Hechos 13:15 - Porciones del Nuevo Testamento

¹⁵ Moisé ũrãgꞌata ledꞌape, Daizezeba bedꞌeata jarabibarirã bedꞌeata ledꞌape, de zhi jʉrebada maẽ nokꞌorãbara zhãrãta zokꞌasidꞌa mawũãnamarẽã: Mebẽrã, marãba zhãrã ũrãgꞌai bedꞌeata erupanʉbʉrʉ bedꞌeaudua.

Hechos 13:15 Referans Kwoze

Hechos 15:21

Maʉ̃nebema ũrãgꞌa Moisédꞌera pʉwʉrʉza jara panʉã de zhi jʉrebadata nʉme maẽ, mama le panʉã ewari ẽnaʉ̃badaza.

Marcos 5:22

Maʉ̃ne zesia de zhi jʉrebada maẽ nokꞌota Jairo abadata, Jesústa ũdui izhi jẽrũ kꞌaita sãkꞌokꞌodꞌe kꞌobꞌepe,

Romanos 12:8

Zhãrã soidꞌu nʉmabi bꞌʉra zhãrã soidꞌu nʉmabi bꞌadua. Zhãrã ne diabi bꞌʉbara sobia diadua. Mebẽrã nokꞌota nʉmʉkꞌãrĩrã kĩrãkuita nʉmadua. Zhãrã sozuburia kꞌarebabi bꞌʉbara kꞌarebarua sobia.

Hechos 22:1

Mʉ ʉrerã, marã mʉ zeze kĩrãkꞌa bꞌea, mʉ marã kĩrãbita mʉzhikusa zhi kꞌareba bedꞌeaita ũrĩũdua.

Hechos 18:17

Aramaʉ̃ta griegorã jõmaʉ̃ba Sóstene de zhi jʉrebada maẽ nokꞌota jirtopota jirachisidꞌa nokꞌorã kĩrãbita. Mawũãmina Galiónbara araa akʉ ẽbasia.

Hechos 13:27

Jerusalénne bꞌebara nokꞌorã ãzhidꞌe bawarauba kꞌawuadꞌa ẽbasia Jesúsdꞌebema sãwũãta, Daizezeba bedꞌeata jarabibarirãba Jesúsdꞌebema jaradꞌapeadꞌata ewari ẽnaʉ̃badaza le bꞌesidꞌa sãwũãta kꞌawuadꞌa ẽbasia. Aramaʉ̃ne maʉ̃rãba jaradꞌapeadꞌata arimaẽ berabꞌaribisidꞌa beabibʉdaba.

Hechos 20:2

Maʉ̃ druadꞌera pʉrrʉasia, aramaʉ̃ne mebẽrã soidꞌu bꞌeamarẽã ũrãgꞌape zesia Grecia druaedꞌa.

Hechos 18:8

De zhi jʉrebada maẽ Crispo nokꞌoba Nokꞌo Jesúsdꞌebema ĩjãsia izhi dedꞌa bꞌe jõmaʉ̃ bawarauba. Corinto bidꞌarãba ũrĩbʉdadꞌera bioba ĩjã buru kꞌoe nʉmeãsia.

Hechos 15:7

Dããrã bedꞌeabʉdadꞌe Pedrota piradrʉpe mawũãsia: Mebẽrã, sãwũã dããrã bata marãbara kꞌawua bꞌea, mʉrã Daizezebara jʉrʉsia judíorã ẽãba mʉ idꞌeba Jesúsdꞌebema bedꞌea biata ũrĩnape ĩjãnamarẽã.

Hechos 7:2

Mawũãĩ Estebanbara mawũãsia: Mʉ ʉrerã, marã mʉ zeze kĩrãkꞌa bꞌeba mʉ bedꞌeata ũrĩũdua: Daizeze zhi zromata dazhirã zeze Abrahanʉã zhi ũdubisia wadꞌi Mesopotamia druadꞌe bꞌʉdꞌe Harán pʉwʉrʉdꞌe bꞌei nawedꞌa.

Hechos 2:37

Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?

Hechos 2:29

Mebẽrã, mʉã marãã jipa jaraya, zõrã dazhirãta rey David beubʉrʉdꞌera wuagꞌasidꞌa, izhi wuagꞌadꞌapeadꞌara peña zobꞌeara dazhirãne edꞌa nʉmʉã idꞌi basiidꞌu.

Hechos 2:4

Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.

Hechos 1:16

Mebẽrã, zhi bꞌʉmata arimaẽ berabꞌariita bara basia Jawurebiaba rey David idꞌeba jaradꞌata Judadꞌebemata, mawũẽ arimaẽ jʉre edesia Jesús jidadꞌapeadꞌara.

Lucas 16:16

Ũrãgꞌara Moisédꞌeta tabꞌʉta, Daizezeba bedꞌeata jarabibarirãneta tabꞌʉta, tabꞌʉa Juanba jaradꞌa bitabai. Mamaʉ̃ba jara panʉã Daizezeta Nokꞌodꞌebemata, mawũẽ bio maʉ̃ne edꞌa wã krĩña bꞌea.

Hechos 4:36

Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia.