Hechos 12:24 - Porciones del Nuevo Testamento

²⁴ Maʉ̃nerã Daizeze bedꞌeara wuaabʉrʉ jara wãbʉdaba zhi ĩjã bꞌera eaba wãsia.

Hechos 12:24 Referans Kwoze

Hechos 6:7

Daizeze bedꞌeara wuaabʉrʉ jara wãsidꞌa, mawũẽ Jesúsdꞌebema ĩjã bꞌera kꞌãbãẽã eaba wãsia Jerusalénnerã. Sacerdoterãbidꞌa bioba ĩjã tupudꞌeasia.

Hechos 19:20

Aramaʉ̃ne Jesúsdꞌebema ĩjã bꞌera eaba wãba zhi zromata trʉ̃poa wãsia bedꞌeata Nokꞌo Jesúsdꞌera.

Mateo 16:18

Mʉãbidꞌa bʉaa jaraya Peñata bʉra Pedroa, bʉta mawũã peña ʉ̃rʉ̃ pãrã nʉmʉña mʉnebema ĩjã bꞌeta, aramaʉ̃ne ãtõmiãbara edre bꞌaebi ẽã.

Hechos 11:21

Maʉ̃nerã Nokꞌo Daizeze zareara nʉmasia ãzhi bawara, mawũẽ ne awʉrʉdꞌebemata ĩjã bꞌera ãmanape bioba ĩjãsidꞌa Jesúsdꞌebemata.

Hechos 5:39

Mawũãmina Daizezedꞌebʉrʉ marãbara kiawe bꞌedꞌa ẽã. Kꞌaubaudua zhõ nʉmeãĩta Daizeze ũme.