Hechos 22:3 - Porciones del Nuevo Testamento

³ Wãrãnebai mʉrã judíota tosia Tarso pʉwʉrʉdꞌe, maʉ̃ pʉwʉrʉra Cilicia druadꞌebema. Mawũãmina mʉrã warisia nama Jerusalén pʉwʉrʉdꞌe. Mʉãrã ũrãgꞌara kꞌawasia Gamalieldꞌeba, sãwũã kꞌawai bꞌʉdꞌe kꞌawasia Moisé ũrãgꞌa dazhirã zhibarirã bꞌeadꞌadꞌeta. Aramaʉ̃ne Daizezedꞌebema aribꞌae bꞌasia idꞌi ewade jõma marã bꞌe kĩrãkꞌa.

Hechos 22:3 Referans Kwoze

Hechos 26:5

Ãzhara dewara kꞌawua bꞌea jara krĩñanarã jẽdeuba mʉãrã dazhirã ũrãgꞌata aribꞌae bꞌʉba mʉrã fariseota bꞌʉa.

Hechos 9:11

Mawũãĩ Nokꞌobara mawũãsia: Piradrʉpe wãrũã pʉwʉrʉdꞌe o Jipata jarabadaidꞌu. Mobe Juda dedꞌa jʉrʉdua iabꞌa Saulo abadata Tarso pʉwʉrʉdꞌebemata, izhira zhiwidꞌi nʉmʉã.

Hechos 5:34

Maʉ̃ne nokꞌorã wagꞌaurãneba piradrʉsia fariseo Gamaliel abadata Moisé ũrãgꞌadꞌe bigauta zhãrã jõmaʉ̃ba wawideta. Maʉ̃bara jarasia aritiaedꞌa ãĩ ededꞌamarẽã Jesúsba zokꞌakuadꞌara.

Hechos 21:39

Mawũãĩ Pablobara mawũãsia: Wãrãnebai mʉrã judíota Tarso pʉwʉrʉdꞌebemata pʉwʉrʉ zroma maẽbema, maʉ̃ pʉwʉrʉra Cilicia druadꞌebema. Mʉ biata odua mʉta idu bedꞌeabirua zhãrã kꞌobꞌea.

Hechos 21:20

Maʉ̃ta ãzha ũrĩbʉdadꞌera Daizezera ibia jarasidꞌa. Mobe Pabloa mawũãsidꞌa: Akʉbꞌʉe mebea, judíorãnebema mil bio bꞌʉa Jesúsdꞌebema ĩjãbʉdata, jõmaʉ̃ba aribꞌae bꞌea Moisé ũrãgꞌata.

Lucas 10:39

Martara mebea bara bꞌasia María abadata. Maʉ̃ Maríara Jesús jẽrũ kꞌaita jewedꞌa bꞌepe ũrĩ bꞌesia izhi bedꞌeata.

Romanos 11:1

Maʉ̃neba mʉã widꞌiya: ¿Daizezebara izhidꞌerã kenabꞌarisika? Mawũã ẽã. Mʉsidꞌa israelitarãta Abrahamneba uruta Benjamín warrarãnebema.

Hechos 23:6

Pablobara kꞌawuasia ʉ̃kʉrʉ saduceorãta, ʉ̃kʉrʉ fariseorãta, mawũẽ nemi jĩgua nokꞌorã wagꞌaurãã mawũãsia: Mʉ ʉrerã, mʉrã fariseoa, mawũẽ mʉrã fariseorãnebema. Beukuadꞌata piradrʉdꞌaita mʉã ĩjã bꞌʉdꞌeba mʉrã kꞌãwũã jirpanʉã.

Hechos 6:9

Maʉ̃ne ʉ̃kʉrʉ bꞌeasia de zhi jʉrebada maẽbemata, maʉ̃ dera Nezokꞌarãta Ẽzoadꞌadꞌea abazhidꞌa, dewara bꞌeasia Cirene druadꞌebemata, Alejandría pʉwʉrʉdꞌebemata, Cilicia druadꞌebemata, Asia druadꞌebemata, maʉ̃rãta kꞌaikꞌaiasidꞌa Esteban bawara.

Hechos 23:34

Nokꞌobara kꞌartara lepe widꞌisia kꞌãrẽ druadꞌebemata. Aramaʉ̃ne Cilicia druadꞌebemata kꞌawuai,

Hechos 15:41

Aramaʉ̃ne Siria druadꞌe, Cilicia druadꞌe berabꞌarisia soidꞌu bꞌeamarẽã ũrãgꞌa mebẽrãta.

Hechos 15:23

Bedꞌeata maʉ̃rãba ededꞌamarẽã mawũã bꞌʉsidꞌa: Dai Jesúsba zokꞌakuadꞌaba, Nokꞌorã mebẽrãneba, mebẽrãba, marã dai mebẽrã judíorã ẽãta Antioquía pʉwʉrʉdꞌe, Siria druadꞌe, Cilicia druadꞌe bꞌea: Diabuebʉda saludota.

Hechos 11:25

Maʉ̃ tẽã Bernabé Tarso pʉwʉrʉedꞌa wãsia Saulo jʉrʉdꞌe. Ũdui edesia Antioquíaedꞌa.

Hechos 9:30

Mebẽrãbara maʉ̃ta kꞌawuadꞌape edesidꞌa Cesarea pʉwʉrʉidꞌu, mobe zokꞌasidꞌa Tarso pʉwʉrʉedꞌa.

Lucas 8:35

Mawũẽ akʉdꞌe erbuesia mawũã berabꞌaribʉrʉta. Jesúidꞌu zebʉdadꞌera jai bio abꞌadꞌara ũdusidꞌa, Jesús jẽrũ kꞌaita jewedꞌa bꞌʉta wua jʉ̃ bꞌasia kĩrãbape, mawũẽ perakuasia.

Lucas 2:46

Aramaʉ̃ne ewari ũbeadꞌe Daizeze dedꞌa ewara maẽ ũdusidꞌa, ũrãgꞌa Moisédꞌe jarabada bawara jewedꞌa bꞌʉta bedꞌeata ũrĩ widꞌika bꞌasia.

Hechos 9:1

Saulobara Jesús pẽwã bꞌera beakuaita waragꞌa nʉmʉba zesia sacerdote wagꞌauma.

Hechos 26:9

Wãrãnebai mʉãrã ne jõma oita krĩchasia Jesús Nazaredꞌebemane ĩjã bꞌera kiaweita.