Hechos 1:16 - Porciones del Nuevo Testamento

¹⁶ Mebẽrã, zhi bꞌʉmata arimaẽ berabꞌariita bara basia Jawurebiaba rey David idꞌeba jaradꞌata Judadꞌebemata, mawũẽ arimaẽ jʉre edesia Jesús jidadꞌapeadꞌara.

Hechos 1:16 Referans Kwoze

Juan 13:18

Mʉãrã marã jõma jara kꞌobꞌʉ ẽã, mʉãrã kꞌawua bꞌʉa kꞌairãta jʉrʉkuadꞌata. Mawũãmina arimaẽ berabꞌarii barata zhi bꞌʉmata mawũã bꞌʉa: Mʉ ũme nekꞌo bꞌʉra mʉ ʉ̃rʉ̃ baya.

Hechos 1:20

Maʉ̃ta zhi bꞌʉmata Salmo librodꞌe mawũã bꞌʉa: Izhi bꞌadꞌa maẽ miõ ne ẽbaya, aramaʉ̃ne miõta bꞌa ẽbaya. (Salmos 69:25) Dewara mawũã bꞌʉa: Awʉrʉba oya izha obꞌadꞌara. (Salmos 109:8)

Mateo 26:56

Mawũãmina naʉ̃ jõma kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata Daizezeba bedꞌeata jarabibarirãba jaradꞌapeadꞌata. Izha jʉrʉkuadꞌabara jõmaʉ̃ba Jesús ãmaẽbʉdata merũ wãẽbasidꞌa.

Mateo 26:54

¿Mawũãmina mawũãrã mʉnebemata bꞌʉ tabꞌera sãwũã arimaẽ berabꞌariipe, maʉ̃ne mawũã berabꞌarii bara ẽka?

Mateo 26:47

Jesús wadꞌi bedꞌea kꞌobꞌʉdꞌe izha doce jʉrʉkuadꞌadꞌebemata Judata zesia, izhi bawara zhãrã bio zesidꞌa kuchoedꞌa bakuruedꞌa, maʉ̃rã zokꞌasidꞌa sacerdoterã nokꞌorãba, nokꞌorã pʉwʉrʉdꞌebemaba.

Marcos 14:43

Jesús wadꞌi bedꞌea kꞌobꞌʉdꞌe zesia Judata, maʉ̃ docedꞌebema basia, izhi bawara zhãrã bio zesidꞌa kuchoedꞌa bakuruedꞌa. Maʉ̃rã zokꞌasidꞌa sacerdoterã nokꞌorãba, ũrãgꞌa Moisédꞌe jarabadaba, nokꞌorãba.

Hechos 23:6

Pablobara kꞌawuasia ʉ̃kʉrʉ saduceorãta, ʉ̃kʉrʉ fariseorãta, mawũẽ nemi jĩgua nokꞌorã wagꞌaurãã mawũãsia: Mʉ ʉrerã, mʉrã fariseoa, mawũẽ mʉrã fariseorãnebema. Beukuadꞌata piradrʉdꞌaita mʉã ĩjã bꞌʉdꞌeba mʉrã kꞌãwũã jirpanʉã.

Hechos 23:1

Pablobara nokꞌorã wagꞌaurã akʉ mawũãsia: Mʉ ʉrerã, Daizeze kĩrãbitara mʉ krĩchara bia bꞌʉa idꞌi basiidꞌu.

Hechos 22:1

Mʉ ʉrerã, marã mʉ zeze kĩrãkꞌa bꞌea, mʉ marã kĩrãbita mʉzhikusa zhi kꞌareba bedꞌeaita ũrĩũdua.

Hechos 15:7

Dããrã bedꞌeabʉdadꞌe Pedrota piradrʉpe mawũãsia: Mebẽrã, sãwũã dããrã bata marãbara kꞌawua bꞌea, mʉrã Daizezebara jʉrʉsia judíorã ẽãba mʉ idꞌeba Jesúsdꞌebema bedꞌea biata ũrĩnape ĩjãnamarẽã.

Hechos 13:38

Mawũẽ mebẽrã naʉ̃ta kꞌawuaudua: Marãã jara panʉã Daizezebara Jesúsdꞌeba bedꞌea ne ẽã bꞌʉita kꞌazhiruata biodꞌeba.

