Hechos 17:3 - Porciones del Nuevo Testamento

³ Zhi bꞌʉmaneba bia jarakꞌasia zhãrã Ẽdrʉbira zuburiaidꞌe bꞌasita, beudꞌata piradrʉidꞌe bꞌasita. Maʉ̃nerã mawũãsia: Jesús mʉã marãã jarakꞌa bꞌʉra zhãrã Ẽdrʉbia.

Hechos 17:3 Referans Kwoze

Hechos 18:28

Jesúsdꞌebema ĩjãna ẽãneba jõmaʉ̃ daidꞌu zarea bedꞌeasia judíorãã, zhi bꞌʉmaneba kꞌawuabiga nʉmasia Jesúra zhãrã Ẽdrʉbita.

Hechos 9:22

Saulora wuaabʉrʉ wãnigua bedꞌea nʉmʉba kꞌawua ẽã okua nʉmasia Damascodꞌe judíorã bꞌeta, aramaʉ̃ne dajada kꞌawuabiga nʉmasia Jesúra zhãrã Ẽdrʉbita.

Lucas 24:32

Mawũẽ ãzhirãĩnu mawũãsidꞌa: ¿Kꞌãwũẽ dazhira sobiasidꞌa ẽka odꞌe jarakꞌa tebasidꞌera Daizeze bedꞌea zhi bꞌʉmata?

Hechos 3:18

Mawũãmina aramaʉ̃ne Daizezeba aribꞌaesia izha nawedꞌa jaradꞌata, izha bedꞌeata jarabibarirã idꞌeba jarasia zhãrã Ẽdrʉbita izhidꞌera beuita.

Lucas 24:46

Mobe mawũãsia: Mawũã zhi bꞌʉmaneba zhãrã Ẽdrʉbira beuita bara basia beudꞌata piradrʉita ewari ũbeadꞌe.

Hechos 1:4

Ãba kꞌobꞌedꞌe mawũãsia: Wãrãũdua Jerusalénnebara, awuarabʉrʉ jʉ̃ãũdua mʉ Zezeba Jawurebia diaya adꞌata, maʉ̃ marãbara ũrĩsidꞌa mʉã jaradꞌata.

Juan 20:9

Maʉ̃ẽnabema wadꞌi sãwũãta kꞌawuadꞌa ẽãrã zhi bꞌʉmata, Jesús mawũã beudꞌata piradrʉi bara basia.

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Hechos 18:5

Sila, Timoteo Macedonianeba zebʉdadꞌera Pablora jipa bedꞌeata jara bꞌesia, judíorãã jara bꞌasia Jesúra zhãrã Ẽdrʉbita.