Зекерья 9:6 - Мукъаддес Китап

⁶ Ашдод шеэринде ят къабиле яшайджакъ. Мен фелестинлилернинъ къопайлыгъыны къырып ташлайджагъым.

Зекерья 9:6 Referans Kwoze

Амос 1:8

Ашдод шеэринде яшагъанларны ве Ашкелон падишасыны къырып ташлайджагъым. Экрон шеэрини юмругъымнен ураджагъым, ве эр бир къалгъан фелестинли гъайып оладжакъ, – дей РАББИ-ТААЛЯ.

1 Пётр 5:5

Яшлар, акъсакъалларны динъленъиз. Эпинъиз бири-биринъизге алчакъгонъюллик косьтеринъиз. Алла къопайларгъа къаршы чыкъа, алчакъгонъюллилерге исе эйилик япа.

Цефанья 2:10

Шу, оларнынъ башларына къопайлыгъы ичюн тюшеджек, чюнки олар Ордулар РАББИсининъ халкъыны мыскъылладылар ве акъаретледилер.

Ешая 28:1

Эфраимнинъ сархош огъуллары макътангъан таджгъа беля! Солаяткъан чечекке, Эфраимнинъ дюльберлигине ве шуретине беля! Чечек берекетли вадийининъ башында, анда яшагъанлар исе шарапнен харапландылар!

Ешая 23:9

Эр бир шуретли адамнынъ къопайлыгъыны масхара этмек, бутюн ер юзю урьмет эткен адамларны ашаламакъ ичюн, бу къарарны Ордуларнынъ РАББИси чыкъарды.

Джемаат башы 6:2

Алла адамгъа эм байлыкъ, эм мал-мульк, эм шурет бере, джаны ичюн эр бир истегинде бир аджет ёкъ. Амма бунынъ эписинен Алла онъа къулланмагъа имкян бермей, ве эписи ят адамгъа къала. Бу – бош шей ве аджджы бир белядыр!

Йирмея 47:1

Фыравун Гъаза шеэрини урмаздан эвель, РАББИден Йирмея пейгъамберге фелестинлилер акъкъында бойле хабер кельди:

Цефанья 2:4

Гъаза бом-бош къаладжакъ, Ашкелон да йыкъыладжакъ, Ашдод купе-куньдюз сюргюн этиледжек, Экрон да бутюнлей ёкъ этиледжек.

Зекерья 9:5

Ашкелон шеэри буны корьгенде, пек къоркъаджакъ; Гъаза шеэри буны корьгенде, къоркъудан пек къалтырайджакъ, Экрон шеэри де буны корип, къоркъаджакъ; онынъ ишанчы масхара оладжакъ. Гъазанынъ падишасы гъайып оладжакъ, Ашкелонда адам яшамайджакъ.

Зекерья 9:7

Агъызларындан къандан япылгъан ашларыны, тишлеринден арам ашларыны тартып аладжагъым. Сагъ къалгъанлар Алламызгъа бериледжек ве Ехудада сой киби оладжакъ. Экрон шеэри де евуслылар киби оладжакъ.