Юхан 13:34 - Мукъаддес Китап

³⁴ Сизге янъы эмир берем: бир-биринъизни севинъиз. Мен сизни насыл севген олсам, сиз де бир-биринъизни шойле севинъиз.

Юхан 13:34 Referans Kwoze

Эфеслилерге 5:2

ве, Месих бизлерни севгени киби, сизлер де бойле севгинен яшанъыз. О бизлер ичюн Озюни бахшыш ве къурбан оларакъ, гузель къокъулы шей киби, Аллагъа берди.

Левийлилер 19:18

Яманлыкъкъа къаршы яманлыкъ япманъыз, халкъынъыздан ич бир адамгъа къаршы да яман фикирлерни тутманъыз. Лякин якъын адамны озюнъизни киби севинъиз. Мен – РАББИм.

Юхан 15:17

Мен сизге буюрам: бир-биринъизни севинъиз!

1 Пётр 1:22

Акъикъаткъа бойсунып, сиз джанларынъызны элялладынъыз ве экиюзьлю олмагъан агъа-къардашлыкъ севгисинен севмеге башладынъыз. Шунынъ ичюн бир-биринъизни гъайретнен темиз юректен севинъиз.

Галатиядакилерге 6:2

Бири-биринъизнинъ агъырлыкъларыны ташынъыз. Бойле япып, сиз Месихнинъ Къануныны беджерирсиз.

1 Юхан 3:23

Онынъ эмири исе – Онынъ Огълу Иса Месихнинъ Адына инанмакъ ве, О бизге буюргъаны киби, бири-биримизни севмектир.

1 Юхан 4:21

Биз Ондан бойле эмирни алдыкъ: «Ким Алланы севсе, озь агъа-къардашыны да севмеге борджлудыр».

Якъуп 2:8

Языда: «Якъын адамны озюнъни севгенинъ киби сев», – деп буюрылгъан. Эгер Падишанынъ бу эмирини беджерсенъиз, яхшы япасынъыз.

1 Тессалоникелилерге 3:12

Биз сизлерни не къадар чокъ севсек, Рабби бири-биринъизге ве бутюн инсанларгъа олгъан севгинъизни о къадар арттырсын ве толу япсын.

Римлилерге 12:10

Бири-биринъизни агъа-къардаш киби сыджакъ севгинен севинъиз, башкъаларына озюнъизден зияде сайгъы косьтеринъиз,

2 Юхан 1:5

Энди санъа риджа этем, ханым, бири-биримизни севейик. Мен санъа янъы бир эмир язмайым, бизде башындан олгъан эмирни язам.

Галатиядакилерге 6:10

Шунынъ ичюн, даа вакътымыз олгъанда, эписине ве эр шейден эвель озюмизнинъ иман аркъадашларымызгъа яхшылыкъ япайыкъ.

1 Юхан 3:11

Башындан сиз эшиткен хабер бойледир: бири-биримизни севейик!

Левийлилер 19:34

Аранъызда яшамакъ ичюн ерлешкен кельмешек сизлер ичюн ерли адам киби олсун, оны озюнъизни киби севинъиз. Сизлер де Мысыр топрагъында кельмешек эдинъиз. Мен – РАББИм, сизинъ Алланъыз.

Еудийлерге 13:1

Бири-биринъизни агъа-къардашларынъызны киби севинъиз.

2 Тессалоникелилерге 1:3

Агъа-къардашлар, биз сизлер ичюн эр вакъыт Аллагъа шукюр этмек керекмиз. Бу догърудыр, чюнки иманынъыз къавийлеше, озьара агъа-къардашлыкъ севгинъиз эп арта.

Галатиядакилерге 5:22

Рухнынъ мейвасы исе – севги, къуванч, тынчлыкъ-аманлыкъ, сабыр, мерамет, яхшылыкъ, ишанч,

2 Пётр 1:7

диндарлыкъкъа агъа-къардаш муаббетини, агъа-къардаш муаббетине севгини къошунъыз.

Колоссайлыларгъа 1:4

чюнки Иса Месихке иманынъыз ве бутюн азизлерге севгинъиз акъкъында эшиттик.

Галатиядакилерге 5:6

Иса Месихте не сюннетнинъ, не сюннетсизликнинъ файдасы ёкъ, тек севгиде озюни косьтерген иманнынъ файдасы бар.

Юхан 17:21

Оларнынъ эписи бирлик олсунлар. Эй, Баба, Сен Менде ве Мен Сенде олгъаным киби, олар да Бизде олып, бирлик олсунлар. Сонъ дюнья Мени Сен ёллагъанынъа инанаджакъ.

Зебур 16:3

Сен юрегимни сынадынъ, гедже манъа кельдинъ. Сен мени сынадынъ ве ич бир яманлыкъ тапмадынъ. Дудакъларым гуна япмайджакъ, къарарына кельдим.

Матта 5:44

Мен исе сизге айтам: душманларынъызны севинъиз эм сизни къувалагъанлар огъруна дувалар окъунъыз.

Римлилерге 13:8

Ич кимсеге ич бир шейде борджлу олманъыз. Тек бири-биринъизни севмеге борджлу олунъыз. Башкъасыны севген адам Къанунны беджерди де.

Римлилерге 13:10

Якъынны севген адам онъа яманлыкъ япмай. Якъынны севмек – Къанунны беджермектир.