Hechos 2:9 - Porciones del Nuevo Testamento

⁹ Dazhirã ʉ̃kʉrʉ Parto druadꞌebema, Medo druadꞌebema, Elamita druadꞌebema, Mesopotamia druadꞌebema, Judea druadꞌebema, Capadocia druadꞌebema, Ponto druadꞌebema, Asia druadꞌebema,

Hechos 2:9 Referans Kwoze

Hechos 18:2

Maĩnu ũdusia judío Aquila abadata Ponto druadꞌebemata, zhi kĩma Priscila ũme Italia druadꞌeba eewa zepe panasia. Mawũã zesidꞌa rey Claudioba jarasi baera judíorã jõma ãĩ wãmarẽã Romanebara. Pablora wãsia maʉ̃rãma.

Hechos 16:6

Frigia druadꞌe, Galacia druadꞌe berabꞌari wãnerã, Jawurebiaba idaribiga ẽbasia Daizeze bedꞌeata jaradꞌaira Asia druadꞌe.

Hechos 19:10

Aramaʉ̃ne bꞌasia año ũme, mawũẽ Asia druadꞌe bꞌebara jõmaʉ̃ba judíorãba, griegorãba bedꞌeara ũrĩkꞌawasidꞌa Nokꞌo Jesúsdꞌera.

Hechos 6:9

Maʉ̃ne ʉ̃kʉrʉ bꞌeasia de zhi jʉrebada maẽbemata, maʉ̃ dera Nezokꞌarãta Ẽzoadꞌadꞌea abazhidꞌa, dewara bꞌeasia Cirene druadꞌebemata, Alejandría pʉwʉrʉdꞌebemata, Cilicia druadꞌebemata, Asia druadꞌebemata, maʉ̃rãta kꞌaikꞌaiasidꞌa Esteban bawara.

Romanos 16:5

Dewara saludo diaudua mebẽrã ãzhi dedꞌa zhi jʉrebadata. Saludo diaudua Epeneto mʉ ne kʉãgꞌata, Acaya druadꞌera izhabʉrʉ naara ĩjãsia Cristodꞌebemata.

Hechos 20:18

Izhima zebʉdadꞌera mawũãsia: Marãbara kꞌawua bꞌea marãne edꞌa mʉ ewariza sãwũã bꞌʉra mʉ eewa zesi ewadeba Asia druaedꞌa.

Hechos 20:16

Pablobara krĩchasia Éfeso pʉwʉrʉra jipa berabꞌariita, aramaʉ̃ne dããrã ẽbaita Asia druadꞌe. Ĩñabasia nʉmasia jũẽ bꞌera Pentecosté ewade fiestadꞌe bꞌaita Jerusalénne.

Hechos 19:31

Nokꞌorãnebema ʉ̃kʉrʉ Asia druadꞌebemabidꞌa izhi ũme biarãba bedꞌeata jarabuebʉdata zuburia bedꞌeasidꞌa edꞌa wã ẽbamarẽã zhi jʉrebadaidꞌu.

Hechos 19:27

Bari naʉ̃ dazhirã negociota aduai ẽã, awuarabʉrʉ Diana ne zhi zromane erubꞌe desidꞌa kꞌãrẽ ẽãne nʉmʉnaña. Aramaʉ̃ne zhi zroma ẽãne edadꞌaya zhi zromane erubꞌeta Asia drua jõmaʉ̃ne ẽjũã jõmaʉ̃ne.

Hechos 7:2

Mawũãĩ Estebanbara mawũãsia: Mʉ ʉrerã, marã mʉ zeze kĩrãkꞌa bꞌeba mʉ bedꞌeata ũrĩũdua: Daizeze zhi zromata dazhirã zeze Abrahanʉã zhi ũdubisia wadꞌi Mesopotamia druadꞌe bꞌʉdꞌe Harán pʉwʉrʉdꞌe bꞌei nawedꞌa.

Hechos 2:8

¿Sãwũẽrã dazhirãbara ũrĩ kꞌobꞌe abꞌa abꞌakꞌa dazhirã bedꞌeadꞌe bedꞌea kꞌobꞌeta?

Hechos 20:4

Asia druaidꞌu kꞌopayasidꞌa Pirro warra Sópater Berea pʉwʉrʉdꞌebemaba, Aristarco dewara Segundo Tesalónica pʉwʉrʉdꞌebemaba, Gayo Derbe pʉwʉrʉdꞌebemaba, Timoteo, Tíquico, Trófimo Asia druadꞌebemarãba.

Hechos 21:27

Mawũãmina aramaʉ̃ne ewari siete babodꞌodꞌe, judíorã ʉ̃kʉrʉ Asia druadꞌebemaba Pablo Daizeze dedꞌa ewara maẽ ũdudꞌai, kꞌabanata jõma kĩrũbidꞌape jidabʉdata,

Hechos 24:18

Maʉ̃ kꞌaudꞌa bꞌʉta mʉrã judíorã Asia druadꞌebemaba ũdusidꞌa Daizeze kĩrãbita nene ẽã bꞌaidꞌebemata obꞌʉdꞌe Daizeze dedꞌa ewara maẽ. Maʉ̃nerã mʉrã kꞌabana bawara kꞌobꞌa ẽbasia, miã zhãrã kĩrũbiga nʉma ẽbasia.

Hechos 27:2

Daira barco Adramitio pʉwʉrʉdꞌebemane bꞌarisidꞌa. Maʉ̃ barcora wã basia Asia druadꞌebema odedꞌaze za. Dai bawara bꞌasia Aristarco Tesalónica pʉwʉrʉdꞌebemata, maʉ̃ pʉwʉrʉra Macedonia druadꞌebema.