Hechos 16:25 - Porciones del Nuevo Testamento

²⁵ Mawũãmina ewari ẽsadra Pablo Sila ũme zhiwidꞌi panʉta, Daizezea trʉ̃ã panasia. Maʉ̃ta cárceldꞌe bꞌebara ũrĩ nʉmeãsia.

Hechos 16:25 Referans Kwoze

Romanos 5:3

Bari maʉ̃ba ẽã, awuarabʉrʉ dazhira sobiaidꞌe bꞌʉa zuburia nʉmʉnerã, kꞌawuaidꞌera zuburia nʉmʉne zrogꞌa kꞌawaya.

Romanos 12:12

Daizezedꞌeba kꞌãrẽ jidaita krĩcha jʉ̃ã bꞌeba sobia bꞌeaudua, zuburia nʉmʉrã zrogꞌaudua, baridua zhiwidꞌiudua.

Hechos 5:41

Mawũẽ nokꞌorã wagꞌaurã kĩrãbitaubara ãzhira sobia wãsidꞌa Daizezeba idu zuburiabigabʉrʉba Jesús kꞌarea.

Lucas 22:44

Mawũẽ sopua kꞌobꞌʉidꞌu zhiwidꞌisia audre zarea. Maʉ̃nerã izhi jʉara wa kĩrãkꞌa waibꞌʉa erezoasia bꞌae bʉsita egoroidꞌu.

Hechos 15:22

Mobebʉrʉ Jesúsba zokꞌakuadꞌama, nokꞌorã mebẽrãnema, mebẽrã jõmaʉ̃ma bia zesia ʉ̃kʉrʉ jʉrʉdꞌape zokꞌadꞌaita Antioquíaedꞌa Pablo bawara Bernabé bawara: Aramaʉ̃ne jʉrʉsidꞌa Juda abꞌaʉta Barsabáta, Silata, maʉ̃rãta zhi zromata panasia mebẽrãne edꞌa.

Hechos 16:19

Mawũãmina maʉ̃ta izhi nokꞌorãba ũdudꞌai, mawũã ãzhi plata ganabi bꞌʉta ãĩ wãbʉrʉdꞌeba jidasidꞌa Pablora Silara. Mobe pʉwʉrʉ ẽsadra wesidꞌa nokꞌorã kĩrãbita.

Hechos 16:33

Maʉ̃ diamase izhara sʉgʉkuasia tawedꞌapeadꞌaba zhara kꞌõgꞌozoadꞌata. Mobe aramaʉ̃ta buru kꞌoesia izhidꞌerã jõmaʉ̃ bawara.