Hechos 19:8 - Porciones del Nuevo Testamento

⁸ De zhi jʉrebada maẽ Pablo edꞌa wãpe wãnigua bedꞌea bꞌʉta jedꞌekꞌo ũbea basia. Ĩjãbigayidꞌe jara bꞌasia Daizezeta Nokꞌodꞌebemata.

Hechos 19:8 Referans Kwoze

Hechos 1:3

Beudꞌa tẽã maʉ̃rããbʉrʉ zokꞌai zhi ũdubima bio basia kꞌawuadꞌamarẽã wãrĩnu zokꞌai bꞌʉta. Zhi ũdubigasia ewari cuarenta, maʉ̃nerã jarakꞌa bꞌasia Daizezeta Nokꞌodꞌebemata.

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.

Hechos 19:9

Mawũãmina ʉ̃kʉrʉbara ĩjãna ẽãba Jesús pẽwã bꞌera bĩ ẽã jara jirpanesia kꞌabana kĩrãbita. Mawũẽ Pablora ãzhi maẽbara wãbʉrʉta Jesúsdꞌebema ĩjã bꞌera jʉre edepe ewariza bedꞌea bꞌasia escuelata Tiranno abadadꞌe maẽ.

Hechos 18:19

Éfeso pʉwʉrʉidꞌu jũẽbʉrʉdꞌera Pablobara mama ãzhira ãĩ tʉsia. Aramaʉ̃ne de zhi jʉrebada maẽ edꞌa wãpe Jesúsdꞌebemata jara bedꞌeasia judíorãã.

Hechos 18:4

Maʉ̃nerã de zhi jʉrebada maẽ ewari ẽnaʉ̃badaza bedꞌea bꞌʉta Jesúsdꞌebemata ĩjãbigayidꞌe bꞌasia judíorãã, griegorãã.

Hechos 17:17

Maʉ̃ kꞌarea de zhi jʉrebada maẽ Jesúsdꞌebemata jara bedꞌeasia judíorãã, judíorã ẽãba Daizeze zhi zromane erubꞌea. Ewariza bedꞌeasia pʉwʉrʉ ẽsadra ãba zebʉdaa.

Hechos 14:1

Iconio pʉwʉrʉdꞌera Pablora Bernabéra ãba edꞌa wãsidꞌa de zhi jʉrebadata judíorãne maẽ. Mobe bedꞌeabʉdadꞌera Jesúsdꞌebema kꞌabanaba ĩjãsidꞌa judíorãba, griegorãba.

Hechos 13:46

Mawũẽ Pablobara, Bernabébara wãnigua mawũãsidꞌa: Wãrãnebai marãã naara jaradꞌaita bara basia Daizeze bedꞌeara. Mawũãmina seribidꞌa ẽãba marãĩtabemata krĩchadꞌa ẽã Daizeze ũme bꞌai jõ ẽãrã, mawũẽ daira wãnaña judío ẽãta bꞌema.

Hechos 13:14

Jarirã Pergedꞌebara jũẽkuasia Antioquía pʉwʉrʉedꞌa, maʉ̃ pʉwʉrʉra Pisidia druadꞌebema. Ãzhira de zhi jʉrebada maẽ ẽnaʉ̃bada ewade edꞌa wãpe jewedꞌasidꞌa.

Hechos 18:26

Izhira wãnigua bedꞌea nʉmesia de zhi jʉrebada maẽ. Maʉ̃ta Priscilaba, Aquilaba ũrĩbʉdadꞌera jãpe ededꞌape bia jarasidꞌa Jesúsdꞌebema Daizezedꞌeta.

Hechos 19:7

Ãzhira jõmaʉ̃ne doce kꞌopanasia zhũmakĩrãrãta.

Hechos 19:10

Aramaʉ̃ne bꞌasia año ũme, mawũẽ Asia druadꞌe bꞌebara jõmaʉ̃ba judíorãba, griegorãba bedꞌeara ũrĩkꞌawasidꞌa Nokꞌo Jesúsdꞌera.

Hechos 20:31

Maʉ̃ba kĩrãkuita bꞌeaudua, bude bꞌeaudua mʉãrã año ũbea diamase ewaridꞌe daubꞌadꞌe ũrãgꞌa tau ẽã bꞌadꞌata marã abꞌa abꞌakꞌa.