Hechos 22:1 - Porciones del Nuevo Testamento

¹ Mʉ ʉrerã, marã mʉ zeze kĩrãkꞌa bꞌea, mʉ marã kĩrãbita mʉzhikusa zhi kꞌareba bedꞌeaita ũrĩũdua.

Hechos 22:1 Referans Kwoze

Hechos 7:2

Mawũãĩ Estebanbara mawũãsia: Mʉ ʉrerã, marã mʉ zeze kĩrãkꞌa bꞌeba mʉ bedꞌeata ũrĩũdua: Daizeze zhi zromata dazhirã zeze Abrahanʉã zhi ũdubisia wadꞌi Mesopotamia druadꞌe bꞌʉdꞌe Harán pʉwʉrʉdꞌe bꞌei nawedꞌa.

Romanos 2:15

Aramaʉ̃ne ũrãgꞌadꞌebema obꞌeta ũdubi bꞌera zhi bꞌʉma ãzhi sodꞌe, krĩchabara kꞌawua bꞌea kꞌãrẽ obʉdara biata o bia ẽãta, bedꞌea bara bꞌeta o bedꞌea ne ẽã bꞌeta.

Hechos 28:17

Jũẽnata ewari ũbeadꞌe Pablobara trʉ̃bisia nokꞌorã judíorãneta, aramaʉ̃ne ãba zebʉdadꞌera mawũãsia: Mʉ ʉrerã, mʉãrã dazhirãta bꞌera bĩ ẽã o ẽbasia, miã mʉãrã bĩ ẽã o ẽbasia dazhirã zhibarirã bꞌeadꞌaba okꞌawa bꞌeadꞌara, maʉ̃ta mʉrã jidadꞌape Jerusalénne chãbꞌarisidꞌa Roma bidꞌarã juwuadꞌe.

Hechos 26:24

Izhikusa zhi kꞌareba maʉ̃ta jarabʉrʉdꞌera Festobara nemi jĩgua mawũãsia: Pablo, bʉra kĩrãne bꞌʉ ẽã. Estudiota maʉ̃tua kꞌawua bꞌʉba kĩrãdua bꞌidꞌa.

Hechos 25:16

Mawũãnaĩ mʉãrã panaʉ̃ maʉ̃rãã jarasia Roma bidꞌarãbara zhãrã beadꞌamarẽã chãbꞌari kꞌawa duanu ẽãta zhi ji kꞌobꞌeta kĩrãbita kꞌopanʉ ẽãrã, aramaʉ̃nerã izhikusa zhi kꞌareba bꞌeya jibʉdadꞌera.

Hechos 25:8

Maʉ̃nerã Pablobara izhikusa zhi kꞌareba mawũãsia: Judíorã ũrãgꞌa ʉ̃rʉ̃rã, miã Daizeze de ʉ̃rʉ̃rã, miã rey César ʉ̃rʉ̃rã mʉrã kꞌazhiruara o ẽã miã kꞌãrẽne.

Hechos 24:10

Nokꞌobara juwuaba Pabloa jarasia bedꞌeamarẽã, mawũẽ mawũãsia: Mʉãrã kꞌawua bꞌʉa bʉra año bio bata bedꞌea araa obꞌʉta kꞌãwũã daidꞌebemata, mawũẽ mʉrã wãnigua bedꞌeaya mʉzhikusa zhi kꞌarebaita.

Hechos 23:6

Pablobara kꞌawuasia ʉ̃kʉrʉ saduceorãta, ʉ̃kʉrʉ fariseorãta, mawũẽ nemi jĩgua nokꞌorã wagꞌaurãã mawũãsia: Mʉ ʉrerã, mʉrã fariseoa, mawũẽ mʉrã fariseorãnebema. Beukuadꞌata piradrʉdꞌaita mʉã ĩjã bꞌʉdꞌeba mʉrã kꞌãwũã jirpanʉã.

Hechos 23:1

Pablobara nokꞌorã wagꞌaurã akʉ mawũãsia: Mʉ ʉrerã, Daizeze kĩrãbitara mʉ krĩchara bia bꞌʉa idꞌi basiidꞌu.

Hechos 19:33

Kꞌabanane edꞌauba Alejandrota jiraedabʉdata bedꞌeamarẽã edabꞌarisidꞌa judíorãba. Mawũẽ Alejandrobara chupeadꞌamarẽã juwuaba jarape ãzhi kꞌareba bedꞌeai basia zhãrã kꞌobꞌe kĩrãbita.

Hechos 13:26

Mebẽrã, marã Abrahamneba uruta bꞌema, judío ẽãta marãne edꞌa bꞌeta Daizeze wawia bꞌema maʉ̃ bedꞌeata zokꞌasia ẽdrʉidꞌebemata.

Lucas 21:14

Sodꞌe kꞌobꞌʉudua nawedꞌa krĩchadꞌa ẽbaita sãwũã panaʉ̃naĩta mazhikusa zhi kꞌarebaita.

Lucas 12:11

De zhi jʉrebada nʉmeza marã webʉdata nokꞌorã bedꞌea araa obada kĩrãbita webʉdadꞌera, perarãũdua sãwũã panaʉ̃naĩ kꞌareara, o kꞌãrẽ jaradꞌai kꞌareara.