Hechos 13:51 - Porciones del Nuevo Testamento

⁵¹ Mawũẽ ãzhi Daizezeba pua kꞌawua oidꞌebemata maʉ̃rãbara egoro jarra ãzhi jẽrũnebema niãwesidꞌa, mobe zesidꞌa Iconio pʉwʉrʉedꞌa.

Hechos 13:51 Referans Kwoze

Mateo 10:14

Iabꞌaʉba marãta bia eda ẽbʉrʉ, miã marã bedꞌeata ũrĩ ẽbʉrʉ, maʉ̃ dedꞌaubara o maʉ̃ pʉwʉrʉdꞌebara ãĩ wãũdua, egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita.

Hechos 18:6

Mawũãmina maʉ̃rãbara ũrĩãmaba mitia bedꞌea jirpaneĩ wua jʉ̃ bꞌʉta niãwe mawũãsia: Kꞌãwũã bꞌedꞌeba Daizezebara pua kꞌawua okuaya. Mʉrã bedꞌea ne ẽbaya. Idꞌidꞌeuba mʉãrã Jesúsdꞌebema jaradꞌe wãña judíorã ẽãta bꞌea.

Lucas 9:5

Baridu maẽ marãta bia edadꞌa ẽbʉrʉ maʉ̃ pʉwʉrʉdꞌebara ãĩ wãbʉdata egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita.

Hechos 14:21

Bedꞌea biata Derbe pʉwʉrʉdꞌe jarabʉdaba Jesúsdꞌebema bioba ĩjãbʉdadꞌe jẽrũya wãsidꞌa Listra pʉwʉrʉedꞌa, Iconio pʉwʉrʉedꞌa, Antioquía pʉwʉrʉedꞌa.

Hechos 14:19

Maʉ̃ne judíorãta ʉ̃kʉrʉ zesidꞌa Antioquíadꞌeba Iconioneba, maʉ̃rãbara kꞌabanata krĩcha ãrĩsidꞌa. Aramaʉ̃ne mongꞌaraba tabꞌari jidasidꞌa Pablora, mobe pʉwʉrʉdꞌebara ãĩ ertasidꞌa beusita krĩchadꞌape.

Hechos 14:1

Iconio pʉwʉrʉdꞌera Pablora Bernabéra ãba edꞌa wãsidꞌa de zhi jʉrebadata judíorãne maẽ. Mobe bedꞌeabʉdadꞌera Jesúsdꞌebema kꞌabanaba ĩjãsidꞌa judíorãba, griegorãba.

Marcos 6:11

Baridu maẽ marãta bia edadꞌa ẽbʉrʉ, miã marã bedꞌeata ũrĩna ẽbʉrʉ, mamaʉ̃bara ãĩ wãbʉdata egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita. Mʉã wãrĩnu marãã jaraya, Daizezeba kꞌawua obʉrʉ ewadera Sodoma pʉwʉrʉdꞌe, Gomorra pʉwʉrʉdꞌe bꞌeadꞌara yarebai zuburia bꞌeabiya maʉ̃ pʉwʉrʉdꞌe bꞌe kꞌãñabara.

Hechos 16:2

Timoteora bia jara panasia mebẽrã bꞌebara Listradꞌe, Iconione.

Lucas 10:11

Egoro jarra marã pʉwʉrʉdꞌebema dai jẽrũma kꞌaradꞌara daibara niãwedꞌaya marã Daizezeba pua kꞌawua oidꞌebemata. Mawũãmina kꞌawuaudua, Daizezeta Nokꞌodꞌebema marã kꞌaita basia.