Зекерья 1:1 - Мукъаддес Китап

¹ Дарьявеш падишалыгъынынъ экинджи йылында, секизинджи айында РАББИ Иддонынъ торунына, яни Берекиянынъ огълуна, Зекерья пейгъамберге бойле деди:

Зекерья 1:1 Referans Kwoze

Нехемья 12:4

Иддо, Гиннетой, Авия,

Лука 11:51

Хабильнинъ къанындан башлап, къурбан еринен Алланынъ Сарайы арасында ольдюрильген Зекъарьянынъ къанына къадар. Эбет, сизге айтам: эр шей ичюн бу несиль джевап береджек!

Матта 23:35

Бойледже, инсафлы адам Хабильнинъ къанындан башлап, Алланынъ Сарайы ве къурбан ери арасында сизлер ольдюрген Берекиянынъ огълу Зекъарьянынъ къанынадже ер юзюнде тёкюльген бутюн гунасыз адамларнынъ къаны сизинъ бойнунъызда!

Зекерья 7:1

Дарьявеш падишалыгъынынъ дёртюнджи йылда, докъузынджы айында (Кислев айында), дёртюнджи кунюнде РАББИнинъ сёзю Зекерьягъа кельди.

Зекерья 1:7

Дарьявеш падишалыгъынынъ экинджи йылында, 11-инджи айында (Шеват айында), 24-юнджи кунюнде РАББИ Иддонынъ торунына, яни Берекиянынъ огълуна, Зекерья пейгъамберге, Озь сёзлерини ёллады.

Узеир 4:24

Бундан сонъ Ерусалимдеки Алланынъ Сарайында ишлер токътатылды ве Фарс падишасы Дарьявешнинъ падишалыгъынынъ экинджи йылынадже токътап къалды.

Хагъгъай 2:10

Докъузынджы айнынъ 24-юнджи куню, Дарьявеш падишалыгъынынъ экинджи йылында, РАББИ Хагъгъай пейгъамбернен шуны айтты:

Хагъгъай 1:1

Падиша Дарьявешнинъ падишалыгъынынъ экинджи йылында, алтынджы айнынъ биринджи куню Хагъгъай пейгъамберге РАББИден бойле хабер кельди. О, Ехуда акимине Шеалтиэлнинъ огълу Зеруббавелге ве баш руханийге Ехоцадакънынъ огълу Ехошуагъа шуны айтты:

Нехемья 12:16

Зекерья – Иддо къорантасынынъ башлыгъы, Мешуллам – Гиннетон къорантасынынъ башлыгъы,

Хагъгъай 2:20

Шу айнынъ 24-юнджи кунюнде Хагъгъай экинджи кере РАББИнинъ сёзлерини эшитти:

Хагъгъай 1:15

Бу, падиша Дарьявеш падишалыгъынынъ экинджи йылында, алтынджы айнынъ 24-юнджи куню олып кечти.

Узеир 5:1

О заман Хагъгъай пейгъамбер ве Иддонынъ огълу Зекерья пейгъамбер Ехудада ве Ерусалимде яшагъан ехудалыларгъа Исраильнинъ Алласы РАББИ Адынен пейгъамберлик япып башладылар.

Зекерья 6:9

РАББИ манъа бойле деди:

Хагъгъай 1:3

РАББИ Хагъгъай пейгъамбернен исраиллилерден шойле сорады: