Hechos 18:6 - Porciones del Nuevo Testamento

⁶ Mawũãmina maʉ̃rãbara ũrĩãmaba mitia bedꞌea jirpaneĩ wua jʉ̃ bꞌʉta niãwe mawũãsia: Kꞌãwũã bꞌedꞌeba Daizezebara pua kꞌawua okuaya. Mʉrã bedꞌea ne ẽbaya. Idꞌidꞌeuba mʉãrã Jesúsdꞌebema jaradꞌe wãña judíorã ẽãta bꞌea.

Hechos 18:6 Referans Kwoze

Hechos 13:51

Mawũẽ ãzhi Daizezeba pua kꞌawua oidꞌebemata maʉ̃rãbara egoro jarra ãzhi jẽrũnebema niãwesidꞌa, mobe zesidꞌa Iconio pʉwʉrʉedꞌa.

Lucas 9:5

Baridu maẽ marãta bia edadꞌa ẽbʉrʉ maʉ̃ pʉwʉrʉdꞌebara ãĩ wãbʉdata egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita.

Mateo 27:25

Mawũãĩ jõmaʉ̃ba panaʉ̃ mawũãsidꞌa: Kꞌãʉ̃ bebura izhikꞌawua dai ʉ̃rʉ̃ bꞌaeya, mobe izhikꞌawua dai warrarã ʉ̃rʉ̃ bꞌaeya.

Romanos 3:29

¿Daizezera bari judíorãneka? ¿Izhabꞌa Daizezera judíorã ẽãta bꞌedꞌe ẽka? Wãrãnebai izhabꞌa judíorã ẽãta bꞌedꞌea.

Hechos 28:28

Mawũẽ kꞌawuaudua, judíorã ẽãta bꞌea jaradꞌe zokꞌasia ẽdrʉidꞌebemata Daizezedꞌera. Aramaʉ̃ne maʉ̃rãbara ũrĩnaña.

Hechos 26:20

Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.

Hechos 26:11

Mʉãrã de zhi jʉrebadata nʉme maẽ ubima bio ukuabisia ĩjãbiga ẽã Jesúsdꞌebema zareadꞌe ikꞌazhirua jarabigaita. Aramaʉ̃ne ãzhi ʉ̃rʉ̃ kꞌãbãẽã kĩrũ bꞌʉba pẽwãkua bꞌasia pʉwʉrʉ ãĩbemata tabꞌeidꞌubidꞌa.

Mateo 22:10

Mawũãĩ nezokꞌarã oza wãnape ãzha ũdubʉdata jõma jʉresidꞌa biata bꞌeta, bia ẽãta bꞌeta, aramaʉ̃ne juwua jidayidꞌebema birasia trʉ̃kuadꞌapeadꞌaba.

Mateo 10:14

Iabꞌaʉba marãta bia eda ẽbʉrʉ, miã marã bedꞌeata ũrĩ ẽbʉrʉ, maʉ̃ dedꞌaubara o maʉ̃ pʉwʉrʉdꞌebara ãĩ wãũdua, egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita.

Lucas 22:65

Aramaʉ̃ne ikꞌazhirua jara jirpanesia ne awʉrʉta bio jara.

Mateo 21:43

Maʉ̃neba mʉã marãã jaraya, marã Daizezebara izhita Nokꞌodꞌebemane duanabi ẽã, awuarabʉrʉ maʉ̃ne bꞌeabiya izha jara bꞌʉta obꞌeta.

Mateo 8:11

Mʉã marãã jaraya, Daizezeba kꞌawua obʉrʉ ewadera bio zedꞌaya ʉ̃madau ʉ̃tʉ zebariareba, ʉ̃madau bꞌaebariareba. Maʉ̃rãta jewedꞌa nekꞌodꞌaya Abraham bawara, Isaac bawara, Jacobo bawara ʉ̃tre Daizezeta Nokꞌo maẽ.

Mateo 21:41

Mawũãĩ mawũãsidꞌa: Bia ẽãta bꞌera sozuburia ẽã makenaña, mobe uva izhidꞌera awʉrʉrã uvadꞌe trajabadaa arrendaya. Aramaʉ̃ne izhaa diadꞌaira diadꞌamarẽã uva bꞌʉabada ewade.