Hechos 10:3 - Porciones del Nuevo Testamento

³ Maʉ̃bara kꞌãĩmokꞌaradꞌe kĩrãkꞌa a las tres dajada ne ũdubʉrʉta ángel Daizezedꞌeta izhi bꞌʉ maẽ edꞌa zepe mawũãsia: Cornelio.

Hechos 10:3 Referans Kwoze

Hechos 3:1

Ewari abꞌa Pedro Juan ũme Daizeze deidꞌu wãrĩze wãsidꞌa a las tres zhiwidꞌibada ʉ̃madaudꞌe.

Hechos 5:19

Mawũãmina ángel Daizezedꞌeba diamase cárcel puerta ewa ẽdrʉbigape mawũãsia:

Hechos 27:23

Idꞌi diamase mʉ ũme bꞌasia ángel Daizezedꞌeta, mʉrã Daizezedꞌea, mʉãrã izha jara bꞌʉta aribꞌae bꞌʉa.

Hechos 11:13

Maʉ̃bara daia nebʉrʉsia ángel izhi dedꞌa sãwũã ũdudꞌata, edau nʉmepe mawũãsibidꞌa: Ũmakĩrãrãta zokꞌakuadua Jope pʉwʉrʉedꞌa, aramaʉ̃ne zebirua Simónta, maʉ̃ abꞌaʉta Pedroa.

Hechos 10:30

Mawũãĩ Corneliobara mawũãsia: Ewari kĩmarẽ babʉrʉa mʉ naʉ̃ ʉ̃madaudꞌe nekꞌo ẽã zhiwidꞌi bꞌadꞌata, a las tres mʉzhi dedꞌa zhiwidꞌi nʉmʉne mʉã ũdusia ũmakĩrãta mʉ kĩrãbita nʉmebʉrʉta wua ʉ̃nata jʉ̃ bꞌʉta.

Hechos 10:19

Pedrobara kꞌãĩmokꞌaradꞌe kĩrãkꞌa ũdudꞌata krĩcha nʉmʉne Jawurebiaba mawũãsia: Bʉra ũmakĩrãrã ũbeaba jʉrʉ panʉã.

Hechos 10:17

Pedrora izhikusa krĩcha kꞌobꞌasia mawũã kꞌãĩmokꞌaradꞌe kĩrãkꞌa ũdubʉrʉra sãwũãta. Maʉ̃ne Cornelioba zokꞌakuadꞌabara Simón de sãmata widꞌidꞌape zesidꞌa puerta maẽ.

Hechos 9:10

Maʉ̃ne Damascodꞌe bꞌasia Jesúsdꞌebema ĩjã bꞌʉta Ananía abadata. Nokꞌobara kꞌãĩmokꞌaradꞌe kĩrãkꞌa maʉ̃ã mawũãsia: Ananía. Mawũãĩ izhara panaʉ̃ mawũãsia: Mʉrã za bꞌʉa Nokꞌó.

Hechos 9:4

Mawũẽ egorodꞌe bꞌaebʉrʉdꞌe nemita ũrĩbʉrʉdꞌera izhaa mawũãsia: Saulo, Saulo, ¿bʉa mʉrã kꞌãrẽã pẽwã bꞌʉ?

Lucas 2:13

Maʉ̃ daucha ángel bawara ángelerã ʉ̃trebemata kꞌabana zhi ũdubisidꞌa, maʉ̃rãbara Daizeze ibia jara mawũãsidꞌa:

Lucas 1:11

Maʉ̃ne zhi ũdubisia ángel Daizezedꞌeta, juwua araare edau nʉmasia altar maẽ kera incienso ba bada maẽ.

Mateo 27:46

A las tres Jesús kꞌãbãẽã bꞌia mawũãsia: Elí, Elí, ¿lama sabactani? Maʉ̃ bedꞌeabara mawũãsia: Mʉ Zhibari, mʉ Zhibari, ¿mʉrã kꞌãrẽã kenabꞌaribʉrʉ?

Hechos 10:9

Nrũẽma maʉ̃rã odꞌe wãta pʉwʉrʉ kꞌaita babʉdadꞌera, Pedrora kʉdꞌa de ʉ̃rʉ̃bemaĩnu wãrĩzesia zhiwidꞌidꞌe ʉ̃matipa badea.