Hechos 1:8 - Porciones del Nuevo Testamento

⁸ Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Hechos 1:8 Referans Kwoze

Mateo 28:19

Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba.

Marcos 16:15

Mobe mawũãsia: Ẽjũã jõmaʉ̃ maẽ wãũdua, aramaʉ̃ne bedꞌea biata mʉnebemata jõmaʉ̃ã jaraudua.

Romanos 15:19

Mʉãrã ũdudꞌakꞌa zromata okuasia Jawurebia Daizezedꞌe zareadꞌeba. Aramaʉ̃ne Jerusalénneba Ilírico druaidꞌu jõmaʉ̃ã jarasia bedꞌea biata Cristodꞌera.

Hechos 5:32

Daibara maʉ̃ta izhidꞌebemata kꞌawua bꞌea, abꞌarika kꞌawua bꞌʉa Jawurebiaba, maʉ̃ Daizezeba diasia izhi bedꞌeata aribꞌae bꞌea.

Hechos 4:33

Aramaʉ̃ne Jesúsba zokꞌakuadꞌabara zarea bara jara bꞌeasia Nokꞌo Jesús beudꞌata piradrʉdꞌata. Daizezebara biodꞌe bia nʉmʉkꞌãrĩsia ãzhi jõma.

Hechos 6:8

Esteban Daizezebara bia nʉmʉkꞌãrĩta zarea bara nʉmʉkꞌãrĩba ũdudꞌakꞌata okua nʉmasia zhãrãne edꞌa.

Romanos 10:18

Mawũãmina mʉã widꞌiya: ¿Maʉ̃ bedꞌeara judíorãbara ũrĩna ẽbasika? Wãrãnebai ũrĩsidꞌa. Maʉ̃ẽnabemata zhi bꞌʉmata mawũã bꞌʉa: Izhidꞌebemata drua jõmaʉ̃ maẽ jarasidꞌa, drua wawaraidꞌu jarasidꞌa izhi bedꞌeara. (Salmos 19:4)

Juan 15:27

Marãbidꞌa mʉnebemata jaradꞌaya, mʉ bawara bꞌeadꞌaba jẽde wedꞌauba.

Lucas 10:19

Mʉã marãã zareata diasia dãmata, drusũrẽta nebʉdara eubꞌari ẽbamarẽã, ãtõmiã zarea jõmaʉ̃ ʉ̃rʉ̃ diasia, mawũẽ marã miã kꞌãrẽba sãwũã ẽã.

Hechos 1:5

Juanbara wãrãnebai zhãrã buru kꞌoesia baniãba, mawũãmina Daizezebara marãã diaya Jawurebiata ewari dããrã ẽãne.

Mateo 24:14

Kꞌãwũã bedꞌea biata Daizezeta Nokꞌodꞌebemata jaradꞌaya ẽjũã jõmaʉ̃ maẽ, aramaʉ̃ne zhãrã jõmaʉ̃ba kꞌawuadꞌaya, mobebʉrʉ zeya ewari nʉmʉta jõĩrã.

Hechos 2:32

Maʉ̃ Jesúra beudꞌata piradrʉbisia Daizezeba, maʉ̃ dai jõmaʉ̃ba ũdusidꞌa.

Hechos 22:15

Izhidꞌebemata bʉara zhãrã jõmaʉ̃ã jaraya bʉa ũdudꞌata bʉa ũrĩnata.

Hechos 13:31

Izhira ewari bio zhi ũdubigasia izhi bawara wãrĩzekuadꞌaa Galileadꞌeba Jerusalénʉẽna, idꞌira maʉ̃rãba izhidꞌebemata jara bꞌea zhãrã bꞌea.

Lucas 1:35

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Hechos 3:15

Aramaʉ̃ne beasidꞌa Daizeze ũme bꞌai jõ ẽãta dia bꞌʉta. Maʉ̃ Daizezebara beudꞌata piradrʉbisia, maʉ̃ daiba ũdusidꞌa.

Hechos 1:22

Juanba buru kꞌoesidꞌebemata bꞌeta dazhirã maẽba Jesús ʉ̃taa wãsiidꞌubemata bꞌea. Mawũẽ iabꞌa jʉrʉdꞌaya dazhirã bawarauba jaramarẽã Jesús beudꞌata piradrʉdꞌata.

Hechos 8:1

Sauloma biga basia Esteban beabʉdara. Abꞌaʉ ewade mebẽrã bĩ ẽã osidꞌa Jerusalénne bꞌeta. Mawũẽ Jesúsba zokꞌakuadꞌa wãna ẽãnerã ãzhira jõma jãrãzoa wãsidꞌa Judea druadꞌe, Samaria druadꞌe.

Lucas 24:29

Mawũẽ ãzhara bꞌemarẽã zarea jara mawũãsidꞌa: Dai bawara bꞌedua, ewarira keuba pãrĩgu bʉsia. Mawũãnaĩ edꞌa wãsia bꞌeita ãzhi bawara.