Hechos 11:26 - Porciones del Nuevo Testamento

²⁶ Mama año abꞌa zhi jʉre bꞌeasia mebẽrã bawara, aramaʉ̃ne zhãrã bio ũrãgꞌasidꞌa. Maʉ̃nerã Jesúsdꞌebema ĩjã bꞌera zhi trʉ̃gagꞌaita cristorãta trʉ̃gasidꞌa Antioquíadꞌera.

Hechos 11:26 Referans Kwoze

Hechos 26:28

Mawũãĩ Agripabara Pabloa mawũãsia: Bʉa mʉrã Cristodꞌebema babidea.

Hechos 14:27

Jũẽnape mebẽrã ãba jʉredꞌape jarasidꞌa Daizezeba ne bia zroma odꞌata ãzhi bawara, aramaʉ̃ne sãwũã ewa nʉminapʉta Jesúsdꞌebema ĩjãnamarẽã judíorã ẽãba.

Mateo 28:19

Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba.

Hechos 14:23

Pʉwʉrʉza mebẽrã bꞌe maẽ nokꞌorãta bꞌʉsidꞌa. Nekꞌo ẽã zhiwidꞌi tabꞌape Jesúsdꞌebema ĩjã bꞌera Daizezea chãbꞌarisidꞌa izhidꞌebemata ĩjãnapeadꞌaba.

Hechos 11:27

Maʉ̃ ewadera Daizezeba bedꞌeata jarabibarirãta ʉ̃kʉrʉ Jerusalénneba edꞌaa wãsidꞌa Antioquíaedꞌa.

Hechos 11:22

Maʉ̃ta ũrĩsidꞌa mebẽrã Jerusalénne bꞌeba. Mawũẽ Bernabéta zokꞌasidꞌa wãmarẽã Antioquíaidꞌu.

Hechos 11:20

Mawũãmina ãzhirãnebema ʉ̃kʉrʉ bꞌeasia Chipredꞌebemata, Cirene druadꞌebemata, maʉ̃rãta Antioquíaidꞌu jũẽkuabʉrʉdꞌera griegorããbidꞌa bedꞌea biata jarasidꞌa Nokꞌo Jesúsdꞌebemata.

Hechos 6:5

Mawũã jarabʉdara biga basia kꞌabanata jõmaʉ̃ma, mawũẽ Estebanta jʉrʉsidꞌa soidꞌu bꞌʉta Jawurebiaba bira bꞌʉta. Jʉrʉsidꞌa Felipeta, Prócorota, Nicanorta, Timónta, Parmenata. Jʉrʉsidꞌa Nicoláta griegota judío bape bꞌʉta Antioquía pʉwʉrʉdꞌebemata.

Juan 2:2

Mawũã iabꞌa juwua jidabʉrʉdꞌera trʉ̃sidꞌa Jesústa izha jʉrʉkuadꞌa bawara.

Hechos 1:15

Maʉ̃ ewade Pedrora mebẽrã ẽsadra piradrʉsia bedꞌeai kꞌarea, maʉ̃nerã ciento veinte kĩrãkꞌa zhi jʉre nʉmʉne mawũãsia:

Hechos 6:1

Maʉ̃ ewadera Jesúsdꞌebema ĩjã bꞌera eaba wãsia, maʉ̃ne griego bedꞌeadꞌe bedꞌea bꞌeba jara jirpanesia hebreo bedꞌeadꞌe bedꞌea bꞌeta, jarasidꞌa pẽdrarã griegorãnebema bia aribꞌaedꞌa ẽãta kꞌarebata ewariza nʉmʉnerã.

Hechos 9:19

Mobebʉrʉ nekꞌobʉrʉba kꞌakua zareasia. Aramaʉ̃ne Saulora ewari ʉ̃kʉrʉ bꞌesia Jesúsdꞌebema ĩjã bꞌeta Damascodꞌe bꞌe bawara.

Hechos 9:38

Lida pʉwʉrʉra Jope pʉwʉrʉ kꞌaitaba Jesúsdꞌebema ĩjã bꞌebara Pedro mama kꞌobꞌʉta ũrĩnaĩ, ũmakĩrãrã ũme zokꞌasidꞌa zuburia bedꞌea mawũãnamarẽã: Dããrã barãrũã daima zeita.

Hechos 11:29

Maʉ̃nerã Jesúsdꞌebema ĩjã bꞌebara ãzha dia bꞌeita abꞌa abꞌaʉba ne erubꞌera kꞌarebata diabuedꞌaita krĩchasidꞌa mebẽrã bꞌema Judeadꞌe.

Hechos 14:20

Mawũãmina Jesúsdꞌebema ĩjã bꞌeba bʉredrʉ bꞌedꞌe piradrʉpe edꞌa wãsia pʉwʉrʉdꞌe. Nrũẽma Bernabé ũme wãsia Derbe pʉwʉrʉedꞌa.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.

Hechos 14:28

Mama ewari bio panesia Jesúsdꞌebema ĩjã bꞌe bawara.

Hechos 18:27

Izhita Acaya druaedꞌa wã krĩñabʉrʉdꞌera mebẽrãbara bʉ wãĩrã biga abʉdata Jesúsdꞌebema ĩjã bꞌema bedꞌeata bꞌʉpe diabuesidꞌa bia edadꞌamarẽã. Maĩnu jũẽbʉrʉdꞌera kꞌãbãẽã kꞌarebasia Jesúsdꞌebema Daizezeba izhi biaba ĩjãbi bꞌʉta ĩjãnapeadꞌata.

Hechos 19:9

Mawũãmina ʉ̃kʉrʉbara ĩjãna ẽãba Jesús pẽwã bꞌera bĩ ẽã jara jirpanesia kꞌabana kĩrãbita. Mawũẽ Pablora ãzhi maẽbara wãbʉrʉta Jesúsdꞌebema ĩjã bꞌera jʉre edepe ewariza bedꞌea bꞌasia escuelata Tiranno abadadꞌe maẽ.

Hechos 20:1

Zhãrã kĩrũ nʉmeãnata taubʉrʉdꞌera Pablobara Jesúsdꞌebema ĩjã bꞌeta trʉ̃pe ũrãgꞌakuasia, mobe burakua mʉrã wã ape wãsia Macedonia druaedꞌa.

Hechos 20:30

Marãnebemata sewa nebʉrʉ piradrʉdꞌaya ãzhita pẽwãbidꞌaita Jesúsdꞌebema ĩjã bꞌea.

Hechos 21:4

Jesúsdꞌebema ĩjã bꞌeta ũdudꞌape daira mama duanesia ewari siete. Maʉ̃rãbara Jawurebiadꞌeba Pabloa jarasidꞌa wãrĩze ẽbamarẽã Jerusalén pʉwʉrʉedꞌa.