Hechos 13:6 - Porciones del Nuevo Testamento

⁶ Maʉ̃ dodꞌuta jõma berabꞌari Pafo pʉwʉrʉidꞌu jũẽbʉdadꞌera ũdusidꞌa jaibanata, sewata Daizezeba bedꞌeata jarabibaridꞌe bꞌʉta judíota Barjesús basia.

Hechos 13:6 Referans Kwoze

Mateo 7:15

Kĩrãkuita bꞌeaudua sewata Daizezeba bedꞌeata jarabibaridꞌe bꞌe kꞌarea, marãma zedꞌaya oveja zhãrã zuburia odꞌakꞌa kĩrãkꞌa, mawũãmina sodꞌera usa pãne kĩrãkꞌa zhãrã warrea ẽãta bꞌea.

Marcos 10:46

Jericó pʉwʉrʉedꞌa zekuape Jericódꞌeba Jesús izha jʉrʉkuadꞌa bawara wãbʉrʉdꞌera kꞌabanata kꞌaidꞌu wãsidꞌa, maʉ̃ne Bartimeo daʉbꞌerrea bꞌʉta Timeo warrata o kꞌaita jewedꞌa bꞌʉta nebari widꞌi bꞌasia.

Mateo 24:24

Nʉmʉne zhãrã sewata zhãrã ẽdrʉbita duaneña, sewata Daizezeba bedꞌeata jarabibaridꞌe duaneña, ũdudꞌakꞌa zromata okuabʉdaba zhãrã sewadꞌaya, sewaita obꞌedꞌara Daizezeba zhi jʉrʉmata bꞌesidꞌa sewadꞌaya.

Mateo 16:17

Mawũãĩ Jesúsbara mawũãsia: Bʉra Daizezeba bia nʉmʉkꞌãrĩã Simón, Jonás warra, maʉ̃ bʉaara beubariba kꞌawuabibʉrʉ ẽã, awuarabʉrʉ kꞌawuabibʉrʉa mʉ Zeze ʉ̃tre bꞌʉba.

Hechos 13:8

Mawũãmina idaribiga ẽbasia Elima jaibanaba. Griego bedꞌeadꞌera maʉ̃ basia izhi trʉ̃rã. Aramaʉ̃ne ĩjãbi ẽbaita nʉmasia nokꞌoa.

Hechos 13:13

Pafo pʉwʉrʉdꞌeba barcodꞌe bꞌarikuape Pablora izhi kꞌaidꞌu bꞌe bawara jũẽkuasia Perge pʉwʉrʉedꞌa, maʉ̃ pʉwʉrʉra Panfilia druadꞌebema. Mawũãmina Juanbara ãzhira ãmaẽkuabʉrʉta jẽrũya zesia Jerusalénʉẽna.