Юхан 5:15 - Мукъаддес Китап

¹⁵ Бу адам барып, еудийлерге оны тедавийлеген Иса олгъаныны бильдирди.

Юхан 5:15 Referans Kwoze

Юхан 4:29

– Барынъыз, мен япкъан бутюн ишлеримни айтып берген адамны корюнъиз! Бельки О, Месихтир? – деди.

Юхан 9:34

Еудий башлыкълары бунъа джевап берип: – Сен бутюнлей гуна ичинде догъгъан олсанъ да, энди бизге акъыл огретесинъми? – деп, оны къувып чыкъардылар.

Юхан 9:30

– Шашыладжакъ бир шей! – деп джевап берди о. – Сиз Онынъ къаерден олгъаныны бильмейсиз, лякин О меним козьлеримни ачты!

Юхан 9:25

– О, гуналымы, ёкъмы, мен бильмейим, – деп джевап берди о. – Мен тек шуны билем: кёр эдим, энди исе корем.

Юхан 9:15

Фериселер де кёр адамдан козьлери насыл ачылгъаныны сорадылар. – О, козьлериме чамур якъты. Мен ювундым, ве энди козьлерим коре, – деди адам.

Юхан 5:12

– «Тёшегинъни алып бар», – деген адам ким? – деп сорадылар олар ондан.

Юхан 1:19

Мына Ягъянынъ шаатлыгъы. Еудийлер Ерусалимден руханийлер ве левийлилерни ёллап, Ягъядан: – Сен кимсинъ? – деп сорадылар.

Марк 1:45

Амма о адам кетип, озюнен олгъан вакъианы орталыкъкъа даркъатып башлады. Нетиджеде, Иса энди шеэр ичине ачыкъ кирип оламайып, адамсыз ерлерде къала эди. Лякин адамлар Онъа анда да эр ерден келе эдилер.

Юхан 5:10

Шунынъ ичюн еудийлер сагъ олгъан адамгъа: – Бугунь раатлыкъ куню. Санъа тёшегинъни алып кетирмеге мумкюн дегиль! – дедилер.

Юхан 5:16

Бунынъ ичюн еудийлер Исаны къувалап башладылар, чюнки О, бойле ишлерни раатлыкъ кунюнде япа эди.

Юхан 5:18

Шунынъ ичюн еудийлер Исаны ольдюрмек ичюн, даа чокъ арекет эте башладылар, чюнки Иса раатлыкъ кунюни бозгъанындан гъайры Аллагъа «Бабам» дей эди ве шунынънен Озюнинъ Аллагъа тенъ олгъаныны косьтере эди.