Hechos 13:27 - Porciones del Nuevo Testamento

²⁷ Jerusalénne bꞌebara nokꞌorã ãzhidꞌe bawarauba kꞌawuadꞌa ẽbasia Jesúsdꞌebema sãwũãta, Daizezeba bedꞌeata jarabibarirãba Jesúsdꞌebema jaradꞌapeadꞌata ewari ẽnaʉ̃badaza le bꞌesidꞌa sãwũãta kꞌawuadꞌa ẽbasia. Aramaʉ̃ne maʉ̃rãba jaradꞌapeadꞌata arimaẽ berabꞌaribisidꞌa beabibʉdaba.

Hechos 13:27 Referans Kwoze

Hechos 3:17

Mawũãmina mʉãrã kꞌawua bꞌʉa marã mʉ ʉreta bꞌebara Jesús zhãrã Ẽdrʉbita kꞌawuadꞌa ẽãba beabisidꞌa mazhi nokꞌorã bawarauba.

Romanos 11:25

Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.

Hechos 15:21

Maʉ̃nebema ũrãgꞌa Moisédꞌera pʉwʉrʉza jara panʉã de zhi jʉrebadata nʉme maẽ, mama le panʉã ewari ẽnaʉ̃badaza.

Lucas 24:20

Maʉ̃ta sacerdoterã nokꞌorãba, dai nokꞌorãba beadꞌamarẽã chãbꞌarisidꞌa, mawũẽ beasidꞌa cruzdꞌe kꞌachi.

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.

Juan 15:21

Marã mʉ kꞌarea mawũã zuburia odꞌaya, ũdukꞌawadꞌa ẽãba mʉ zokꞌadꞌata.

Juan 16:3

Maʉ̃ta odꞌaya ũdukꞌawadꞌa ẽãba mʉ Zezeta miã mʉta.

Juan 8:28

Mawũẽ Jesúsbara mawũãsia: Mʉ Beubari Bape bꞌʉta marãba cruzdꞌe jirabꞌʉdꞌai marãbara kꞌawuadꞌaya Mʉrã Mʉta, aramaʉ̃ne kꞌawuadꞌaya mʉã miã kꞌãrẽta o ẽãta mʉzhikusaubara, awuarabʉrʉ mʉrã mʉ Zezeba jaradiadꞌadꞌe bedꞌea bꞌʉa.

Lucas 22:34

Mawũãĩ Jesúsbara mawũãsia: Pedro, mʉã bʉaa jaraya, gallo idꞌira beru ẽbaya bʉa mʉ ũdukꞌata jarama ũbea jara ẽwedꞌara.

Mateo 22:29

Mawũãnaĩ Jesúsbara panaʉ̃ mawũãsia: Marã wãẽã bꞌeba maʉ̃ẽnabemata zhi bꞌʉmarã sãwũãta kꞌawuadꞌa ẽã, miã Daizeze zareara sãwũãta kꞌawuadꞌa ẽã.

Lucas 23:13

Mobebʉrʉ Pilatobara ãba trʉ̃kuasia sacerdoterã nokꞌorãta, zhãrã nokꞌorãta, zhãrã bawara.

Juan 5:39

Daizeze bedꞌeata zhi bꞌʉmarã marãbara kĩrãkuita estudia bꞌea, mazhima maʉ̃neba erubꞌeba Daizeze ũme bꞌai jõ ẽãta, mawũã zhi bꞌʉmabara jara bꞌʉa mʉnebemata.