Hechos 2:46 - Porciones del Nuevo Testamento

⁴⁶ Ewariza ãba duane bꞌasia Daizeze dedꞌa ewara maẽ, ãzhi dedꞌara zhiko ãbaʉba kꞌo bꞌeasia bꞌʉsridꞌa sobia.

Hechos 2:46 Referans Kwoze

Hechos 5:42

Ewariza Daizeze dedꞌa ewara maẽ jara bꞌeasia deza jara bꞌeasia Jesucristodꞌebemata.

Hechos 2:42

Mobe Jesúsba zokꞌakuadꞌa ũrãgꞌadꞌe duanesia, aramaʉ̃ne zhiya ãba duane bꞌʉta Jesús bebu krĩcha pan pewa kꞌo duanasia, zhiwidꞌi duanasia.

Hechos 20:7

Semana ewarita nabemata domingodꞌe Jesúsdꞌebema ĩjã bꞌera ãba tabꞌasia Jesús bebu krĩcha pan pewa kꞌodꞌaita, maʉ̃nerã Pablora nrũẽma wãĩ baraba miã ũrãgꞌa nʉmʉne ewari ẽsadra basia.

Hechos 16:34

Mobe izhi dedꞌaa edekuape ne dedꞌekasia. Aramaʉ̃ne jõma izhi dedꞌabema bawara sobiasia ĩjãbʉrʉba Daizezedꞌebemata.

Romanos 12:8

Zhãrã soidꞌu nʉmabi bꞌʉra zhãrã soidꞌu nʉmabi bꞌadua. Zhãrã ne diabi bꞌʉbara sobia diadua. Mebẽrã nokꞌota nʉmʉkꞌãrĩrã kĩrãkuita nʉmadua. Zhãrã sozuburia kꞌarebabi bꞌʉbara kꞌarebarua sobia.

Lucas 24:53

Mobe Daizeze dedꞌa ewara maẽ ewariza ze bꞌeasia Daizeze ibia jara bꞌeta. Amén.

Hechos 5:21

Maʉ̃ta ũrĩnape diapedꞌa edꞌa wãsidꞌa Daizeze dedꞌa ewara maẽ, mobe miã ũrãgꞌasidꞌa. Maʉ̃ne zesidꞌa sacerdote wagꞌauta izhi ũme bꞌe bawara, mobe trʉ̃sidꞌa nokꞌorã wagꞌaurãta, dewara jõma trʉ̃sidꞌa Israel nokꞌorãta. Mobe cárcel nʉmʉĩnu soldaorãta zokꞌasidꞌa Pedro Juan ũme wedꞌamarẽã.

Hechos 3:1

Ewari abꞌa Pedro Juan ũme Daizeze deidꞌu wãrĩze wãsidꞌa a las tres zhiwidꞌibada ʉ̃madaudꞌe.

Lucas 24:30

Ãzhi bawara nekꞌoita jewedꞌabʉrʉdꞌera pan jiraedape maʉ̃bari Daizezea zhibia jipe bꞌʉape dedꞌekasia.

Mateo 6:22

Ĩbĩrã kꞌakuadꞌebema dabʉa. Mawũẽ bʉ dabʉta bigabʉrʉ bʉ kꞌakuara jõma ʉ̃na bꞌaya.

Lucas 11:41

Zuburia bꞌea diaudua mazha ne erubꞌedꞌebemata, mobedꞌeba marã jipadꞌe mitia ne ẽã bꞌeaya.