Hechos 24:10 - Porciones del Nuevo Testamento

¹⁰ Nokꞌobara juwuaba Pabloa jarasia bedꞌeamarẽã, mawũẽ mawũãsia: Mʉãrã kꞌawua bꞌʉa bʉra año bio bata bedꞌea araa obꞌʉta kꞌãwũã daidꞌebemata, mawũẽ mʉrã wãnigua bedꞌeaya mʉzhikusa zhi kꞌarebaita.

Hechos 24:10 Referans Kwoze

Hechos 26:1

Mobebʉrʉ rey Agripabara Pabloa mawũãsia: Bʉzhikusa zhi kꞌareba bedꞌearua. Mawũãĩ Pablora juwua jirabꞌari izhikusa zhi kꞌareba mawũãsia:

Hechos 23:24

Kꞌawayodꞌe silla bꞌʉdꞌamarẽã jarasia Pablo maʉ̃ne bꞌaribidꞌape zokꞌai erjũẽnamarẽã nokꞌo Félix bꞌʉma.

Hechos 21:40

Mawũãĩ jaribara idaribibʉrʉba Pablo dume maẽ ʉ̃ta nʉmepe chupeadꞌamarẽã juwuaba jarasia zhãrã kꞌobꞌea. Aramaʉ̃ne chupeadꞌai hebreo bedꞌeadꞌe bedꞌea mawũãsia:

Hechos 19:33

Kꞌabanane edꞌauba Alejandrota jiraedabʉdata bedꞌeamarẽã edabꞌarisidꞌa judíorãba. Mawũẽ Alejandrobara chupeadꞌamarẽã juwuaba jarape ãzhi kꞌareba bedꞌeai basia zhãrã kꞌobꞌe kĩrãbita.

Hechos 18:15

Mawũãmina bari bedꞌea baera, trʉ̃ baera, mazhi ũrãgꞌa baera, mazhabʉrʉ araa oudua. Mʉrã bedꞌea araa obarita kꞌobꞌa krĩña ẽã maʉ̃nebemanerã.

Hechos 13:16

Mawũãnaĩ Pablobara piradrʉpe chupeadꞌamarẽã juwuaba jarape mawũãsia: Marã israelitarãba ũrĩũdua, judío ẽãta Daizeze wawia bꞌeba ũrĩũdua:

Hechos 12:17

Maʉ̃ne izhara chupeadꞌamarẽã juwuaba jarape nebʉrʉsia Daizezeba sãwũã ẽdrʉbita cárceldꞌeba. Mobe mawũãsia: ¡Maʉ̃ta kꞌawuabiudua Jacoboa dewara mebẽrãã! Mawũãpe wãbʉrʉta wãsia ẽjũã awʉrʉedꞌa.

Lucas 18:2

Maʉ̃ta mawũãsia: Pʉwʉrʉdꞌe nokꞌota bꞌasia bedꞌeata araa obarita, Daizeze wawi ẽbasia, miã zhãrã wawi ẽbasia.

Lucas 12:14

Mawũãĩ Jesúsbara mawũãsia: ¿Mʉrã kꞌaiba marã ʉ̃rʉ̃ bꞌʉsidꞌa mawũã bedꞌea marãnebemata araa oira o ne draira?

Lucas 12:11

De zhi jʉrebada nʉmeza marã webʉdata nokꞌorã bedꞌea araa obada kĩrãbita webʉdadꞌera, perarãũdua sãwũã panaʉ̃naĩ kꞌareara, o kꞌãrẽ jaradꞌai kꞌareara.