Hechos 20:4 - Porciones del Nuevo Testamento

⁴ Asia druaidꞌu kꞌopayasidꞌa Pirro warra Sópater Berea pʉwʉrʉdꞌebemaba, Aristarco dewara Segundo Tesalónica pʉwʉrʉdꞌebemaba, Gayo Derbe pʉwʉrʉdꞌebemaba, Timoteo, Tíquico, Trófimo Asia druadꞌebemarãba.

Hechos 20:4 Referans Kwoze

Hechos 19:29

Aramaʉ̃ne pʉwʉrʉdꞌebema kꞌawua ẽãkua dogꞌoba zhi jʉrebadaidꞌu piraposia jidadꞌape Gayota Aristarcota, maʉ̃rã Macedonia bidꞌarãta panasia Pablo kꞌaidꞌu.

Hechos 21:29

Mawũãsidꞌa naara ãzha pʉwʉrʉdꞌe izhi ũme ũdusidꞌa baera Trófimo Éfeso pʉwʉrʉ dꞌebemata, ãzhara krĩchasidꞌa Pabloba maʉ̃ta edꞌa wãbisita Daizeze dedꞌa ewara maẽ.

Hechos 16:1

Aramaʉ̃ne ãzhira jũẽsidꞌa Derbe pʉwʉrʉedꞌa, Listra pʉwʉrʉedꞌa. Mama Jesúsdꞌebema ĩjã bꞌʉta Timoteo abadata bꞌasia wũẽrã judío wauta, maʉ̃ wũẽrã Jesúsdꞌebema ĩjã bꞌasia. Timoteo zezera griego basia.

Hechos 14:6

Ãzhara maʉ̃ta kꞌawuadꞌape merũ wãsidꞌa Listra pʉwʉrʉedꞌa, Derbe pʉwʉrʉedꞌa, maʉ̃ pʉwʉrʉra Licaonia druadꞌebema. Aramaʉ̃ne wãsidꞌa drua arakꞌaita tabꞌe maẽbidꞌa.

Romanos 16:23

Marãã saludo diabuea Gayoba, mʉrã izhi dedꞌa bꞌʉkꞌãrĩã, izhi dedꞌa zhi jʉrebibaria mebẽrãsidꞌa jõma. Marãã saludo diabuea Erastoba, izhira plata naʉ̃ pʉwʉrʉdꞌebema wuagꞌabaria, saludo diabuea mebea Cuartoba.

Romanos 16:21

Marãã saludo diabuea Timoteoba, izhira mʉ kĩrãkꞌa Cristodꞌebema kꞌaudꞌa bꞌʉa, mʉ ʉrerãbidꞌa saludo diabuebʉda Lucioba, Jasónba, Sosípaterba.

Hechos 27:2

Daira barco Adramitio pʉwʉrʉdꞌebemane bꞌarisidꞌa. Maʉ̃ barcora wã basia Asia druadꞌebema odedꞌaze za. Dai bawara bꞌasia Aristarco Tesalónica pʉwʉrʉdꞌebemata, maʉ̃ pʉwʉrʉra Macedonia druadꞌebema.

Hechos 17:1

Anfípoli pʉwʉrʉdꞌe, Apolonia pʉwʉrʉdꞌe berabꞌari zesidꞌa Tesalónica pʉwʉrʉedꞌa. Mama nʉmasia de zhi jʉrebadata judíorãneta.

Hechos 14:20

Mawũãmina Jesúsdꞌebema ĩjã bꞌeba bʉredrʉ bꞌedꞌe piradrʉpe edꞌa wãsia pʉwʉrʉdꞌe. Nrũẽma Bernabé ũme wãsia Derbe pʉwʉrʉedꞌa.

Hechos 2:9

Dazhirã ʉ̃kʉrʉ Parto druadꞌebema, Medo druadꞌebema, Elamita druadꞌebema, Mesopotamia druadꞌebema, Judea druadꞌebema, Capadocia druadꞌebema, Ponto druadꞌebema, Asia druadꞌebema,

Hechos 16:6

Frigia druadꞌe, Galacia druadꞌe berabꞌari wãnerã, Jawurebiaba idaribiga ẽbasia Daizeze bedꞌeata jaradꞌaira Asia druadꞌe.

Hechos 17:13

Judíorã Tesalónica pʉwʉrʉdꞌebemabara kꞌawuasidꞌa mawũã Berea pʉwʉrʉdꞌebidꞌa Daizeze bedꞌea jara nʉmʉta Pablobara, mawũẽ wãnape maĩnubidꞌa bĩ ẽãbisidꞌa kꞌabanata.

Hechos 20:16

Pablobara krĩchasia Éfeso pʉwʉrʉra jipa berabꞌariita, aramaʉ̃ne dããrã ẽbaita Asia druadꞌe. Ĩñabasia nʉmasia jũẽ bꞌera Pentecosté ewade fiestadꞌe bꞌaita Jerusalénne.

Hechos 20:18

Izhima zebʉdadꞌera mawũãsia: Marãbara kꞌawua bꞌea marãne edꞌa mʉ ewariza sãwũã bꞌʉra mʉ eewa zesi ewadeba Asia druaedꞌa.