Hechos 14:1 - Porciones del Nuevo Testamento

¹ Iconio pʉwʉrʉdꞌera Pablora Bernabéra ãba edꞌa wãsidꞌa de zhi jʉrebadata judíorãne maẽ. Mobe bedꞌeabʉdadꞌera Jesúsdꞌebema kꞌabanaba ĩjãsidꞌa judíorãba, griegorãba.

Hechos 14:1 Referans Kwoze

Hechos 18:4

Maʉ̃nerã de zhi jʉrebada maẽ ewari ẽnaʉ̃badaza bedꞌea bꞌʉta Jesúsdꞌebemata ĩjãbigayidꞌe bꞌasia judíorãã, griegorãã.

Hechos 13:51

Mawũẽ ãzhi Daizezeba pua kꞌawua oidꞌebemata maʉ̃rãbara egoro jarra ãzhi jẽrũnebema niãwesidꞌa, mobe zesidꞌa Iconio pʉwʉrʉedꞌa.

Hechos 13:46

Mawũẽ Pablobara, Bernabébara wãnigua mawũãsidꞌa: Wãrãnebai marãã naara jaradꞌaita bara basia Daizeze bedꞌeara. Mawũãmina seribidꞌa ẽãba marãĩtabemata krĩchadꞌa ẽã Daizeze ũme bꞌai jõ ẽãrã, mawũẽ daira wãnaña judío ẽãta bꞌema.

Hechos 14:21

Bedꞌea biata Derbe pʉwʉrʉdꞌe jarabʉdaba Jesúsdꞌebema bioba ĩjãbʉdadꞌe jẽrũya wãsidꞌa Listra pʉwʉrʉedꞌa, Iconio pʉwʉrʉedꞌa, Antioquía pʉwʉrʉedꞌa.

Romanos 10:12

Aramaʉ̃nerã izhara awuara eda ẽã judíorãta miã judíorã ẽãta, izhita jõmaʉ̃ Nokꞌobara biodꞌe kꞌareba bꞌʉa kꞌarebata widꞌibʉdara.

Romanos 1:16

Mʉrã pera ẽã Jesúsdꞌebema bedꞌea biata jaraira, maʉ̃ Daizeze zareata jõma zhi ĩjãbʉdata ẽdrʉidꞌebema judíorãta judíorã ẽãta.

Hechos 19:17

Maʉ̃ta Éfeso pʉwʉrʉdꞌe bꞌebara jõmaʉ̃ba kꞌawuasidꞌa judíorãba, griegorãba, ãzhira jõma perasidꞌa. Aramaʉ̃ne bia jarasidꞌa Nokꞌo Jesúra.

Hechos 19:8

De zhi jʉrebada maẽ Pablo edꞌa wãpe wãnigua bedꞌea bꞌʉta jedꞌekꞌo ũbea basia. Ĩjãbigayidꞌe jara bꞌasia Daizezeta Nokꞌodꞌebemata.

Hechos 18:8

De zhi jʉrebada maẽ Crispo nokꞌoba Nokꞌo Jesúsdꞌebema ĩjãsia izhi dedꞌa bꞌe jõmaʉ̃ bawarauba. Corinto bidꞌarãba ũrĩbʉdadꞌera bioba ĩjã buru kꞌoe nʉmeãsia.

Hechos 17:12

Aramaʉ̃ne judíorã bioba ĩjãsidꞌa, griegorã bioba ĩjãsidꞌa wũẽrãrã zhi zromarãba, zhũmakĩrãrãba.

Hechos 17:4

Aramaʉ̃ne ãzhirãnebema ʉ̃kʉrʉbara ĩjãnape ãba duanesia Pablo bawara Sila bawara. Abꞌarika bioba ĩjãsidꞌa griegorã Daizezeba jara bꞌʉta aribꞌae bꞌeba, dewara bio wũẽrãrã zhi zromarãba.

Hechos 13:43

Ãba nʉmanata ẽzoabʉdadꞌera, judíorãnebema bioba dewaraurã judío bape bꞌeba pẽwã jʉ̃drʉsidꞌa Pablora Bernabéra. Mawũẽ ãzhara jarasidꞌa ĩjã bꞌeamarẽã izhi biaba ãzhi kʉãgꞌata Daizezebara.

