Hechos 2:47 - Porciones del Nuevo Testamento

⁴⁷ Daizezera ibia jara bꞌeasia, ãzhira kʉãgꞌade basia zhãrã jõmaʉ̃ba. Maʉ̃nerã Nokꞌo Jesúsbara izhidꞌebema ĩjã bꞌedꞌe edꞌa ewariza zebi nʉmasia zhi ẽdrʉdꞌaita bꞌera.

Hechos 2:47 Referans Kwoze

Hechos 16:5

Aramaʉ̃ne mebẽrã soidꞌu duane wãba eaba wãsia ewariza.

Hechos 2:41

Aramaʉ̃ne Pedro bedꞌeata ĩjãnapeadꞌara buru kꞌoesidꞌa. Maʉ̃ ewadera Jesúsdꞌebema ĩjãbʉdara edꞌa zesidꞌa tres mil.

Hechos 2:39

Daizezeba Jawurebia diaya adꞌara marãĩtabema, marã warrarãĩtabema, zhãrã wawara bꞌeitabema, Daizezeta Nokꞌoba trʉ̃kuabʉrʉitabema.

Romanos 14:18

Aramaʉ̃ne Cristoba jara bꞌʉta aribꞌae bꞌʉra Daizezema biga, zhãrãma biga.

Hechos 11:24

Izhira biata bꞌʉta Jawurebiaba bira soidꞌu bꞌasia. Mawũẽ kꞌabanaba ĩjãsidꞌa Nokꞌo Jesúsdꞌebema.

Hechos 13:48

Judíorã ẽãba maʉ̃ta ũrĩnaĩ sobia biga asidꞌa Daizeze bedꞌeara, aramaʉ̃ne jõmaʉ̃ba ĩjãsidꞌa Daizeze ũme bꞌai jõ ẽã bꞌeaita bꞌeadꞌabara.

Romanos 9:27

Dewara Isaíaba Israel bꞌedꞌebemata mawũãsia: Israel bꞌe warrarãnebemata pusa ibu kĩrãkꞌa nʉmaĩmina bari ʉ̃kʉrʉ ẽdrʉdꞌaya.

Romanos 8:30

Izha mawũã zhi jʉrʉmata bꞌera trʉ̃kua nʉmʉkꞌãrĩã. Mawũã trʉ̃kua nʉmʉkꞌãrĩrã bedꞌea ne ẽã nʉmʉkꞌãrĩã. Mawũã bedꞌea ne ẽã nʉmʉkꞌãrĩrã izhita zhi zromanebemata nʉmʉkꞌãrĩã.

Lucas 2:52

Jesús wari wãta krĩcha bara wari wãsia. Bia erunʉmasia Daizezeba dewara zhãrãba.

Hechos 4:21

Mobebʉrʉ nokꞌorãbara wuaabʉrʉ waragꞌadꞌape ẽna panʉsidꞌa. Sãwũã udꞌaira kꞌawuadꞌa ẽbasia zhãrã jõmaʉ̃ba Daizeze ibia jara kꞌobꞌe baera kꞌãrẽ sãwũã dogꞌoba.

Hechos 4:33

Aramaʉ̃ne Jesúsba zokꞌakuadꞌabara zarea bara jara bꞌeasia Nokꞌo Jesús beudꞌata piradrʉdꞌata. Daizezebara biodꞌe bia nʉmʉkꞌãrĩsia ãzhi jõma.

Lucas 19:48

Mawũãmina kꞌawuadꞌa ẽbasia sãwũã beadꞌaita, jõmaʉ̃ba izhi bedꞌeara kĩrãkuita ũrĩ bꞌeba.

Hechos 4:4

Mawũãmina bedꞌeata ũrĩnapeadꞌabara bioba Jesúsdꞌebema ĩjãsidꞌa. Aramaʉ̃ne zhũmakĩrãrãta panasita bꞌʉa cinco mil.

Hechos 6:1

Maʉ̃ ewadera Jesúsdꞌebema ĩjã bꞌera eaba wãsia, maʉ̃ne griego bedꞌeadꞌe bedꞌea bꞌeba jara jirpanesia hebreo bedꞌeadꞌe bedꞌea bꞌeta, jarasidꞌa pẽdrarã griegorãnebema bia aribꞌaedꞌa ẽãta kꞌarebata ewariza nʉmʉnerã.

Hechos 6:7

Daizeze bedꞌeara wuaabʉrʉ jara wãsidꞌa, mawũẽ Jesúsdꞌebema ĩjã bꞌera kꞌãbãẽã eaba wãsia Jerusalénnerã. Sacerdoterãbidꞌa bioba ĩjã tupudꞌeasia.

Hechos 9:31

Aramaʉ̃ne mebẽrã adu-a duanesia Judea druadꞌe bꞌera, Galileadꞌe, Samariadꞌe bꞌera. Maʉ̃nerã soidꞌu duane wãta Daizeze wawia duane wãsia. Aramaʉ̃ne eaba wãsia Jawurebia kꞌarebadꞌeba.

Hechos 9:35

Maʉ̃ta jõmaʉ̃ba ũdusidꞌa Lida pʉwʉrʉdꞌe bꞌeba, Sarón pʉwʉrʉdꞌe bꞌeba, mawũẽ maʉ̃rãbara ĩjãsidꞌa Jesúsdꞌebema.

Hechos 11:21

Maʉ̃nerã Nokꞌo Daizeze zareara nʉmasia ãzhi bawara, mawũẽ ne awʉrʉdꞌebemata ĩjã bꞌera ãmanape bioba ĩjãsidꞌa Jesúsdꞌebemata.

Hechos 14:1

Iconio pʉwʉrʉdꞌera Pablora Bernabéra ãba edꞌa wãsidꞌa de zhi jʉrebadata judíorãne maẽ. Mobe bedꞌeabʉdadꞌera Jesúsdꞌebema kꞌabanaba ĩjãsidꞌa judíorãba, griegorãba.

Hechos 14:21

Bedꞌea biata Derbe pʉwʉrʉdꞌe jarabʉdaba Jesúsdꞌebema bioba ĩjãbʉdadꞌe jẽrũya wãsidꞌa Listra pʉwʉrʉedꞌa, Iconio pʉwʉrʉedꞌa, Antioquía pʉwʉrʉedꞌa.

Hechos 17:12

Aramaʉ̃ne judíorã bioba ĩjãsidꞌa, griegorã bioba ĩjãsidꞌa wũẽrãrã zhi zromarãba, zhũmakĩrãrãba.