Hechos 18:7 - Porciones del Nuevo Testamento

⁷ De zhi jʉrebada maẽbara miã ũrãgꞌadꞌe wãsia Justo abada dedꞌa Daizeze wawia bꞌʉ maẽ, maʉ̃ dera nʉmasia de zhi jʉrebada kꞌaita.

Hechos 18:7 Referans Kwoze

Hechos 16:14

Mawũẽ wũẽrã Lidia abadata wua granate nendobarita, Tiatira pʉwʉrʉdꞌebemaba Daizeze ibia jara bꞌʉba ũrĩ kꞌobꞌasia. Daizezebara izhi sora ewasia bia ũrĩmarẽã Pabloba jara kꞌobꞌʉta.

Hechos 17:4

Aramaʉ̃ne ãzhirãnebema ʉ̃kʉrʉbara ĩjãnape ãba duanesia Pablo bawara Sila bawara. Abꞌarika bioba ĩjãsidꞌa griegorã Daizezeba jara bꞌʉta aribꞌae bꞌeba, dewara bio wũẽrãrã zhi zromarãba.

Hechos 13:42

Pablota Bernabéta de zhi jʉrebadata judíorãne maẽba wãbʉdadꞌera, zhãrã zuburia bedꞌeasidꞌa dewara ewari ẽnaʉ̃badata zeidꞌebidꞌa jaradꞌamarẽã maʉ̃nebemata.

Hechos 10:22

Mawũãĩ ãzhara mawũãsidꞌa: Cornelio soldaorã nokꞌota biata bꞌʉbara Daizeze wawia bꞌʉa, izhira judíorã jõmaʉ̃ba bia jara bꞌea. Ángelba maʉ̃ã jarasia bʉta izhi dedꞌa jũẽbimarẽã bʉ bedꞌeata ũrĩĩta.

Hechos 10:2

Izha jara bꞌʉta aribꞌae Daizeze wawia bꞌasia izhi dedꞌabema bawara. Aramaʉ̃ne zuburia bꞌeta biodꞌe ne bari dia bꞌʉta ewariza zhiwidꞌi bꞌasia Daizezea.

Juan 9:31

Kꞌawua bꞌea Daizezebara ũrĩ ẽãta kꞌazhirua omiãrã bedꞌeara, mawũãmina iabꞌaʉba Daizezeta wawia bꞌʉra, aramaʉ̃ne izha krĩñata obꞌʉra, maʉ̃ bedꞌeara ũrĩ bꞌʉa.

Hechos 13:43

Ãba nʉmanata ẽzoabʉdadꞌera, judíorãnebema bioba dewaraurã judío bape bꞌeba pẽwã jʉ̃drʉsidꞌa Pablora Bernabéra. Mawũẽ ãzhara jarasidꞌa ĩjã bꞌeamarẽã izhi biaba ãzhi kʉãgꞌata Daizezebara.

Hechos 13:50

Mawũãmina judíorã wũẽrãrãã bedꞌeasidꞌa judío bape zhi zromata bꞌe bawara, bedꞌeasidꞌa nokꞌorã pʉwʉrʉdꞌebema bawarabidꞌa. Aramaʉ̃ne Pablo ʉ̃rʉ̃, Bernabé ʉ̃rʉ̃ bedꞌeata obibʉdaba maʉ̃rã jʉretasidꞌa ãzhi druadꞌebara.