Hechos 2:5 - Porciones del Nuevo Testamento

⁵ Maʉ̃ne judíorã Daizezedꞌebema aribꞌae bꞌeta Jerusalénne duanasia drua jõmaʉ̃nebemata.

Hechos 2:5 Referans Kwoze

Hechos 8:2

Ũmakĩrãrã ʉ̃kʉrʉ Daizezedꞌebemaba Esteban joudꞌe edesidꞌa. Kꞌãbãẽã jẽgasidꞌa izhi kꞌarea.

Lucas 2:25

Maʉ̃ne Jerusalénne bꞌasia Simeón abadata, biata bꞌʉta Daizeze kĩrãbita kĩrãẽpa bꞌasia, maʉ̃bara jʉ̃ã bꞌasia Israel ẽdrʉbigaidꞌebemata. Jawurebiara bꞌasia izhi ũme.

Hechos 22:12

Mama bꞌasia ũmakĩrã Ananía abadata, maʉ̃bara aribꞌae bꞌasia Moisé ũrãgꞌata. Izhira jõmaʉ̃ba bia jara panasia judíorã mama bꞌebara.

Hechos 13:50

Mawũãmina judíorã wũẽrãrãã bedꞌeasidꞌa judío bape zhi zromata bꞌe bawara, bedꞌeasidꞌa nokꞌorã pʉwʉrʉdꞌebema bawarabidꞌa. Aramaʉ̃ne Pablo ʉ̃rʉ̃, Bernabé ʉ̃rʉ̃ bedꞌeata obibʉdaba maʉ̃rã jʉretasidꞌa ãzhi druadꞌebara.

Hechos 10:7

Ángel izhi ũme bedꞌea kꞌobꞌape wãbʉrʉdꞌera, Corneliobara izhi nezokꞌarãta ũme trʉ̃sia, Daizezedꞌebema aribꞌae bꞌʉta soldaota abꞌa trʉ̃sia izhi akʉbadadꞌebemata.

Hechos 10:2

Izha jara bꞌʉta aribꞌae Daizeze wawia bꞌasia izhi dedꞌabema bawara. Aramaʉ̃ne zuburia bꞌeta biodꞌe ne bari dia bꞌʉta ewariza zhiwidꞌi bꞌasia Daizezea.

Hechos 8:27

Mawũãĩ izhira piradrʉpe wãsia. Maʉ̃ne ũdusia ũmakĩrã Etiopía druadꞌebemata. Maʉ̃ nokꞌota bꞌʉkꞌãrĩsia Candaceba, Candacera reina basia Etiopíadꞌe. Maʉ̃bara maʉ̃ bꞌʉkꞌãrĩsia ne biata izha erubꞌʉ jõmaʉ̃ ʉ̃rʉ̃. Maʉ̃ta Jerusalén pʉwʉrʉedꞌa zesia Daizeze ibia jaradꞌe.

Hechos 2:1

Pentecosté ewarita araa zebʉrʉdꞌera Jesúsdꞌebema ĩjã bꞌera jõma ãba duanasia.

Juan 12:20

Ʉ̃kʉrʉ griegorãta duanasia Jerusalén pʉwʉrʉedꞌa wãrĩzekuadꞌara Daizeze ibia jaradꞌaita fiestadꞌe.

Lucas 24:18

Mawũãĩ abꞌaʉba panaʉ̃bʉrʉta Cleofas abadaba mawũãsia: ¿Bʉtrʉ abꞌabai Jerusalénne ãĩbemata kꞌobꞌʉka, kꞌawua ẽbʉrʉ mama sãwũã berabꞌarita naʉ̃ ewade?

Lucas 17:24

Ba pureabʉrʉdꞌe bãjãta ʉ̃nabari kĩrãkꞌa dajada zeya mʉ Beubari Bape bꞌadꞌata zebʉrʉ ewadera.

Mateo 24:14

Kꞌãwũã bedꞌea biata Daizezeta Nokꞌodꞌebemata jaradꞌaya ẽjũã jõmaʉ̃ maẽ, aramaʉ̃ne zhãrã jõmaʉ̃ba kꞌawuadꞌaya, mobebʉrʉ zeya ewari nʉmʉta jõĩrã.