Юхан 4:50 - Мукъаддес Китап

⁵⁰ – Эвинъе бар, огълунъ сагъ-селямет оладжакъ, – деди Иса. О адам Исанынъ айткъанына инанып, кетти.

Юхан 4:50 Referans Kwoze

Матта 8:13

Сонъ Иса юзбашыгъа: – Эвинъе бар, сенинъ иманынъа коре олсун, – деди. Юзбашынынъ хызметчиси исе шу ань тюзельди.

Лука 17:14

Оларны корьген Иса: – Барып, озьлеринъизни руханийлерге косьтеринъиз, – деди. Олар даа ёлда олгъанда, лепрадан темиз олдылар.

Еудийлерге 11:19

Ибраим, Алланынъ олюлерни тирильтмеге кучю бар, деп тюшюнди. Шунынъ ичюн о санки Исхакъны олюмден къайтарып алды.

Юхан 11:40

– «Эгер иман этсенъ, Алланынъ шерефини кореджексинъ», – деп санъа айтмадыммы? – деди Иса.

Юхан 4:49

– Эфендим, – деди Онъа падишанынъ мемуры, – огъланчыгъым ольмезден эвель, етип кель!

Юхан 4:51

О, даа ёлда олгъанда, къуллары оны къаршылап: – Баланъ сагъ-селямет! – дедилер.

3 Падишалар 17:16

РАББИ Ильястан айтып йиберген сёзлерине коре, ун савутындаки ун эксильмеди, бардакътаки зейтюн ягъы да азлашмады.