Hechos 13:15

Moisé ũrãgꞌata ledꞌape, Daizezeba bedꞌeata jarabibarirã bedꞌeata ledꞌape, de zhi jʉrebada maẽ nokꞌorãbara zhãrãta zokꞌasidꞌa mawũãnamarẽã: Mebẽrã, marãba zhãrã ũrãgꞌai bedꞌeata erupanʉbʉrʉ bedꞌeaudua.

Hechos 7:2

Mawũãĩ Estebanbara mawũãsia: Mʉ ʉrerã, marã mʉ zeze kĩrãkꞌa bꞌeba mʉ bedꞌeata ũrĩũdua: Daizeze zhi zromata dazhirã zeze Abrahanʉã zhi ũdubisia wadꞌi Mesopotamia druadꞌe bꞌʉdꞌe Harán pʉwʉrʉdꞌe bꞌei nawedꞌa.

Hechos 2:37

Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?

Hechos 2:23

Maʉ̃ Jesús izha nawedꞌa krĩchadꞌadꞌe chãbꞌarisia Daizezebara, mawũẽ marãbara jidadꞌape bia ẽãta bꞌea beabisidꞌa cruzdꞌe kꞌachi.

Juan 19:36

Mawũã berabꞌarisia maʉ̃ zhi bꞌʉmata mawũã bꞌʉta: Bꞌʉekuadꞌa ẽbaya izhi bꞌʉwʉrʉra.

Juan 10:35

Mawũã dai zezerãta jarasia izha bedꞌeata jarakꞌadꞌata, maʉ̃ta zhi bꞌʉmarã mawũã ẽã abꞌedꞌa ẽã.

Lucas 22:47

Jesús wadꞌi bedꞌea kꞌobꞌʉdꞌe zhãrã bio zesidꞌa. Maʉ̃ne Juda abadata docedꞌebemata na taiba Jesús orrasia kĩrãma nigaita.

Marcos 12:36

Davidbara Jawurebiadꞌeba mawũãsia: Daizezebara mʉ Nokꞌoa mawũãsia: Mʉ juwua araare jewedꞌarua, bʉ jura bꞌeta jõma mʉã bʉ jẽrũ edre bꞌʉyeedꞌa. (Salmos 110:1)

Hechos 28:25

Ãzhirãĩnu krĩcha abꞌarika zedꞌa ẽãba wãbʉsidꞌe Pablobara mawũãsia: Bia kꞌãʉ̃neba Jawurebiara bedꞌeabʉrʉta, Daizezeba bedꞌeata jarabibarita Isaíadꞌeba dazhirã zhibarirã bꞌeadꞌata jara mawũãsia:

Hechos 28:17

Jũẽnata ewari ũbeadꞌe Pablobara trʉ̃bisia nokꞌorã judíorãneta, aramaʉ̃ne ãba zebʉdadꞌera mawũãsia: Mʉ ʉrerã, mʉãrã dazhirãta bꞌera bĩ ẽã o ẽbasia, miã mʉãrã bĩ ẽã o ẽbasia dazhirã zhibarirã bꞌeadꞌaba okꞌawa bꞌeadꞌara, maʉ̃ta mʉrã jidadꞌape Jerusalénne chãbꞌarisidꞌa Roma bidꞌarã juwuadꞌe.

Hechos 15:13

Ãzhi chupeadꞌai Jacoboba mawũãsia: Mebẽrã, mʉ bedꞌeata ũrĩũdua.

Mateo 26:14

Jesúsba doce jʉrʉkuadꞌata abꞌa Juda Iscariote abadata sacerdoterã nokꞌorãma wãpe,

Juan 17:12

Naʉ̃ ẽjũãne ãzhi bawara bꞌasidꞌera mʉãrã bʉ zareadꞌeba akʉ jʉresia. Bʉa mʉãã diadꞌata bꞌera mʉãrã akʉ jʉresia, aramaʉ̃ne ãzhidꞌebema miõta adua ẽbasia, awuarabʉrʉ zhi aduaitrʉ aduaya. Aramaʉ̃ne maʉ̃ta zhi bꞌʉmata arimaẽ berabꞌariya.