Юнус 2:6 - Мукъаддес Китап

⁶ Сувлар мени бус-бутюн къаплады, буюк теренлик чекип алды, башымны ешиль денъиз отлары сарды.

Юнус 2:6 Referans Kwoze

Зебур 30:3

Манъа къулакъ ас, тез-тез къуртар мени! Меним таянаджакъ къаям, мени къуртараджакъ сыгъынакъ эви ол!

Зебур 16:10

Оларнынъ юрегини ягъ баскъан, агъызлары къопайып макътаналар.

Ешая 38:17

Иште, буюк аджджылыкъ меним ичюн хайырлы олды. Сен джанымны олюм чукъурындан къуртардынъ, эписи гуналарымны четке ташлап аттынъ.

Хавакъкъукъ 3:10

Сени корьгенде, дагълар къалтырады, коклерден ягъмурлар ягъды. Буюк теренлик окюрди, тюпсюзлик къолларыны котерди.

Хавакъкъукъ 3:6

О турды, ве дюнья салланды, О бакъты, ве халкълар титреди. Къарт дагълар йыкъылды, эски байырлар тер-тегиз олды. Онынъ ёллары эбедий.

Ешая 40:12

Сувларны къошавучынен ким ольчеди? Коклерни къарышнен ким ольчеп олды? Топракъ тозуны ким чекти? Дагъларнен байырларны теразеде ким чекип олды?

Зебур 143:7

Юкъарыдан къолунъны узатып, мени къуртар, терен сувлардан, эджнебийлернинъ къолундан мени сакъла!

Зебур 104:8

О, берген васиетни эбедий акъылында тута, берген сёзюни – бинъ несиллер девамында.

Зебур 104:6

Эй, Онынъ къулу Ибраимнинъ сою, Озю сайлагъан Якъупнынъ огъуллары!

Зебур 65:6

О, денъизни къуру топракъкъа айландырды; олар озенден джаяв кечти. О ерде биз Онъа къувандыкъ!

Зебур 30:9

Сен мени душманымнынъ къолуна бермединъ, аякъларымны къатты ерге къойдынъ.

Эюп акъкъында китап 33:28

О, джанымны мезардан къуртарды, манъа ярыкъны корьмеге ёл берди».

Эюп акъкъында китап 33:24

онъа мерамет косьтерсе ве: «Оны мезардан къуртар, мен онынъ ичюн одеме таптым», – десе,

Къануннынъ текрары 32:22

Меним гъазабым атеш алевлендирди, онынъ янгъаны олюлернинъ дюньясына ете, о, ер юзюни ве берекетини якъып юта, дагъларнынъ этеклерини якъа.

Матта 16:18

Шунынъ ичюн Мен санъа айтам: сен – Пётрсынъ, ве бу къаянынъ устюнде Мен Озь Топлашувымны къураджам. Оны олюлер дюньясынынъ кучьлери биле енъип оламайджакълар.

Зебур 18:5

Оларнынъ сеси бутюн ер юзюнден кече, оларнынъ хабери дюньянынъ четине ете. Алла кунеш ичюн анда мескен япты;

Ешая 38:10

– Ярым омюр яшап, кетем, омюримнинъ яшамагъан йылларына мени олюлернинъ дюньясына чагъырдылар, – дедим.

Ехезкель 26:20

Мен сени, олюм чукъурына тюшкенлерни киби, эвель заман яшагъан халкъларынынъ янына тюшюреджегим; ашагъы дюньягъа, даимий йыкътырылгъан ерлер арасына, мезаргъа тюшкенлернинъ янына сени ерлештиреджегим. Бир даа сенде адамлар яшамайджакъ, сен ер юзюндеки халкъларгъа шан-шуретинъни башкъа косьтермейджексинъ.

Ехезкель 31:14

Шунынъ ичюн сувларнынъ янында оськен тереклер озь юксеклигинен макътанмасын, даллы тёпесинен булутларгъа узанмасын, сувларнен сувлангъан ич бир терек юксек олмасын. Оларнынъ эписи олюмге бериледжек, мезаргъа тюшкен инсан огъулларынен бирликте олар ернинъ терен чукъурына тюшеджек.

Зебур 69:2

Эй, Аллам, мени азат этмеге, я РАББИ, мени къуртармагъа ашыкъып кель!