Hechos 16:19 - Porciones del Nuevo Testamento

¹⁹ Mawũãmina maʉ̃ta izhi nokꞌorãba ũdudꞌai, mawũã ãzhi plata ganabi bꞌʉta ãĩ wãbʉrʉdꞌeba jidasidꞌa Pablora Silara. Mobe pʉwʉrʉ ẽsadra wesidꞌa nokꞌorã kĩrãbita.

Hechos 16:19 Referans Kwoze

Hechos 21:30

Aramaʉ̃ne pʉwʉrʉdꞌebema jõma kĩrũ bʉredrʉsidꞌa. Pablora jirtopota ãĩ ertasidꞌa Daizeze dedꞌa ewara maẽbara, mobe aramaʉ̃ta serrasidꞌa puerta jirapanʉrã.

Hechos 17:6

Mawũãmina ũdudꞌa ẽbaera Jasónta mebẽrã ʉ̃kʉrʉ bawara nokꞌorã pʉwʉrʉdꞌebema kĩrãbita wedꞌape nemi jĩgua mawũãsidꞌa: Naʉ̃rãbara ẽjũãne bꞌera kꞌawua ẽã okua bꞌeta zebʉda naĩnubidꞌa.

Hechos 16:16

Ewari abꞌa daira zhiwidꞌibadaidꞌu wãne daibara nezokꞌa ãwũẽrãta daucha zesia jaidꞌeba ne arimaẽ jarabarita. Maʉ̃bara izhi nokꞌorãã plata bio ganabi bꞌasia ne arimaẽ jara bꞌʉba.

Hechos 8:3

Maʉ̃nerã Saulobara mebẽrã bĩ ẽã okua nʉmasia. Deza deidꞌu wãpe jidakua nʉmasia zhũmakĩrãrãta, wũẽrãrãta, aramaʉ̃ne edebiga nʉmasia cárceldꞌe edꞌa.

Hechos 15:26

Bernabébara Pablobara bebudꞌe jara panʉã dazhirã Nokꞌo Jesucristodꞌebemata.

Hechos 14:19

Maʉ̃ne judíorãta ʉ̃kʉrʉ zesidꞌa Antioquíadꞌeba Iconioneba, maʉ̃rãbara kꞌabanata krĩcha ãrĩsidꞌa. Aramaʉ̃ne mongꞌaraba tabꞌari jidasidꞌa Pablora, mobe pʉwʉrʉdꞌebara ãĩ ertasidꞌa beusita krĩchadꞌape.

Hechos 14:5

Maʉ̃nerã judíorãta, judíorã ẽãta nokꞌorã bawara bedꞌea ausidꞌa Pablora Bernabéra zuburia odꞌaita mongꞌaraba tabꞌaridꞌaita.

Hechos 9:16

Mʉã izhaa kꞌawuabiya izhi sãwũã zuburiai barata mʉnebemata jara bꞌʉdꞌera.

Marcos 13:9

Mazhikusa kĩrãkuita bꞌeaudua, marã chãbꞌaridꞌaya nokꞌorã wagꞌaurãã, de zhi jʉrebada nʉme maẽ marã udꞌaya. Nokꞌorã kĩrãbita, reirã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya.

Mateo 24:9

Marã chãbꞌaridꞌaya zuburia odꞌamarẽã, aramaʉ̃ne beakuadꞌaya, marã jõmaʉ̃ba juradꞌaya mʉ kꞌarea.

Hechos 15:22

Mobebʉrʉ Jesúsba zokꞌakuadꞌama, nokꞌorã mebẽrãnema, mebẽrã jõmaʉ̃ma bia zesia ʉ̃kʉrʉ jʉrʉdꞌape zokꞌadꞌaita Antioquíaedꞌa Pablo bawara Bernabé bawara: Aramaʉ̃ne jʉrʉsidꞌa Juda abꞌaʉta Barsabáta, Silata, maʉ̃rãta zhi zromata panasia mebẽrãne edꞌa.

Hechos 15:40

Waya Pablobara Silata jʉrʉ edape wãbʉrʉdꞌera, izhi biaba ãzhi akʉmarẽã mebẽrãbara chãbꞌarisidꞌa Daizezea Nokꞌoa.

Hechos 16:20

Aramaʉ̃ne nokꞌorã bedꞌea araa obadama wedꞌape mawũãsidꞌa: Ũmakĩrãrã naʉ̃rã judíorãta panʉbara bĩ ẽã okua jirpanʉã zhãrã dazhirãta.

Hechos 16:25

Mawũãmina ewari ẽsadra Pablo Sila ũme zhiwidꞌi panʉta, Daizezea trʉ̃ã panasia. Maʉ̃ta cárceldꞌe bꞌebara ũrĩ nʉmeãsia.

Hechos 16:29

Mawũãĩ izhara widꞌisia ĩbĩrãta, mobe ĩñabasia edꞌa wãẽbape pidꞌidꞌia sãkꞌokꞌodꞌe kꞌobꞌesia Pablo jẽrũ kꞌaita, Sila jẽrũ kꞌaita.