Hechos 2:4 - Porciones del Nuevo Testamento

⁴ Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.

Hechos 2:4 Referans Kwoze

Marcos 16:17

Mʉnebemata ĩjã bꞌebara ũdudꞌakꞌata bio odꞌaya: Mʉ trʉ̃neba jaita ãĩ jʉrekuadꞌaya, bedꞌeadꞌaya bedꞌeata zhiwidꞌita.

Hechos 13:52

Jesúsdꞌebema ĩjã bꞌera kꞌãbãẽã sobia bꞌeta erunʉmasia Jawurebiaba.

Hechos 4:31

Zhiwidꞌi nʉmeta jõbibʉdadꞌera ãba kꞌobꞌe maẽ uresia. Aramaʉ̃ne jõma birakuasia Jawurebiaba, mawũẽ wãnigua jara duanesia Daizeze bedꞌeara.

Juan 14:26

Mawũãmina marã Kꞌarebata Jawurebiata mʉ Zezeba mʉbari zokꞌaibara maʉ̃bara marãã ne jõma jaradedꞌekaya, bude babigaya jõma mʉã marãã jaradꞌata.

Hechos 19:6

Maʉ̃ne Pabloba juwua ãzhi ʉ̃rʉ̃ bꞌʉbʉrʉdꞌera ãzhidꞌe zesia Jawurebiara. Mawũẽ bedꞌea awuara bedꞌeasidꞌa, Daizezeba jarabibʉrʉsidꞌa jarasidꞌa.

Hechos 10:46

Ãzhara ũrĩsidꞌa bedꞌea awuara bedꞌea kꞌobꞌeta, Daizeze ibia jara kꞌobꞌeta.

Hechos 9:17

Mawũãĩ Ananía wãpe deidꞌu wãsia, mobe juwua izhi ʉ̃rʉ̃ bꞌʉpe mawũãsia: Mebea Saulo, Nokꞌo Jesús bʉ zedꞌa odꞌe bʉaa zhi ũdubidꞌaba mʉta zokꞌasia bʉta wakusa ne ũdumarẽã, Jawurebiaba bira bꞌamarẽã.

Hechos 7:55

Maʉ̃ne Estebanba Jawurebiadꞌeba ʉ̃taa akʉbʉrʉdꞌe Daizeze ʉ̃nata ũdubʉrʉdꞌera, ũdusia Jesús kꞌobꞌʉta Daizeze juwua araare.

Hechos 1:5

Juanbara wãrãnebai zhãrã buru kꞌoesia baniãba, mawũãmina Daizezebara marãã diaya Jawurebiata ewari dããrã ẽãne.

Hechos 13:9

Mawũẽ Saulo abꞌaʉta Pablobara Jawurebiaba bira bꞌʉba akʉ,

Hechos 2:11

Dazhirã ʉ̃kʉrʉra Creta druadꞌebema, Árabe druadꞌebema. Maʉ̃ta dazhirãbara ũrĩ kꞌobꞌea dazhi bedꞌeadꞌe jara kꞌobꞌeta ne bia Daizezedꞌebemata.

Lucas 12:12

Maʉ̃nerã Jawurebiaba marãã jaraya marãba kꞌãrẽ jaraira.

Romanos 15:13

Daizezebara izhita krĩchabi bꞌʉa, mawũẽ marã kꞌãbãẽã sobia adu-a soidꞌu bꞌeabiya, aramaʉ̃ne jipa izhitrʉ krĩcha bꞌeamarẽã Jawurebia zareadꞌeba.

Hechos 4:8

Mawũãnaĩ Pedrobara Jawurebiadꞌeba mawũãsia: Israel nokꞌorã, mʉã marãã jaraya:

Juan 20:22

Mawũãpe ãzhima jãrãpuape mawũãsia: Jidaudua Jawurebiata.

Lucas 4:1

Jesús Jawurebiaba bira jẽrũya wãsia Jordán dodꞌeba. Maʉ̃nerã Jawurebiaba edesia drua drudrua tabꞌʉidꞌu.

Hechos 11:15

Mʉta bedꞌea nʉmebʉrʉdꞌera Jawurebiara ãzhidꞌe zesia dazhirãne zedꞌa kĩrãkꞌa jẽdeuba.

Hechos 6:5

Mawũã jarabʉdara biga basia kꞌabanata jõmaʉ̃ma, mawũẽ Estebanta jʉrʉsidꞌa soidꞌu bꞌʉta Jawurebiaba bira bꞌʉta. Jʉrʉsidꞌa Felipeta, Prócorota, Nicanorta, Timónta, Parmenata. Jʉrʉsidꞌa Nicoláta griegota judío bape bꞌʉta Antioquía pʉwʉrʉdꞌebemata.

Hechos 6:3

Maʉ̃ba mebẽrã marãnebemata ũmakĩrãrã siete jʉrʉ edaudua kĩrãẽpa bꞌeta, Jawurebiaba bira bꞌeta, krĩcha bara bꞌeta, maʉ̃rãta maʉ̃ kꞌaudꞌa bꞌeabidꞌaya.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Lucas 1:15

Izhira Daizeze kĩrãbita zhi zromata bꞌaya. Dokꞌa baya ituata miã ne oregueata. Jawurebiaba bira bꞌaya zhi papa bꞌitaedꞌawedꞌa.

Hechos 11:24

Izhira biata bꞌʉta Jawurebiaba bira soidꞌu bꞌasia. Mawũẽ kꞌabanaba ĩjãsidꞌa Nokꞌo Jesúsdꞌebema.

Hechos 6:8

Esteban Daizezebara bia nʉmʉkꞌãrĩta zarea bara nʉmʉkꞌãrĩba ũdudꞌakꞌata okua nʉmasia zhãrãne edꞌa.

Lucas 21:15

Mʉãbʉrʉ marãã diaya bedꞌeata, krĩchata, maʉ̃nebema ãña panaʉ̃na ẽbaya miã mawũã ẽãta jaradꞌa ẽbaya marã jura kꞌobꞌebara.

Lucas 1:67

Wũãwũã zeze Zacaríara birasia Jawurebiaba, mawũẽ mawũãsia:

Lucas 1:41

Maríaba: Kʉa abʉrʉta Elisaweba ũrĩbʉrʉdꞌera, izhi wũãwũã bꞌitaedꞌa pirasia, aramaʉ̃ne Elisawe birasia Jawurebiaba.

Mateo 10:19

Mawũãmina marãta nokꞌorãã chãbꞌaribʉdadꞌera sopuarãũdua sãwũã bedꞌeadꞌai kꞌareara, maʉ̃nerã Daizezeba marãã diaya sãwũã bedꞌeadꞌaita.

Hechos 2:3

Maʉ̃ne tebʉ kĩrãkꞌa eradrʉ ũdubʉdata eradrʉsia ãzhi buruza.

Hechos 8:17

Mawũẽ juwua ʉ̃rʉ̃ bꞌʉkuabʉdaba jidasidꞌa Jawurebiara.

Hechos 10:47

Mawũẽ Pedrobara mawũãsia: ¿Iabꞌaʉbara naʉ̃rã buru kꞌoebi ẽã nʉma bꞌeika naʉ̃rãbara kꞌãwũã Jawurebia jidabʉdara dazhirãne kĩrãkꞌa?

Hechos 15:8

Daizezebara jõmaʉ̃ sota ũdukꞌawua bꞌʉba mawũã ĩjãnaĩrã bigata kꞌawuabibʉrʉba Jawurebiata dedꞌekasia dazhirãã diadꞌa kĩrãkꞌa.