Hechos 16:15 - Porciones del Nuevo Testamento

¹⁵ Aramaʉ̃ne zhi mebẽrã bawara buru kꞌoepe daia zuburia bedꞌea mawũãsia: Marãma mʉã Nokꞌo Jesúsdꞌebemata wãrĩnu ĩjãbʉrʉ mʉ dedꞌa audua. Aramaʉ̃ne daira duanebisia.

Hechos 16:15 Referans Kwoze

Hechos 11:14

Maʉ̃bara bedꞌeata bʉaa jaraya bʉ ẽdrʉita jõma bʉzhi dedꞌabema bawara.

Hechos 16:33

Maʉ̃ diamase izhara sʉgʉkuasia tawedꞌapeadꞌaba zhara kꞌõgꞌozoadꞌata. Mobe aramaʉ̃ta buru kꞌoesia izhidꞌerã jõmaʉ̃ bawara.

Lucas 24:29

Mawũẽ ãzhara bꞌemarẽã zarea jara mawũãsidꞌa: Dai bawara bꞌedua, ewarira keuba pãrĩgu bʉsia. Mawũãnaĩ edꞌa wãsia bꞌeita ãzhi bawara.

Romanos 16:23

Marãã saludo diabuea Gayoba, mʉrã izhi dedꞌa bꞌʉkꞌãrĩã, izhi dedꞌa zhi jʉrebibaria mebẽrãsidꞌa jõma. Marãã saludo diabuea Erastoba, izhira plata naʉ̃ pʉwʉrʉdꞌebema wuagꞌabaria, saludo diabuea mebea Cuartoba.

Hechos 18:8

De zhi jʉrebada maẽ Crispo nokꞌoba Nokꞌo Jesúsdꞌebema ĩjãsia izhi dedꞌa bꞌe jõmaʉ̃ bawarauba. Corinto bidꞌarãba ũrĩbʉdadꞌera bioba ĩjã buru kꞌoe nʉmeãsia.

Hechos 8:38

Mawũãpe nʉmebisia coche kꞌawayoba erbꞌari edera. Mobe ũmewedꞌa eidꞌu wãsidꞌa baniãĩnu, Felipebara aramaʉ̃ne buru kꞌoesia.

Hechos 8:12

Mawũãmina bedꞌea biata Daizezeta Nokꞌodꞌebemata Jesucristodꞌebemata Felipeba jarabʉrʉra ĩjãnape buru kꞌoesidꞌa zhũmakĩrãrãta, wũẽrãrãta.

Lucas 14:23

Mawũãĩ nokꞌobara izhi nezokꞌaa mawũãsia: Pʉwʉrʉdꞌebara ãĩ wãrũã o zromaza, o zakeza, mobe zhãrã zareadꞌe edꞌa zebigarua, aramaʉ̃ne biramarẽã mʉ dera.

Mateo 10:41

Iabꞌaʉba bia edabʉrʉta Daizezeba bedꞌeata jarabibarita bꞌʉ baera bia edara, Daizezebara maʉ̃ã ne biata diaya izha bedꞌeata jarabibaria diai kĩrãkꞌa. Iabꞌaʉba bia edabʉrʉta Daizezedꞌeta biata bꞌʉ baera bia edara, Daizezebara maʉ̃ã ne biata diaya izhidꞌeta biata bꞌʉa diai kĩrãkꞌa.

Mateo 3:6

Jordán dodꞌe Juanʉã zhi buru kꞌoebisidꞌa ãzhi kꞌazhiruata jara.

Hechos 16:31

Mawũãĩ ãzhara mawũãsidꞌa: Ĩjãrũã Nokꞌo Jesucristodꞌebemata, mawũãrã ẽdrʉya bʉta bʉzhi dedꞌabema bawara.

Hechos 16:34

Mobe izhi dedꞌaa edekuape ne dedꞌekasia. Aramaʉ̃ne jõma izhi dedꞌabema bawara sobiasia ĩjãbʉrʉba Daizezedꞌebemata.