Hechos 2:22 - Porciones del Nuevo Testamento

²² Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea.

Hechos 2:22 Referans Kwoze

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Hechos 4:10

Marã jõmaʉ̃ba Israel jõmaʉ̃ba kꞌawuaudua, Jesucristo Nazaredꞌebema trʉ̃neba marãba cruzdꞌe kꞌachi beabidꞌapeadꞌata Daizezeba beudꞌata piradrʉbidꞌa trʉ̃neba naʉ̃ mazhi kĩrãbita bꞌe bꞌidꞌa.

Lucas 11:20

Daizeze zareadꞌeba mʉã jaira ãĩ jʉrekua bꞌʉa, mawũẽ wãrãne Daizezeta Nokꞌodꞌebemata marãma zea.

Mateo 12:28

Mʉãrã Daizeze Jawurebiadꞌeba jaira ãĩ jʉrekua bꞌʉa, mawũẽ wãrãne marãma zea Daizezeta Nokꞌodꞌebemata.

Mateo 9:8

Zhãrãba maʉ̃ta ũdubʉdadꞌera bia akʉdrua Daizeze ibia jarasidꞌa maʉ̃ zareata diasi baera beubari bꞌea.

Hechos 26:26

Rey Agripa mʉrã bʉ kĩrãbita adu-a bedꞌea kꞌobꞌʉa. Maʉ̃ mʉã jarabʉrʉdꞌebema bʉara kꞌawua bꞌʉa, mʉãrã krĩcha ẽã maʉ̃ẽnabema bʉara kꞌawua ẽãta, maʉ̃ berabꞌarisi ẽbaera dau peratʉdꞌe.

Hechos 26:9

Wãrãnebai mʉãrã ne jõma oita krĩchasia Jesús Nazaredꞌebemane ĩjã bꞌera kiaweita.

Hechos 24:5

Daibara kꞌawuasidꞌa ũmakĩrã naʉ̃ ne kꞌazhiruata, ẽjũã jõmaʉ̃ maẽ judíorã jõma kĩrũbiga bꞌʉa, Nazaredꞌebema ũrãgꞌadꞌe bꞌe nokꞌoa.

Hechos 22:8

Mawũãĩ mʉãrã panaʉ̃ mawũãsia: ¿Bʉra kꞌaipe Nokꞌó? Mʉã mawũãĩ mawũãsia: Mʉrã Jesús Nazaredꞌebema, maʉ̃ta bʉa pẽwã bꞌʉa.

Hechos 21:28

nemi jĩgua mawũãsidꞌa: Israelitarã, daita kꞌarebaudua. Naʉ̃bara baridu maẽ jõmaʉ̃ã ãña jara bꞌʉa dazhirã ʉ̃rʉ̃, Moisé ũrãgꞌa ʉ̃rʉ̃, naʉ̃ Daizeze de ʉ̃rʉ̃. Maʉ̃ awuara griegorãta edꞌa wãbisia Daizeze dedꞌa ewara maẽ, aramaʉ̃ne mitia osia nene ẽãta naʉ̃ Daizeze dera.

Hechos 14:27

Jũẽnape mebẽrã ãba jʉredꞌape jarasidꞌa Daizezeba ne bia zroma odꞌata ãzhi bawara, aramaʉ̃ne sãwũã ewa nʉminapʉta Jesúsdꞌebema ĩjãnamarẽã judíorã ẽãba.

Hechos 13:16

Mawũãnaĩ Pablobara piradrʉpe chupeadꞌamarẽã juwuaba jarape mawũãsia: Marã israelitarãba ũrĩũdua, judío ẽãta Daizeze wawia bꞌeba ũrĩũdua:

Hechos 6:14

Daibara ũrĩsidꞌa izha jarabʉrʉta Jesús Nazaredꞌebemaba naʉ̃ Daizeze dera ãrĩĩta, aramaʉ̃ne awuara nʉmʉĩta Moiséba kꞌawabigadꞌata.

Hechos 5:35

Mobe mawũãsia: Israelitarã, marã kĩrãkuitaudua naʉ̃rã sãwũã odꞌaidꞌera.

Hechos 3:12

Pedroba maʉ̃ta ũdui zhãrã kꞌobꞌea mawũãsia: Israelitarã, ¿naʉ̃ẽnabema kꞌãrẽã bia akʉdrua kꞌobꞌe? ¿Daira kꞌãrẽã akʉ kꞌobꞌe, dai zareaba o daita biata panʉba wãbibʉda kĩrãkꞌa naʉ̃ta?

Juan 19:19

Kꞌãrẽã beadꞌaita Pilatobara bꞌʉpe cruzdꞌe jirabꞌidꞌapʉta mawũã bꞌasia: Jesús NAZAREDꞌEBEMA Rey judíorãneã.

