Юхан 8:34 - Мукъаддес Китап

³⁴ – Сизге керчектен догърусыны айтам, – деди Иса. – Гуна япаяткъан эр бир адам гунанынъ къулудыр.

Юхан 8:34 Referans Kwoze

Римлилерге 6:16

Сизлер бильмейсизми? Озьлеринъизни къул киби бир кимнинъ къолуна берсенъиз, о адамгъа бойсунгъан къул оласынъыз. Гунанынъ къулу олсанъыз, оледжексинъиз. Алланы динълеген къул олсанъыз, инсафлы сайыладжакъсынъыз.

2 Пётр 2:19

Озьлери бозукълыкънынъ къуллары олып, оларгъа азатлыкъны ваде этелер. Амма адам неден енъильсе, онынъ къулу ола.

Икметли сёзлер 5:22

Ярамайны озь яманлыкълары сарып аладжакъ, озь гуналарынынъ къапкъаны оны тутып багълайджакъ.

Римлилерге 6:12

Бойлеликнен, гунагъа сизинъ оледжек беденлеринъизге падишалыкъ япмагъа ёл берменъиз ве беден истеклерине бойсунманъыз.

Римлилерге 6:6

Биз билемиз ки, гуна япмагъа истеген беденимиз ёкъ олсун ве биз энди гунагъа къул олмайыкъ деп, Месихнен берабер бизим эски джанымыз хачкъа мыхланды.

Титке 3:3

Бир вакъытта бизлер акъылсыз, сёз динълемеген, ёлдан урулгъан адамлар эдик. Чокъ тюрлю яман истек ве зевкъларгъа къул олып, яманлыкънен ве пахыллыкънен яшай эдик, пис олып, бир-биримизни кореджек козюмиз ёкъ эди.

Эфеслилерге 2:2

бир вакъытлары, бутюн бу дюнья киби, коклер тюбюндеки падишалыкъ башлыгъынынъ эмиринен, итаатсыз адамларда чалышкъан рухнынъ истегенинен яшай эдинъиз.

Римлилерге 7:25

Раббимиз Иса Месих ярдымынен Алла къуртараджакъ! Онъа шукюрлер олсун! Бойлеликнен, бир тарафтан, акъылым Алланынъ Къанунына къул олып, арекет эте, башкъа тарафтан исе, беденим гуна къанунынынъ къулу олып къала.

3 Падишалар 21:25

РАББИнинъ огюнде Ахав киби яманлыкъ япкъан адам ёкъ эди, шу яманлыкъларны япмагъа оны апайы Изевель огретти.

Римлилерге 8:21

эр яратылгъан шей де олюмнинъ къуллугъындан къуртуладжакъ ве Алланынъ балаларынынъ шуретине ве азатлыгъына къошуладжакъ.

Римлилерге 7:14

Биз билемиз ки, Къанун Рухтан келе, мен исе бедени ве къаны олгъан адамым. Гуна мени сатын алды ве озюне къул япты.

Фаалиет 8:23

Сенинъ аджджы зеэрге толгъанынъны ве адалетсизлик зынджырына багълангъанынъны корем, – деди.

Юхан 3:3

Иса онъа шойле джевап берди: – Санъа керчектен догърусыны айтам: эгер ким юкъарыдан догъмаса, Алланынъ Падишалыгъыны корип оламаз.

Матта 5:18

Сизге айткъаным догърудыр: ернен кок джоюлмагъандже, Къанундан не бир уфакътан-уфакъ ариф, арифнинъ чызычыгъы биле ёкъ олмаз. Бу шейлернинъ эписи оладжакъ.