Hechos 19:22 - Porciones del Nuevo Testamento

²² Aramaʉ̃ne Macedonia druaedꞌa zokꞌakuasia ũme izhi kꞌareba panʉta, maʉ̃rã panasia Timoteota, Erastota. Izhira ewari ʉ̃kʉrʉ bꞌesia Asia druadꞌe.

Hechos 19:22 Referans Kwoze

Romanos 16:23

Marãã saludo diabuea Gayoba, mʉrã izhi dedꞌa bꞌʉkꞌãrĩã, izhi dedꞌa zhi jʉrebibaria mebẽrãsidꞌa jõma. Marãã saludo diabuea Erastoba, izhira plata naʉ̃ pʉwʉrʉdꞌebema wuagꞌabaria, saludo diabuea mebea Cuartoba.

Hechos 19:29

Aramaʉ̃ne pʉwʉrʉdꞌebema kꞌawua ẽãkua dogꞌoba zhi jʉrebadaidꞌu piraposia jidadꞌape Gayota Aristarcota, maʉ̃rã Macedonia bidꞌarãta panasia Pablo kꞌaidꞌu.

Hechos 19:10

Aramaʉ̃ne bꞌasia año ũme, mawũẽ Asia druadꞌe bꞌebara jõmaʉ̃ba judíorãba, griegorãba bedꞌeara ũrĩkꞌawasidꞌa Nokꞌo Jesúsdꞌera.

Hechos 18:5

Sila, Timoteo Macedonianeba zebʉdadꞌera Pablora jipa bedꞌeata jara bꞌesia, judíorãã jara bꞌasia Jesúra zhãrã Ẽdrʉbita.

Hechos 16:3

Pablobara maʉ̃ izhi ũme wãĩta krĩñape kꞌakua eta kꞌõsia, judíorã maʉ̃ ẽjũãne bꞌeta bĩ ẽã krĩchadꞌa ẽbamarẽã mawũã osia, jõmaʉ̃ba kꞌawua bꞌeasia zhi zezera griegota.

Hechos 16:1

Aramaʉ̃ne ãzhira jũẽsidꞌa Derbe pʉwʉrʉedꞌa, Listra pʉwʉrʉedꞌa. Mama Jesúsdꞌebema ĩjã bꞌʉta Timoteo abadata bꞌasia wũẽrã judío wauta, maʉ̃ wũẽrã Jesúsdꞌebema ĩjã bꞌasia. Timoteo zezera griego basia.

Hechos 13:5

Pʉwʉrʉ Salaminaĩnu jũẽbʉdadꞌera Daizeze bedꞌeata jarasidꞌa de zhi jʉrebadata nʉme maẽ judíorãneta. Maʉ̃nerã Juan erupanasia ãzhi kꞌarebata.

Hechos 20:1

Zhãrã kĩrũ nʉmeãnata taubʉrʉdꞌera Pablobara Jesúsdꞌebema ĩjã bꞌeta trʉ̃pe ũrãgꞌakuasia, mobe burakua mʉrã wã ape wãsia Macedonia druaedꞌa.

Hechos 19:21

Maʉ̃ tẽã Pablora krĩchasia Jerusalén pʉwʉrʉedꞌa wãĩta pʉrrʉadꞌa tẽã Macedonia druadꞌe, Acaya druadꞌe. Maʉ̃nerã mawũãsia: Mʉrã Jerusalénne bꞌape wãĩ baraya Roma pʉwʉrʉidꞌubidꞌa.

Hechos 20:34

Awuarabʉrʉ marãbara kꞌawua bꞌea mʉã nesidꞌara mʉ bawara bꞌeba nesidꞌara mʉzhi juwuaba abꞌʉa.