Hechos 11:21

Maʉ̃nerã Nokꞌo Daizeze zareara nʉmasia ãzhi bawara, mawũẽ ne awʉrʉdꞌebemata ĩjã bꞌera ãmanape bioba ĩjãsidꞌa Jesúsdꞌebemata.

Hechos 9:20

Maʉ̃nerã de zhi jʉrebada nʉmeza jarakꞌasia Jesúra zhãrã Ẽdrʉbita Daizeze Warrata.

Hechos 21:28

nemi jĩgua mawũãsidꞌa: Israelitarã, daita kꞌarebaudua. Naʉ̃bara baridu maẽ jõmaʉ̃ã ãña jara bꞌʉa dazhirã ʉ̃rʉ̃, Moisé ũrãgꞌa ʉ̃rʉ̃, naʉ̃ Daizeze de ʉ̃rʉ̃. Maʉ̃ awuara griegorãta edꞌa wãbisia Daizeze dedꞌa ewara maẽ, aramaʉ̃ne mitia osia nene ẽãta naʉ̃ Daizeze dera.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 17:17

Maʉ̃ kꞌarea de zhi jʉrebada maẽ Jesúsdꞌebemata jara bedꞌeasia judíorãã, judíorã ẽãba Daizeze zhi zromane erubꞌea. Ewariza bedꞌeasia pʉwʉrʉ ẽsadra ãba zebʉdaa.

Hechos 16:1

Aramaʉ̃ne ãzhira jũẽsidꞌa Derbe pʉwʉrʉedꞌa, Listra pʉwʉrʉedꞌa. Mama Jesúsdꞌebema ĩjã bꞌʉta Timoteo abadata bꞌasia wũẽrã judío wauta, maʉ̃ wũẽrã Jesúsdꞌebema ĩjã bꞌasia. Timoteo zezera griego basia.

Hechos 14:2

Mawũãmina judíorã zhi ĩjãna ẽãbara judíorã ẽãta krĩcha ãrĩsidꞌa mebẽrã ʉ̃rʉ̃.

Hechos 13:5

Pʉwʉrʉ Salaminaĩnu jũẽbʉdadꞌera Daizeze bedꞌeata jarasidꞌa de zhi jʉrebadata nʉme maẽ judíorãneta. Maʉ̃nerã Juan erupanasia ãzhi kꞌarebata.

Juan 12:20

Ʉ̃kʉrʉ griegorãta duanasia Jerusalén pʉwʉrʉedꞌa wãrĩzekuadꞌara Daizeze ibia jaradꞌaita fiestadꞌe.

Juan 7:35

Mawũãĩ judíorãbara ãzhirãĩnu mawũãsidꞌa: ¿Naʉ̃ sãmaã wãĩba dazhirãba mawũã ũdudꞌa ẽbaira? ¿Judíorã druaza griegorãne edꞌa bꞌema wãĩbʉka, aramaʉ̃ne griegorã ũrãgꞌaita?

Hechos 19:10

Aramaʉ̃ne bꞌasia año ũme, mawũẽ Asia druadꞌe bꞌebara jõmaʉ̃ba judíorãba, griegorãba bedꞌeara ũrĩkꞌawasidꞌa Nokꞌo Jesúsdꞌera.

Marcos 7:26

Maʉ̃ wũẽrã judía ẽbasia, awuarabʉrʉ Sirofenicia druadꞌebema basia. Zuburia bedꞌeasia izhi kꞌaudꞌeba ãĩ jʉretamarẽã jaita.

Hechos 2:47

Daizezera ibia jara bꞌeasia, ãzhira kʉãgꞌade basia zhãrã jõmaʉ̃ba. Maʉ̃nerã Nokꞌo Jesúsbara izhidꞌebema ĩjã bꞌedꞌe edꞌa ewariza zebi nʉmasia zhi ẽdrʉdꞌaita bꞌera.

Hechos 14:19

Maʉ̃ne judíorãta ʉ̃kʉrʉ zesidꞌa Antioquíadꞌeba Iconioneba, maʉ̃rãbara kꞌabanata krĩcha ãrĩsidꞌa. Aramaʉ̃ne mongꞌaraba tabꞌari jidasidꞌa Pablora, mobe pʉwʉrʉdꞌebara ãĩ ertasidꞌa beusita krĩchadꞌape.

Hechos 16:2

Timoteora bia jara panasia mebẽrã bꞌebara Listradꞌe, Iconione.