Hechos 12:3 - Porciones del Nuevo Testamento

³ Maʉ̃ta judíorãma bigata kꞌawuape jidabisia Pedrosidꞌa. Maʉ̃ ewadera fiesta pan ne oreguea ne ẽã kꞌobada ewari basia.

Hechos 12:3 Referans Kwoze

Hechos 24:27

Aramaʉ̃ne año ũme babʉrʉdꞌera Félix nokꞌota bꞌadꞌara kenabꞌaribʉrʉba chãbꞌarisia Porcio Festoa. Félix judíorã bawara bia bꞌa krĩñaba cárceldꞌe ãmaẽsia Pablora.

Juan 12:43

Aramaʉ̃ne zhãrãba bia jaraita krĩña bꞌeasia Daizezea bia jarabidꞌai kꞌãñabara.

Hechos 25:9

Mawũãmina Festo judíorã bawara bia bꞌa krĩñaba Pabloa widꞌi mawũãsia: ¿Bʉra Jerusalén pʉwʉrʉedꞌa wãrĩzeika naʉ̃ẽnabemata mama kꞌawua odꞌamarẽã mʉ kĩrãbita?

Hechos 20:6

Pan ne oreguea ne ẽã kꞌobada ewarita berabꞌaribʉrʉdꞌera daira Filipo pʉwʉrʉdꞌeba barcodꞌe jizoape ewari juesomane ãzhi bawara zhi ũdukuasia Troa pʉwʉrʉdꞌe, daira mama duanesia ewari siete.

Juan 21:18

Mʉã wãrĩnu bʉaa jaraya: Bʉ kũrãta bꞌasidꞌera zhope wã bꞌasia bʉzha krĩñama, mawũãmina ya zõrãta bꞌebʉrʉdꞌera bʉra juwua jirabꞌariya, aramaʉ̃ne bʉra awʉrʉba zhobiya, mobe edeya bʉa krĩña ẽãma.

Juan 19:11

Mawũãĩ Jesúsbara panaʉ̃ mawũãsia: Bʉa mʉrã kꞌãrẽ sãwũã ẽbakꞌausia ʉ̃treba kꞌãwũã idaribi ẽbasibʉrʉ. Mawũẽ mʉta bʉ juwuadꞌe chãbꞌaridꞌatrʉ bʉ audre kꞌazhirua barasia.

Mateo 26:17

Fiesta obʉdata ewari nabemane pan ne oreguea ne ẽã kꞌobadadꞌe izha jʉrʉkuadꞌata Jesúsma zedꞌape mawũãsidꞌa: ¿Bʉara sãma odꞌaita krĩñape Egiptodꞌeba ẽzoadꞌata krĩcha nekꞌobadara?

Hechos 4:13

Pedro Juan ũme mawũã wãnigua kꞌopanʉrã kꞌawuasidꞌa bio estudiape panʉ ẽãta, mawũẽ bia akʉdruasidꞌa. Aramaʉ̃ne ũdukꞌawasidꞌa Jesús bawara pananata.

Hechos 2:14

Maʉ̃nerã Pedrora dewaraurã once bawara ʉ̃ta nʉmepe nemi jĩgua mawũãsia: Judíorãta bꞌeba, dewara jõma Jerusalénne bꞌeba naʉ̃ta kꞌawuadꞌaita ũrĩũdua mʉ bedꞌeata.

Hechos 12:4

Mawũã jidabipe bꞌʉsia cárceldꞌe. Mobe soldaorã dieciseia chãbꞌarisia zhiya kĩmarẽba trokꞌa akʉdꞌamarẽã. Izhara kꞌawua oita ãĩ edape zhãrãã ũdubigaita krĩchasia fiesta tẽã.