Hechos 14:23 - Porciones del Nuevo Testamento

²³ Pʉwʉrʉza mebẽrã bꞌe maẽ nokꞌorãta bꞌʉsidꞌa. Nekꞌo ẽã zhiwidꞌi tabꞌape Jesúsdꞌebema ĩjã bꞌera Daizezea chãbꞌarisidꞌa izhidꞌebemata ĩjãnapeadꞌaba.

Hechos 14:23 Referans Kwoze

Hechos 11:30

Mawũã obʉdara nokꞌorã mebẽrãnema diabuebʉdata edebisidꞌa Bernabéa, Sauloa.

Hechos 20:32

Kꞌõbebʉrʉ mebẽrã mʉã marã chãbꞌariya Daizezea, bedꞌeata izhi biaba jarabi nʉmʉkꞌãrĩã chãbꞌariya, izhara zareata erubꞌʉa marã soidꞌu bꞌeabiita, marãã dedꞌekaya izha diaita jaradꞌara izhidꞌeta duanuna jõmaʉ̃ã.

Hechos 20:17

Mileto pʉwʉrʉdꞌeba trʉ̃bisia Éfeso pʉwʉrʉdꞌe nokꞌorã mebẽrãne bꞌeta.

Hechos 15:6

Mawũãnaĩ Jesúsba zokꞌakuadꞌata, nokꞌorã mebẽrãneta zhi jʉresidꞌa bedꞌeadꞌaita maʉ̃nebemane.

Hechos 15:4

Jerusalénʉẽna jũẽbʉdadꞌera bia edasidꞌa mebẽrãba, Jesúsba zokꞌakuadꞌaba, nokꞌorã mebẽrãneba. Aramaʉ̃ne jõma jarasidꞌa Daizezeba kꞌãrẽ odꞌata ãzhi bawara.

Hechos 15:23

Bedꞌeata maʉ̃rãba ededꞌamarẽã mawũã bꞌʉsidꞌa: Dai Jesúsba zokꞌakuadꞌaba, Nokꞌorã mebẽrãneba, mebẽrãba, marã dai mebẽrã judíorã ẽãta Antioquía pʉwʉrʉdꞌe, Siria druadꞌe, Cilicia druadꞌe bꞌea: Diabuebʉda saludota.

Hechos 14:26

Mamaʉ̃ba barcodꞌe wãsidꞌa Antioquía pʉwʉrʉedꞌa, mama chãbꞌaridꞌapeadꞌa basia ãzhira Daizezeba izhi biaba kꞌarebamarẽã, maʉ̃nebemata mawũã aribꞌaesidꞌa.

Hechos 1:22

Juanba buru kꞌoesidꞌebemata bꞌeta dazhirã maẽba Jesús ʉ̃taa wãsiidꞌubemata bꞌea. Mawũẽ iabꞌa jʉrʉdꞌaya dazhirã bawarauba jaramarẽã Jesús beudꞌata piradrʉdꞌata.

Lucas 23:46

Maʉ̃nerã Jesúsbara nemi jĩgua mawũãsia: Zeze, mʉãrã bʉ juwuadꞌe chãbꞌariya mʉ jawurera. Mawũãpe beusia.

Marcos 3:14

Mobebʉrʉ docera jʉrʉkuasia izhi bawara duanebibʉrʉta zokꞌakuaita miã ũrãgꞌadꞌe.

Lucas 2:37

Pẽdrata bꞌʉta ochenta y cuatro año bata bꞌasia. Izhira Daizeze dedꞌa ewara maẽ wã tau ẽãta diamase ewaridꞌe Daizeze ibia jara bꞌidꞌa bazhia nekꞌo ẽã zhiwidꞌi.

Hechos 1:24

Mobebʉrʉ zhiwidꞌi mawũãsidꞌa: Nokꞌó, bʉabʉrʉ jõmaʉ̃ sota ũdukꞌawua bꞌʉa, mawũẽ daia kꞌawuabirua naʉ̃rã ũmenebema bʉa sãʉ̃ta jʉrʉbʉrʉta.

Mateo 17:21

Mawũãmina jai kꞌãwũã bꞌʉra arakꞌãwũãrã ãĩ wã ẽã, awuarabʉrʉ ãĩ wã bꞌʉa nekꞌo ẽã zhiwidꞌi.