Зекерья 9:5 - Мукъаддес Китап

⁵ Ашкелон шеэри буны корьгенде, пек къоркъаджакъ; Гъаза шеэри буны корьгенде, къоркъудан пек къалтырайджакъ, Экрон шеэри де буны корип, къоркъаджакъ; онынъ ишанчы масхара оладжакъ. Гъазанынъ падишасы гъайып оладжакъ, Ашкелонда адам яшамайджакъ.

Зекерья 9:5 Referans Kwoze

Фаалиет 8:26

Филипке Раббининъ Мелеги келип: – Еринъден тур! Дженюп тарафкъа, Ерусалимден Гъазагъа баргъан сахра ёлуна бар! – деди.

Йирмея 47:1

Фыравун Гъаза шеэрини урмаздан эвель, РАББИден Йирмея пейгъамберге фелестинлилер акъкъында бойле хабер кельди:

Филиплердекилерге 1:20

Мен ич бир шейде масхара олмайджагъымны, амма шимди, эр вакъыт олгъаны киби, меним тири я да олю беденимде Месих ачыкъ-айдын шурет къазанаджагъыны буюк умютнен беклейим.

Римлилерге 5:5

Ишанч исе бизни алдатмаз, чюнки бизге берильген Мукъаддес Рух юреклеримизни Алланынъ севгисинен толдурды.

Ёэль 3:4

Эй, Тир ве Сидон шеэрлери, бутюн Фелестин виляетлери, Манъа япаджагъынъыз недир? Сиз Мени джезаламагъа истейсинъизми? Акъкъымны береджек оласынъызмы? Манъа япаджакъ олгъанларынъызны Мен тез ве къолайлыкънен башларынъызгъа тюшюреджегим.

Амос 1:8

Ашдод шеэринде яшагъанларны ве Ашкелон падишасыны къырып ташлайджагъым. Экрон шеэрини юмругъымнен ураджагъым, ве эр бир къалгъан фелестинли гъайып оладжакъ, – дей РАББИ-ТААЛЯ.

Зекерья 9:4

Амма Рабби онынъ барлыгъыны ёкъ этеджек, денъиздеки кучюни гъайып этеджек. Шеэрнинъ озю исе атешнен якъыладжакъ.

Зекерья 9:6

Ашдод шеэринде ят къабиле яшайджакъ. Мен фелестинлилернинъ къопайлыгъыны къырып ташлайджагъым.

Ешая 14:28

Ахаз падиша ольген йылында ойле пейгъамберлик олды:

Амос 1:6

РАББИ бойле дей: – Гуна устюне гуна къазангъанлары ичюн, Гъазада яшагъанларны мытлакъа джезалайджагъым. Чюнки олар бутюн халкъны сюргюн этти ве эдомлыларнынъ къолларына берди.