Juan 15:24

Mʉã ãzhidꞌe edꞌa awʉrʉba okꞌata osi ẽbʉrʉ kꞌazhirua ne ẽã bꞌeakꞌausia, mawũãmina akʉ bꞌeta juradea mʉta, mʉ Zezeta.

Juan 12:17

Zhãrã Jesús bawara kꞌobꞌeadꞌabara awʉrʉa nebʉrʉsidꞌa Lázaro trʉ̃bʉrʉdꞌera beudꞌata piradrʉbidꞌata.

Juan 11:47

Mawũẽ sacerdoterã nokꞌorãbara, fariseorãbara, nokꞌorã wagꞌaurãta ãba jʉredꞌape mawũãsidꞌa: ¿Kꞌãrẽta odꞌaipe? Jesúsbara bio onʉmʉã ũdudꞌakꞌata.

Juan 10:37

Mʉ Zezeba obꞌʉta mʉã o ẽbʉrʉ, mʉã jara nʉmʉrã ĩjãrãũdua.

Juan 9:33

Naʉ̃ta Daizezedꞌeba ze ẽbasibʉrʉ miã kꞌãrẽta obꞌe ẽbakꞌausia.

Juan 7:31

Kꞌabanabara bioba izhidꞌebemata ĩjãnape mawũã duanasia: Zhãrã Ẽdrʉbiita zebʉrʉdꞌera, ¿ũdudꞌakꞌara audre oibʉka naʉ̃ba obꞌʉ kꞌãñabara?

Juan 6:27

Kꞌãrẽ obʉdata bari zhiko jõbari kꞌarea orãũdua, awuarabʉrʉ kꞌãrẽ oudua pan jõkꞌa kꞌarea, Daizeze ũme bꞌai jõ ẽã kꞌarea, mʉ Beubari Bape bꞌʉba maʉ̃ pan marãã diaya, mʉrã maʉ̃ kꞌarea bꞌʉsia mʉ Zhibari mʉ Zezeba.

Juan 6:14

Mawũẽ zhãrãbara ũdudꞌakꞌata Jesúsba mawũã obʉrʉta ũdudꞌai mawũãsidꞌa: Naʉ̃ wãrĩnu Daizezeba bedꞌeata jarabibarita zeita bꞌadꞌa naʉ̃ ẽjũãẽna.

Juan 5:36

Mawũãmina mʉã erubꞌʉa mʉnebema audre bia jara bꞌʉta Juanba jaradꞌa kꞌãñabara, kꞌãrẽ aribꞌaeita mʉ Zezeba mʉãã diadꞌata mʉã obꞌʉba mʉnebemata jara bꞌʉa mʉrã mʉ Zezeba zokꞌadꞌata.

Juan 4:48

Mawũẽ Jesúsbara mawũãsia: Ũdudꞌakꞌata mʉã obʉrʉta ũdubʉda ẽãrã marãbara mʉnebema ĩjãna ẽã.

Juan 1:45

Felipebara Natanael jʉrʉ wãpe ũdui mawũãsia: Daibara ũdusidꞌa jari Moiséba ũrãgꞌadꞌe bꞌʉdꞌara, jari Daizezeba bedꞌeata jarabibarirãba jara bꞌʉdꞌapeadꞌara. Izhira Jesúa, José warra Nazaredꞌebema.

Lucas 24:18

Mawũãĩ abꞌaʉba panaʉ̃bʉrʉta Cleofas abadaba mawũãsia: ¿Bʉtrʉ abꞌabai Jerusalénne ãĩbemata kꞌobꞌʉka, kꞌawua ẽbʉrʉ mama sãwũã berabꞌarita naʉ̃ ewade?

Mateo 2:23

Mawũã wãpe pʉwʉrʉ Nazaret abada maẽ bꞌesia, mawũẽ arimaẽ berabꞌarisia Jesúsdꞌebemata Daizezeba bedꞌeata jarabibarirãba mawũãnapeadꞌata: Izhira Nazaredꞌebema adꞌaya.

Hechos 2:19

Ũdudꞌakꞌata ũdubigaya ʉ̃tʉ bãjãne, ũdudꞌakꞌata ũdubigaya udꞌa druadꞌe, ũdubigaya wata, tebʉta, narĩ kꞌougata.

Hechos 2:43

Zhãrã jõma pera jirpanesia ũdudꞌakꞌata bio obʉdaba Jesúsba zokꞌakuadꞌaba.

Hechos 3:6

Mawũãmina Pedrobara mawũãsia: Mʉrã plata ne ẽã, miã oro ne ẽã. Mawũãmina mʉã erubꞌʉta diaya: ¡Jesucristo Nazaredꞌebema trʉ̃neba piradrʉpe nimibarua!

Lucas 18:37

Mawũẽ jarasidꞌa berabꞌari wãta Jesús Nazaredꞌebemata.