Hechos 12:17 - Porciones del Nuevo Testamento

¹⁷ Maʉ̃ne izhara chupeadꞌamarẽã juwuaba jarape nebʉrʉsia Daizezeba sãwũã ẽdrʉbita cárceldꞌeba. Mobe mawũãsia: ¡Maʉ̃ta kꞌawuabiudua Jacoboa dewara mebẽrãã! Mawũãpe wãbʉrʉta wãsia ẽjũã awʉrʉedꞌa.

Hechos 12:17 Referans Kwoze

Hechos 21:40

Mawũãĩ jaribara idaribibʉrʉba Pablo dume maẽ ʉ̃ta nʉmepe chupeadꞌamarẽã juwuaba jarasia zhãrã kꞌobꞌea. Aramaʉ̃ne chupeadꞌai hebreo bedꞌeadꞌe bedꞌea mawũãsia:

Hechos 19:33

Kꞌabanane edꞌauba Alejandrota jiraedabʉdata bedꞌeamarẽã edabꞌarisidꞌa judíorãba. Mawũẽ Alejandrobara chupeadꞌamarẽã juwuaba jarape ãzhi kꞌareba bedꞌeai basia zhãrã kꞌobꞌe kĩrãbita.

Hechos 13:16

Mawũãnaĩ Pablobara piradrʉpe chupeadꞌamarẽã juwuaba jarape mawũãsia: Marã israelitarãba ũrĩũdua, judío ẽãta Daizeze wawia bꞌeba ũrĩũdua:

Hechos 21:18

Nrũẽma Pablo dai bawara wãsia Jacobo akʉdꞌe. Mama jõma zhi jʉre duanasia nokꞌorã mebẽrãneta.

Hechos 15:13

Ãzhi chupeadꞌai Jacoboba mawũãsia: Mebẽrã, mʉ bedꞌeata ũrĩũdua.

Juan 11:54

Maʉ̃ kꞌarea judíorãne edꞌara Jesús ya dajada nimiba ẽbasia, awuarabʉrʉ mamaʉ̃bara wãsia drua drudrua tabꞌʉ kꞌaita, pʉwʉrʉta Efraín abadaidꞌu wãsia, mobe mama bꞌesia izha jʉrʉkuadꞌa bawara.

Juan 8:59

Mawũãĩ mongꞌarata jirakua edasidꞌa tabꞌari beadꞌaita, mawũãmina Jesús merũpe ãĩ wãsia Daizeze dedꞌa ewara maẽbara. Aramaʉ̃ne ãzhi ẽsadra berabꞌari wãsia.

Mateo 10:23

Pʉwʉrʉ abꞌaʉdꞌe marã pẽwã jirpanebʉdadꞌera merũ wãũdua awʉrʉ pʉwʉrʉedꞌa. Mʉã wãrĩnu marãã jaraya, Daizezedꞌebema jara bꞌeta marãbara ma pʉrrʉadꞌa ẽã Israeldꞌe pʉwʉrʉ tabꞌe jõmarã mʉta zei nawedꞌara mʉ Beubari Bape bꞌadꞌata.

Hechos 16:40

Mawũẽ cárceldꞌebara wãbʉdata deidꞌu wãsidꞌa Lidia dedꞌa. Aramaʉ̃ne mebẽrã bawara zhi ũdukuape soidꞌu bꞌeamarẽã ũrãgꞌadꞌape wãsidꞌa.

Juan 13:24

Mawũẽ Pedrobara maʉ̃ã juwuaba jarasia widꞌimarẽã kꞌaita jara kꞌobꞌʉta.

Juan 10:40

Mobe wakusa wãsia Jordán do kĩrãrẽ, naara Juanba zhãrã buru kꞌoe bꞌadꞌaidꞌu, mobe bꞌesia mama.

Juan 7:1

Maʉ̃ tẽã Jesús pʉrrʉasia Galilea druadꞌe, Judea druadꞌera pʉrrʉa krĩña ẽbasia judíorãba beaita jirpanʉba.

Lucas 1:22

Ãĩ zebʉrʉdꞌera ãzhaa bedꞌea bꞌe ẽbasia, mawũẽ kꞌawuasidꞌa Daizezeba edꞌa ne ũdubibʉrʉta. Juwuaba ne jarakꞌasia, aramaʉ̃ne bedꞌea bꞌe ẽã bꞌesia.

Marcos 6:3

¿Naʉ̃ ẽka de obarita María waura? ¿Zhi mebẽrã Jacobota, Joséta, Judata, Simónta duanu ẽka? ¿Zhi nawekꞌaurãsidꞌa nama dazhirãne edꞌa duanu ẽka? Aramaʉ̃ne Jesúsdꞌebema ĩjãna ẽbasia.

Hechos 1:15

Maʉ̃ ewade Pedrora mebẽrã ẽsadra piradrʉsia bedꞌeai kꞌarea, maʉ̃nerã ciento veinte kĩrãkꞌa zhi jʉre nʉmʉne mawũãsia:

Hechos 12:16

Maʉ̃ne Pedrobara ari trʉ̃ nʉmasia. Aramaʉ̃ne ewabʉdadꞌe ũdudꞌai bia akʉdruasidꞌa.

Hechos 12:18

Ʉ̃nadrʉbʉrʉdꞌera soldaorã ãzhirãĩnurã kꞌawua ẽãsidꞌa kꞌawuadꞌa ẽãba sãwũãnata Pedrora.

Hechos 28:15

Maĩnuba mebẽrãbara dai uruta ũrĩnape kĩrãzhu zesidꞌa Foro de Apio pʉwʉrʉidꞌu, Tres Tabernas pʉwʉrʉidꞌu. Pabloba ũdukuai Daizezea zhibia ji sobiasia.