Hechos 19:17 - Porciones del Nuevo Testamento

¹⁷ Maʉ̃ta Éfeso pʉwʉrʉdꞌe bꞌebara jõmaʉ̃ba kꞌawuasidꞌa judíorãba, griegorãba, ãzhira jõma perasidꞌa. Aramaʉ̃ne bia jarasidꞌa Nokꞌo Jesúra.

Hechos 19:17 Referans Kwoze

Hechos 13:12

Nokꞌobara mawũã berabꞌaribʉrʉta ũdupe ĩjãsia bigadꞌeba ũrãgꞌa Nokꞌo Jesúsdꞌera.

Hechos 5:11

Maʉ̃ kꞌarea kꞌãbãẽã perasidꞌa mebẽrã jõma. Zhãrãsidꞌa jõma perasidꞌa maʉ̃ta ũrĩbʉdara.

Hechos 5:5

Ananíaba maʉ̃ bedꞌeata ũrĩbʉrʉdꞌera beu bꞌaesia. Jõma kꞌãbãẽã perasidꞌa maʉ̃ta ũrĩbʉdara.

Hechos 18:19

Éfeso pʉwʉrʉidꞌu jũẽbʉrʉdꞌera Pablobara mama ãzhira ãĩ tʉsia. Aramaʉ̃ne de zhi jʉrebada maẽ edꞌa wãpe Jesúsdꞌebemata jara bedꞌeasia judíorãã.

Hechos 5:13

Awʉrʉra miõta ãba zedꞌakꞌa basia ãzhi bawarara. Mawũãmina zhãrãbara ãzhira kꞌãbãẽã bia jara bꞌeasia.

Hechos 2:43

Zhãrã jõma pera jirpanesia ũdudꞌakꞌata bio obʉdaba Jesúsba zokꞌakuadꞌaba.

Lucas 7:16

Mawũẽ jõma peradꞌape Daizeze ibia jara mawũãsidꞌa: Naʉ̃ Jesús Daizezeba bedꞌeata jarabibarita zhi zromata piradrʉbʉrʉa dazhirãne edꞌa. Daizezera zebʉrʉa izhidꞌerãta kꞌarebadꞌe.

Lucas 1:65

Mawũẽ jõma perasidꞌa izhi kꞌaita bꞌera. Aramaʉ̃ne Judea druadꞌe kꞌatuma nʉme maẽ trʉ̃poasia maʉ̃ jõma.

Hechos 18:21

Awuarabʉrʉ ãzhaa wãta jarape mawũãsia: Mʉrã edꞌa bꞌaibara Jerusalénne fiesta odꞌaidꞌe. Mawũãmina mʉrã wakusa marãma zeya Daizezeba krĩñabʉrʉ. Mawũãpe barcodꞌe wãsia Éfesodꞌebara.

Hechos 19:1

Apolo Corinto pʉwʉrʉdꞌe bꞌʉdꞌera Pablora drua kꞌatuma bara nʉmene berabꞌarikua zesia Éfeso pʉwʉrʉedꞌa. Maʉ̃ne Jesúsdꞌebema ĩjã bꞌeta ũdukuai,

Hechos 19:16

Aramaʉ̃ne ũmakĩrã jai kꞌazhirua abꞌʉra ãzhi ʉ̃rʉ̃ pinandrʉpe poeakuasia. Mawũẽ maʉ̃ dedꞌaubara ẽkꞌadꞌa wãẽbasidꞌa zhara kꞌõgꞌozoa.

Hechos 19:18

Bioba Jesúsdꞌebema ĩjãnapeadꞌabara jaradꞌe ze nʉmeãsia bia ẽãta ãzha obꞌeadꞌata.