Юхан 9:17 - Мукъаддес Китап

¹⁷ – Сенинъ фикиринъдже, козьлеринъни ачкъан адам кимдир? – деп, кене кёр адамдан сорадылар. – О, пейгъамбердир, – деди о.

Юхан 9:17 Referans Kwoze

Юхан 6:14

Адамлар, Иса косьтерген бельгини корип: – Керчектен де, бу – дюньягъа келеяткъан Пейгъамбердир, – дедилер.

Юхан 4:19

– Эфендим, мен корем ки, Сен пейгъамберсинъ, – деди къадын.

Фаалиет 10:38

Назарет шеэринден олгъан Исаны Алла Мукъаддес Рухнен ве къудретнен ягълады. Сонъ О, чокъ яхшы шейлер япып ве Шейтан ургъанларнынъ эписини тедавийлеп юре эди. Исанен берабер Алланынъ Озю эди.

Фаалиет 2:22

Эй, Исраиль акъайлары, бу сёзлерни динъленъиз! Назарет шеэринден олгъан Исанынъ вастасынен Алла къудретли ве аджайип шейлер япты ве бельгилер косьтерди. Сиз буларнынъ эписини билесиз. Оларнынъ эсасында Алла Исаны тасдыкълады.

Лука 24:19

Иса олардан: – Насыл шейлерни? – деп сорады. – Назаретли Исанен олып кечкен шейлерни, – дедилер Онъа. – О, Алланынъ ве бутюн халкънынъ огюнде сёзюнен ве ишинен къудретли олгъан бир пейгъамбер эди.

Матта 21:11

Халкъ исе: – Бу – Галилеянынъ Назарет шеэринден олгъан Иса пейгъамбер! – деп джевап берди.

Къануннынъ текрары 18:15

Алланъ олгъан РАББИ сизинъ аранъыздан, агъа-къардашларынъыздан, сизге манъа ошагъан бир Пейгъамберни асыл этеджек. Оны динъленъиз.

Юхан 9:15

Фериселер де кёр адамдан козьлери насыл ачылгъаныны сорадылар. – О, козьлериме чамур якъты. Мен ювундым, ве энди козьлерим коре, – деди адам.