Hechos 11:28 - Porciones del Nuevo Testamento

²⁸ Mobe ãzhidꞌebema abꞌa Agabo abadata piradrʉpe Jawurebiadꞌeba jarasia jarraba zromata zeita drua jõmaʉ̃ne bꞌe maẽ. Mawũã zesia Claudio reyta bꞌadꞌa ewade.

Hechos 11:28 Referans Kwoze

Hechos 21:10

Daira mama ewari ʉ̃kʉrʉ duanune Judea druadꞌeba edꞌaa zesia Daizezeba bedꞌeata jarabibarita Agabo abadata.

Hechos 18:2

Maĩnu ũdusia judío Aquila abadata Ponto druadꞌebemata, zhi kĩma Priscila ũme Italia druadꞌeba eewa zepe panasia. Mawũã zesidꞌa rey Claudioba jarasi baera judíorã jõma ãĩ wãmarẽã Romanebara. Pablora wãsia maʉ̃rãma.

Lucas 3:1

Tiberio César Romanebema reyta bꞌʉta quince año babʉrʉdꞌera nokꞌorã izhi edre bꞌeta Poncio Pilato nokꞌota bꞌasia Judea druadꞌe, Herode reyta bꞌasia Galilea druadꞌe, zhi mebea Felipe nokꞌota bꞌasia Iturea druadꞌe, dewara Traconite druadꞌe. Lisania nokꞌota bꞌasia Abilinia druadꞌe.

Lucas 2:1

Jari ewadera rey Augusto Césarbara jarasia zhãrã jõma juachadꞌamarẽã.

Mateo 24:14

Kꞌãwũã bedꞌea biata Daizezeta Nokꞌodꞌebemata jaradꞌaya ẽjũã jõmaʉ̃ maẽ, aramaʉ̃ne zhãrã jõmaʉ̃ba kꞌawuadꞌaya, mobebʉrʉ zeya ewari nʉmʉta jõĩrã.

Mateo 24:7

Drua tabꞌeta drua awʉrʉta tabꞌe bawara zhõnaña, nokꞌorãta nokꞌorã awʉrʉ bawara zhõnaña. Nʉmeña puata, jarrabata, ẽjũã ureta baridu maẽ.