Hechos 11:19 - Porciones del Nuevo Testamento

¹⁹ Esteban beasidꞌadꞌe Jesúsdꞌebema ĩjã bꞌera zuburia odꞌaita pẽwãsidꞌadꞌera zhi jãrãzoabʉrʉra wãsidꞌa Fenicia druaidꞌu, Chipre dodꞌuidꞌu, Antioquía pʉwʉrʉidꞌu. Maʉ̃nerã awʉrʉa jaradꞌa ẽbasia Jesúsdꞌebema bedꞌeara, awuarabʉrʉ jarasidꞌa judíorãta bꞌea.

Hechos 11:19 Referans Kwoze

Hechos 21:2

Barcota Fenicia druaedꞌa wãta ũdudꞌape jizoasidꞌa.

Hechos 15:35

Pablora Bernabéra ari Antioquíadꞌe panʉba Nokꞌo Daizeze bedꞌeata, Jesúsdꞌebema bedꞌea biata jara panasia awʉrʉrã bio bawarauba.

Hechos 15:22

Mobebʉrʉ Jesúsba zokꞌakuadꞌama, nokꞌorã mebẽrãnema, mebẽrã jõmaʉ̃ma bia zesia ʉ̃kʉrʉ jʉrʉdꞌape zokꞌadꞌaita Antioquíaedꞌa Pablo bawara Bernabé bawara: Aramaʉ̃ne jʉrʉsidꞌa Juda abꞌaʉta Barsabáta, Silata, maʉ̃rãta zhi zromata panasia mebẽrãne edꞌa.

Hechos 15:3

Ãzhita mebẽrãba mawũã wãbibʉdadꞌera Fenicia druadꞌe Samaria druadꞌe jara berabꞌarisidꞌa judíorã ẽãba Jesúsdꞌebema ĩjãnapeadꞌata, maʉ̃neba kꞌãbãẽã sobiasidꞌa mebẽrã jõma.

Hechos 4:36

Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia.

Hechos 21:16

Dai bawara Jesúsdꞌebema ĩjã bꞌeta ʉ̃kʉrʉ zesidꞌa Cesareadꞌebemata. Ãzhi bawara iabꞌa wesidꞌa Mnasón abadata Chipredꞌebemata, Jesúsdꞌebema ĩjãnata dããrã bꞌasia, daira izhi maẽ duanesia.

Hechos 18:22

Cesarea pʉwʉrʉedꞌa jũẽbʉrʉdꞌera, Jerusalénʉẽna wãrĩzesia mebẽrã saludꞌaita. Mobebʉrʉ edꞌaa wãsia Antioquía pʉwʉrʉedꞌa.

Hechos 15:39

Aramaʉ̃ne ãzhirãĩnu krĩcha abꞌarika zedꞌa ẽãba zhiya zhi tʉsidꞌa. Bernabébara Marco edebʉrʉta barcodꞌe wãsia dodꞌu Chipreidꞌu.

Hechos 13:46

Mawũẽ Pablobara, Bernabébara wãnigua mawũãsidꞌa: Wãrãnebai marãã naara jaradꞌaita bara basia Daizeze bedꞌeara. Mawũãmina seribidꞌa ẽãba marãĩtabemata krĩchadꞌa ẽã Daizeze ũme bꞌai jõ ẽãrã, mawũẽ daira wãnaña judío ẽãta bꞌema.

Hechos 13:4

Ãzhira aramaʉ̃ne Jawurebiaba zokꞌakuabʉrʉba edꞌaa wãsidꞌa Seleucia pʉwʉrʉedꞌa. Mamaʉ̃ba barcodꞌe kĩrãrã wãsidꞌa dodꞌu Chipreidꞌu.

Hechos 13:1

Mebẽrã Antioquía pʉwʉrʉdꞌe bꞌe maẽ bꞌeasia Daizezeba bedꞌeata jarabibarirãta, miã ũrãgꞌabadata: Ãzhira bꞌeasia Bernabéta, Simónta, Simón abꞌaʉta Níger basia, Lucio Cirene pʉwʉrʉdꞌebemata, Manaén rey Herode ũme waridꞌata, Saulota bꞌeasia.

Hechos 3:26

Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.

Juan 7:35

Mawũãĩ judíorãbara ãzhirãĩnu mawũãsidꞌa: ¿Naʉ̃ sãmaã wãĩba dazhirãba mawũã ũdudꞌa ẽbaira? ¿Judíorã druaza griegorãne edꞌa bꞌema wãĩbʉka, aramaʉ̃ne griegorã ũrãgꞌaita?

Mateo 10:6

Awuarabʉrʉ wãũdua oveja adua bꞌe kĩrãkꞌa bꞌema Israel bꞌema.

Hechos 6:5

Mawũã jarabʉdara biga basia kꞌabanata jõmaʉ̃ma, mawũẽ Estebanta jʉrʉsidꞌa soidꞌu bꞌʉta Jawurebiaba bira bꞌʉta. Jʉrʉsidꞌa Felipeta, Prócorota, Nicanorta, Timónta, Parmenata. Jʉrʉsidꞌa Nicoláta griegota judío bape bꞌʉta Antioquía pʉwʉrʉdꞌebemata.

Hechos 11:20

Mawũãmina ãzhirãnebema ʉ̃kʉrʉ bꞌeasia Chipredꞌebemata, Cirene druadꞌebemata, maʉ̃rãta Antioquíaidꞌu jũẽkuabʉrʉdꞌera griegorããbidꞌa bedꞌea biata jarasidꞌa Nokꞌo Jesúsdꞌebemata.

Hechos 11:22

Maʉ̃ta ũrĩsidꞌa mebẽrã Jerusalénne bꞌeba. Mawũẽ Bernabéta zokꞌasidꞌa wãmarẽã Antioquíaidꞌu.

Hechos 14:26

Mamaʉ̃ba barcodꞌe wãsidꞌa Antioquía pʉwʉrʉedꞌa, mama chãbꞌaridꞌapeadꞌa basia ãzhira Daizezeba izhi biaba kꞌarebamarẽã, maʉ̃nebemata mawũã aribꞌaesidꞌa.

Hechos 15:30

Aramaʉ̃ne zokꞌakuadꞌapeadꞌara edꞌaa wãsidꞌa Antioquíaedꞌa. Mobe mebẽrãta ãba jʉredꞌape diasidꞌa kꞌartara.