Юхан 6:56 - Мукъаддес Китап

⁵⁶ Беденимни ашагъан ве къанымны ичкен адам Менде яшай, онда Мен де яшайым.

Юхан 6:56 Referans Kwoze

Юхан 14:20

Шу куню биледжексиз ки, Мен Бабамда, сиз Менде ве Мен сизде олам.

1 Юхан 3:24

Онынъ эмирлерини беджерген адам Аллада булуна, Алла да онда булуна. О, бизге Рухны бергени ичюн, О, ичимизде яшагъаныны билемиз.

Сырларнынъ ачылувы 3:20

Мына, Мен къапу алдында турып, такъырдатам. Ким сесимни эшитип, къапуны ачса, Мен онынъ янына кирерим, ве биз экимиз акъшамлыкъ ашыны ашармыз.

Юхан 14:23

Иса онъа шойле джевап берди: – Мени севген адам сёзюмни тутаджакъ, ве Бабам оны севеджек. Биз онъа келип, онен яшайджакъмыз.

Зебур 91:9

Лякин Сен, я РАББИ, эбедиен Юджесинъ!

1 Юхан 4:12

Ич кимсе ич бир вакъыт Алланы корьмеген. Эгер бири-биримизни севсек, Алла бизим ичимизде булуныр ве Онынъ севгиси бизде тер-темиз олур.

2 Коринтлилерге 6:16

Алланынъ Сарайынен путлар арасында насыл алякъа бар? Сизлер исе – Тири Алланынъ Сарайысынъыз. Алла бойле деди: – Мен сизинъ ичинъизде яшайджагъым, аранъызда юреджегим, сизинъ Алланъыз оладжагъым, сиз исе Меним халкъым оладжакъсынъыз.

Эфеслилерге 3:17

иманынъызнен Месих сизинъ юрегинъизде ерлешсин. Сонъ сиз, севги сизде тамыр аткъанда ве темеллешкенде, бутюн Алланынъ азизлеринен берабер бу севгининъ кенълиги, узунлыгъы, юксеклиги ве теренлигини бутюнлей анълайджакъсыз

Агълав йырлары 3:24

«РАББИ – меним къысметим, – дей джаным. – Онынъ ичюн Онъа ишанаджагъым!»

Зебур 91:1

Зебур. Раатлыкъ куню ичюн йыр.

Зебур 90:1

Юдже Алланынъ сыгъынагъында яшагъан адам Къудретли Алланынъ кольгесинде раатланыр!

Юхан 6:55

Меним беденим – акъикъий аш, къаным – акъикъий ичимликтир.

1 Юхан 2:24

Сиз башындан эшиткен шейлер сизинъ ичинъизде къалсын. Эгер башындан эшиткен шейлер сизинъ ичинъизде къалса, сиз эм Огъулда, эм Бабада булунаджакъсынъыз.