Hechos 15:4 - Porciones del Nuevo Testamento

⁴ Jerusalénʉẽna jũẽbʉdadꞌera bia edasidꞌa mebẽrãba, Jesúsba zokꞌakuadꞌaba, nokꞌorã mebẽrãneba. Aramaʉ̃ne jõma jarasidꞌa Daizezeba kꞌãrẽ odꞌata ãzhi bawara.

Hechos 15:4 Referans Kwoze

Hechos 15:12

Pedroba mawũãĩ kꞌabanata kꞌobꞌera jõma chupeasidꞌa. Mobe ũrĩsidꞌa Bernabéba Pabloba jarabʉdata ũdudꞌakꞌa zromata Daizezeba ãzhidꞌeba odꞌata judíorã ẽãne edꞌa.

Hechos 14:27

Jũẽnape mebẽrã ãba jʉredꞌape jarasidꞌa Daizezeba ne bia zroma odꞌata ãzhi bawara, aramaʉ̃ne sãwũã ewa nʉminapʉta Jesúsdꞌebema ĩjãnamarẽã judíorã ẽãba.

Hechos 15:3

Ãzhita mebẽrãba mawũã wãbibʉdadꞌera Fenicia druadꞌe Samaria druadꞌe jara berabꞌarisidꞌa judíorã ẽãba Jesúsdꞌebema ĩjãnapeadꞌata, maʉ̃neba kꞌãbãẽã sobiasidꞌa mebẽrã jõma.

Romanos 15:18

Mʉrã ne awʉrʉdꞌera bedꞌeaidꞌe bꞌʉ ẽã, awuarabʉrʉ jaraidꞌe bꞌʉa Cristoba mʉneba odꞌata, aramaʉ̃ne judíorã ẽãba Daizezedꞌebemata aribꞌaedꞌamarẽã mʉ ũrãgꞌadꞌeba mʉã kꞌãrẽ odꞌadꞌeba.

Hechos 21:17

Jerusalén pʉwʉrʉedꞌa zebʉdadꞌera mebẽrãbara daira bia edasidꞌa sobia.

Romanos 15:7

Maʉ̃ba marã zhiya bia edaudua, Cristoba dazhirã bia edadꞌa kĩrãkꞌa bꞌeaudua Daizezeta ibia jaradꞌamarẽã.

Hechos 21:19

Maʉ̃rã saludꞌape abꞌa abꞌaʉdꞌe nebʉrʉsia judíorã ẽãta bꞌedꞌe edꞌa Daizezeba kꞌãrẽ odꞌata izhi miã ũrãgꞌa wãne.

Hechos 18:27

Izhita Acaya druaedꞌa wã krĩñabʉrʉdꞌera mebẽrãbara bʉ wãĩrã biga abʉdata Jesúsdꞌebema ĩjã bꞌema bedꞌeata bꞌʉpe diabuesidꞌa bia edadꞌamarẽã. Maĩnu jũẽbʉrʉdꞌera kꞌãbãẽã kꞌarebasia Jesúsdꞌebema Daizezeba izhi biaba ĩjãbi bꞌʉta ĩjãnapeadꞌata.

Mateo 10:40

Iabꞌaʉba marãta bia edabʉrʉra mʉta bia edabʉrʉa, mʉta bia edabʉrʉra bia edabʉrʉa mʉ zokꞌadꞌata.

Hechos 11:30

Mawũã obʉdara nokꞌorã mebẽrãnema diabuebʉdata edebisidꞌa Bernabéa, Sauloa.

Hechos 15:2

Maʉ̃ kꞌarea Pablo Bernabé ũme kꞌaikꞌaiasidꞌa ãzhi bawara. Mawũẽ Pablo Bernabé ũme mebẽrã ʉ̃kʉrʉ bawara Jerusalénʉẽna wãrĩzebisidꞌa Jesúsba zokꞌakuadꞌama, nokꞌorã mebẽrãnema, aramaʉ̃ne bedꞌeadꞌamarẽã maʉ̃nebemane.

Hechos 15:6

Mawũãnaĩ Jesúsba zokꞌakuadꞌata, nokꞌorã mebẽrãneta zhi jʉresidꞌa bedꞌeadꞌaita maʉ̃nebemane.

Hechos 15:22

Mobebʉrʉ Jesúsba zokꞌakuadꞌama, nokꞌorã mebẽrãnema, mebẽrã jõmaʉ̃ma bia zesia ʉ̃kʉrʉ jʉrʉdꞌape zokꞌadꞌaita Antioquíaedꞌa Pablo bawara Bernabé bawara: Aramaʉ̃ne jʉrʉsidꞌa Juda abꞌaʉta Barsabáta, Silata, maʉ̃rãta zhi zromata panasia mebẽrãne edꞌa.

Hechos 16:4

Pʉwʉrʉza berabꞌari wãne jara wãbʉdata Jesúsba zokꞌakuadꞌata, nokꞌorã mebẽrãneta Jerusalénne bꞌeta krĩcha abꞌarika zedꞌadꞌebemata jara wãsidꞌa aribꞌaedꞌamarẽã.