara tabꞌeta.

Lucas 16:29

Mawũãĩ Abrahambara mawũãsia: Ũrãgꞌa Moisédꞌeta, ũrãgꞌa Daizezeba bedꞌeata jarabibarirãneta erubꞌea, mawũẽ maʉ̃ta ũrĩnaĩbara.

Lucas 16:16

Ũrãgꞌara Moisédꞌeta tabꞌʉta, Daizezeba bedꞌeata jarabibarirãneta tabꞌʉta, tabꞌʉa Juanba jaradꞌa bitabai. Mamaʉ̃ba jara panʉã Daizezeta Nokꞌodꞌebemata, mawũẽ bio maʉ̃ne edꞌa wã krĩña bꞌea.

Lucas 1:70

Kꞌãwũã oita jarasia izha bedꞌeata jarabibarirã idꞌeba, maʉ̃rã nawedꞌa bꞌeadꞌadꞌeba.

Mateo 22:40

Maʉ̃ ũmeta aribꞌae nʉmʉba jõma aribꞌae nʉmaña Daizezeba ũrãgꞌa Moiséa diadꞌata, Daizezeba bedꞌeata jarabibarirãba bꞌʉdꞌapeadꞌata.

Mateo 10:32

Bariduba zhãrã kĩrãbita mʉ pẽwã bꞌʉa ara, mʉãbidꞌa mʉ pẽwã bꞌʉa aya mʉ Zeze ʉ̃tre bꞌʉ kĩrãbita.

Mateo 7:12

Zhãrãba ne jõmaʉ̃ne marã sãwũã odꞌaita krĩña bꞌedꞌe marãba ãzhita mawũã oudua. Maʉ̃ta Daizezeba ũrãgꞌa Moiséa diadꞌa, maʉ̃ta Daizezeba bedꞌeata jarabibarirãba bꞌʉdꞌapeadꞌa.

Hechos 19:23

Maʉ̃ ewadera kꞌãbãẽã kĩrũsidꞌa Jesúsdꞌebema pẽwã bꞌedꞌebemane.

Hechos 15:5

Mawũãmina ʉ̃kʉrʉ fariseorãnebemaba Jesúsdꞌebema ĩjãnapeadꞌata piradrʉdꞌape mawũãsidꞌa: Judíorã ẽãta bꞌera zhũmakĩrã kꞌakua eta kꞌõĩbara, jaradꞌaibara aribꞌaedꞌamarẽã ũrãgꞌa Moisédꞌeta.

Hechos 25:8

Maʉ̃nerã Pablobara izhikusa zhi kꞌareba mawũãsia: Judíorã ũrãgꞌa ʉ̃rʉ̃rã, miã Daizeze de ʉ̃rʉ̃rã, miã rey César ʉ̃rʉ̃rã mʉrã kꞌazhiruara o ẽã miã kꞌãrẽne.

Hechos 26:4

Mʉrã zhi zake wedꞌauba jẽde wedꞌauba mʉzhi druadꞌe Jerusalénne sãwũã bꞌadꞌata kꞌawua bꞌea judíorã jõmaʉ̃ba.

Hechos 28:22

Mawũãmina daibara ũrĩ krĩña kꞌobꞌea bʉ sãwũã krĩcha bꞌʉta. Jesús ũrãgꞌadꞌe bꞌera daibara kꞌawua bꞌea baridu maẽ bĩ ẽã jara bꞌeta.

Romanos 1:9

Mʉãrã Daizezera soidꞌu aribꞌae bꞌʉba bedꞌea biata jara bꞌʉa zhi Warradꞌeta, izhara kꞌawua bꞌʉa mʉã marã ewariza jara tau ẽãta mʉ zhiwidꞌibʉrʉdꞌera.