Hechos 1:3 - Porciones del Nuevo Testamento

³ Beudꞌa tẽã maʉ̃rããbʉrʉ zokꞌai zhi ũdubima bio basia kꞌawuadꞌamarẽã wãrĩnu zokꞌai bꞌʉta. Zhi ũdubigasia ewari cuarenta, maʉ̃nerã jarakꞌa bꞌasia Daizezeta Nokꞌodꞌebemata.

Hechos 1:3 Referans Kwoze

Hechos 13:31

Izhira ewari bio zhi ũdubigasia izhi bawara wãrĩzekuadꞌaa Galileadꞌeba Jerusalénʉẽna, idꞌira maʉ̃rãba izhidꞌebemata jara bꞌea zhãrã bꞌea.

Juan 20:26

Ewari ocho babʉrʉdꞌe Jesúsba jʉrʉkuadꞌara wakusa edꞌa zhi jʉre bꞌedꞌera Tomás ãzhi bawara bꞌasia. Maʉ̃ne puerta serra nʉmʉne Jesús zepe ẽsadra edau nʉmepe mawũãsia: ¡Kʉa, marã adu-a bꞌeaudua!

Juan 21:14

Maʉ̃ta zhi ũbea basia izha jʉrʉkuadꞌaa Jesús zhi ũdubi nʉmʉta beudꞌata piradrʉpe.

Juan 21:1

Maʉ̃ tẽã izha jʉrʉkuadꞌaa Jesús wakusa zhi ũdubisia do jedꞌea õbꞌʉta Tiberia abada doya. Maʉ̃nerã kꞌãwũã berabꞌarisia:

Mateo 28:9

Maʉ̃ne Jesús daucha zepe mawũãsia: ¡Kʉa! Mawũãĩ ãzhara orradꞌape izhi jẽrũta burasidꞌa, mobe ibia jarasidꞌa.

Hechos 28:31

Daizezeta Nokꞌodꞌebemata jara bꞌʉta Nokꞌo Jesucristodꞌebemata dajada jara bꞌasia, maʉ̃nerã miõba sãwũã ẽbasia.

Romanos 14:17

Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.

Mateo 21:43

Maʉ̃neba mʉã marãã jaraya, marã Daizezebara izhita Nokꞌodꞌebemane duanabi ẽã, awuarabʉrʉ maʉ̃ne bꞌeabiya izha jara bꞌʉta obꞌeta.

Mateo 4:2

Nekꞌo ẽã zhiwidꞌi bꞌʉta ewarita cuarenta diamaseta cuarenta babʉrʉdꞌe jarrasia.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Marcos 16:19

Nokꞌo Jesús ma bedꞌeabʉrʉdꞌera Daizezebara ʉ̃taa edesia, aramaʉ̃ne Nokꞌota bꞌaita jewedꞌasia Daizeze juwua araare.

Hechos 8:12

Mawũãmina bedꞌea biata Daizezeta Nokꞌodꞌebemata Jesucristodꞌebemata Felipeba jarabʉrʉra ĩjãnape buru kꞌoesidꞌa zhũmakĩrãrãta, wũẽrãrãta.

Hechos 19:8

De zhi jʉrebada maẽ Pablo edꞌa wãpe wãnigua bedꞌea bꞌʉta jedꞌekꞌo ũbea basia. Ĩjãbigayidꞌe jara bꞌasia Daizezeta Nokꞌodꞌebemata.

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.